SISIKON NU TO RASUL-RASUL 12:1 - KITAB NU TUMPU ALLA LELE MA'IMAI'

¹ I tempo'mo aitu na i Tomundo Herodes lewa'mo nonsansala to jama-jama'at mian Kristen.

SISIKON NU TO RASUL-RASUL 12:1 ပူးပေါင်းရင်းမြစ်များ

MAZMUR 125:3

Mian anu ma'idek na kinyonyoanyo madi' saja'mo montoongi kakuasa'an i tano' pusaka' nu mian anu hodi' na kinyonyoanyo, da mian anu manonong madi' mosele mombau anu ma'idek.

MATIUS 14:1

Tempo'nyo aitu i Herodes mongkuasai lipu' nu Galilea, nohongo lele i Yesus.

MATIUS 14:3

Kalana toho'mo i Herodes nompokau da i hakop na i Yohanes, ka'pinungu na ia ka' pinosoop i uno nu talungku'. I Herodes nombau sumo aitu, kalana han i Herodias bengkele' nu utusnyo, aijo'mo i Filipus.

MATIUS 14:6

Tempo'nyo i Herodes molame'akon sinaa ka' taun kinahampeannyo, anak boune i Herodias nanari i ahop nu mian da'isan. Ia nanari talalo nomposanang kinyonyoa i Herodes,

MATIUS 24:9

Lapas aitu, komiu o hakop ka' o bee' da o sakisa ka' o patei. Songko-songko na dunia mongka'idekimo komiu, kalana komiu anu mombatuki Aku.

LUKAS 22:53

Sansina-sinaa Aku tiba komiu kiijo' i Laigan nu Tumpu, komiu madi' mohakop Aku. Panyo aiyamo na tempo'nyo komiu mohakop, tempo'nyomo kuasa nu pintung montoongimo pamalentahannyo.”

YOHANES 15:20

O'inau' apaa na anu tinaloakonKumo hi komiu, ‘Botuan madi' lebee daka' molingkudui tuannyo.’ De aha monsakisamo Aku, aha mule' monsakisa suele komiu. De aha mombatuki pangajalan-Ku, aha suele mombatuki pangajalanum.

YOHANES 16:2

Komiu osabatakon i laigan anu saja-saja' pogalejaan. Ka' tokaje na tempo'nyo saba' mian anu mompatei komiu tukoonyo ia mombau anu nu palentahkon nu Tumpu.

SISIKON NU TO RASUL-RASUL 11:30

Posa'angu'an nu tanga'an aijo' binaumo, lantas i Barnabas ka' i Saulus sinai da momboa pontulungi aijo' hi to pola-polaya' nu jama'at.

SISIKON NU TO RASUL-RASUL 12:2

Ia nompalentah i Yakobus, utus i Yohanes opatei nu bajak.

SISIKON NU TO RASUL-RASUL 4:30

Otulungiakon-To mae da mian masakit opa'alin ka' anu okabangangi ka' hahan anu madi' toho' opia timbali kalana kakuasa'an ka' kahosonan anu nolengkat mae hi Yesus, Posaihon-To anu Susi' aijo'.”

SISIKON NU TO RASUL-RASUL 9:31

Sahingga jama'at i songko-songko na Yudea, Galilea ka' i Samaria madi'mo binata-bata. Roh nu Tumpu na nontulungi da nabuhuk hi Tumpu, sahingga to jama-jama'at aijo' nompaka majumo ka' nompaka da'isanmo.