SISIKON NU TO RASUL-RASUL 11:26 - KITAB NU TUMPU ALLA LELE MA'IMAI'

²⁶ Salatan siningkabotmo i Saulus, ia nomboamo i Saulus nokiijo' i Antiokhia ka' sinataun ahi' na aha nosa'angu' tiba jama'at kiijo' mae ka' nongajan da'isan na mian. Kiijo'mo i Antiokhia na to mia-mian anu palesayamo hi Yesus momonaje hondo sinanggohan to mia-mian Kristen.

SISIKON NU TO RASUL-RASUL 11:26 ပူးပေါင်းရင်းမြစ်များ

YESAYA 65:15

To mia-mian anu pinile'an-Kumo mompake sanggo nu beleyum salaku kutuk: ‘O'amalakon da Tumpu Anu Matangkas na Kuasanyo mompatei belemiu susumo aha!’ Panyo mian anu tulu-tulutan hi beleng-Ku, Ku bee'ije sanggo anu bu'ou ponsanggohi.

MATIUS 28:19

Kalana aijo' lako'mo hi iwi-iwi' na bansa ka' songko-songko na dunia potimbali na aha anu saja' mombatuki Aku. Opalamandikan na aha ka' o sanggo na sanggo nu Tuuma, ka' Anak, ka' Roh nu Tumpu Allah.

YOHANES 2:2

I Yesus tiba anu saja' mombatuki Ia suele tinaang da mamba i bau-bauon aijo'.

SISIKON NU TO RASUL-RASUL 1:15

Kinosansinaan aitu, tempo'nyo aha hau-haunyo sinilimu'mo – daagi' kila-kila sa'atu ka' uampulu' na mian anu tinoka – i Petrus tinuminjomo mongka'oho' motatae. Ia notatae,

SISIKON NU TO RASUL-RASUL 11:20

Panyo daagi' ko anu hi aha to mia-mian anu palesayamo aijo', anu nolengkat mae i Siprus ka' i Kirene, daagi' mule' ko to mia-mian anu namba nokiijo' i Antiokhia ka' nompolele Lele Ma'ima' mongkona i Yesus aijo' hi to mia-mian anu madi' bala agama Yahudi.

SISIKON NU TO RASUL-RASUL 11:22

To sisi-sisik mongkona kajadian-kajadian aiya tinoka tokamo suele hi jama'at i Yerusalem. Sahingga aha nonsaimo i Barnabas mokiijo' i Antiokhia.

SISIKON NU TO RASUL-RASUL 11:27

Tempo'nyo aitu daagi' ko to pia-piangkuka na nabi lengkat mae i Yerusalem nokiijo' i Antiokhia.

SISIKON NU TO RASUL-RASUL 11:29

Sahingga iwi-iwi' anu saja' mombatuki Yesus nomposa'angu'mo tanga'an da mompakatu pontulungi hi to utu-utus anu jojoong i Yudea; toto samian mompakatu yayamo anu nu poko ala.

SISIKON NU TO RASUL-RASUL 14:20

panyo salatan to mia-mian palesaya anu i kiijo' tinuminjo nontikubi ia, ia nobula ka' po'ule' ninsusule' nokiijo' i kota. Dodododopnyo ia nambamo nokiijo' i Derbe no hingga-hinggat tiba i Barnabas.

SISIKON NU TO RASUL-RASUL 14:22

I kota-kota aijo' aha nompaka pohoson kinyonyoa nu anu saja' mombatuki Yesus ka' nompokinde'i anu saja' mombatuki aijo' da tataap palesaya hi Yesus. “Kita tionyo manjoo' na mongoa'i sansala i moonanyo, atina'je ka' kita mongoa'i ka'ima'an nu Dunia Bu'ou nu Tumpu,” sumo aitumo na to rasul-rasul aijo' mongajanakon hi anu saja' mombatuki Yesus i to kota-kota haha aijo'.

SISIKON NU TO RASUL-RASUL 14:23

Ka' i toto sa'angu' na jama'at, i Paulus ka' i Barnabas nohangkatmo to pola-polaya' nu to jama-jama'at aijo'. Lantas binalado'a ka' binapuasa', aha nompotalima to pola-polaya' aijo' hi Tumpu anu nupalesaya nu aha aijo'.

SISIKON NU TO RASUL-RASUL 14:27

Salatan tinokamo i Antiokhia, aha momposihukmo to mia-mian lengkat i jama'at aijo', lantas nonsisikakonmo iwi-iwi' anu binaumo nu Tumpu anu pinotokakonmo nu aha. Aha suele nonsisikakonmo mosia na Tumpu nombaumo jalan da to mia-mian misa' Yahudi palesayamo hi Yesus.

SISIKON NU TO RASUL-RASUL 14:28

I kota aijo' i Paulus ka' i Barnabas jinojoongmo pinin tiba to mia-mian anu palesayamo.

SISIKON NU TO RASUL-RASUL 18:27

Lapas aitu i Apolos batanga'mo mamba mokiijo' i Akhaya. Sahingga to mia-mian anu palesaya hi Yesus anu i kiijo' i Efesus nontulis sulat toka hi to utu-utus anu palesaya kiijo' i Akhaya da aha mongka'oho' montalima i Apolos. Ka' tempo'nyo i Apolos tinokamo i Akhaya, ia nontulungi' aijo' kino gunanyo hondo hi to mia-mian, anu kalana balakat nu Tumpu pinalesayamo hi Yesus.

SISIKON NU TO RASUL-RASUL 19:9

Panyo to pia-piangkuka na anu hi to mia-mian aijo' panggaga ka' madi' mongka'oho' palesaya. I ahop nu iwi-iwi' na mian anu binalagombu i kiijo' aha mongalu ajalan mongkona tanga'an nu Tumpu Allah da momposalamat mian hi Yesus. Mokonyo aijo' i Paulus nompala'i aha, lantas namba tiba anu saja' mombatuki Yesus nokiijo' i tampat pongajanannyo i Tiranus. I kiijo' mae toka nu sansina-sinaa ia paimpoki-pokilawan tiba to mia-mian.

SISIKON NU TO RASUL-RASUL 20:1

Salatan ilapasmo na kahengge'an kiijo' i Efesus, i Paulus nolimu'mo jama'at ka' nongkakeha'i aha. Lapas aijo' tinaloakonnyo pia mae na komiu, lantas nolausakonmo lajangnyo nokiijo' i Makedonia.

SISIKON NU TO RASUL-RASUL 20:30

Aitu pe'e anu atina' hi to Utu-utus saidi' mae totinjomo na to mia-mian anu mompolele lele anu madi' totu'u. Aha mombau sumo aijo' da to mia-mian anu pinalesayamo hi Yesus timbali ponga' ka' mombatuki aha.

SISIKON NU TO RASUL-RASUL 21:4

I tampat aijo' kami namba nolenga to mia-mian anu pinalesayamo hi Yesus, lantas jinojoong tiba aha kinopinnyo sina'angu' na duminggu. Roh nu Tumpu na nompoto'i hi Paulus da boli mamba mokiijo' i Yerusalem.

SISIKON NU TO RASUL-RASUL 26:28

Lantas i Agripa notatae hi Paulus, “Koyum dengke na mompotimbali aku timbali mian Kristen i uno nu tempo' sasaingoni' aiya?”

SISIKON NU TO RASUL-RASUL 6:1

Anu saja' mombatuki Yesus ko pipinnyo ko pintu-pintuangnyo manjoo'. Tempo'nyo aitu to mia-mian nu Yahudi anu motatae nu basa' Yunani, madi'mo sinanang hi to mia-mian anu daagi' Yahudi totu-totu'u. Anu mobasa' Yunani aijo' notatae, “To bouboune mami anu binalumo madi' sinukup nu pontulungi bau balanja sansina-sinaa anu binagi-bagiakon hi to mia-mian.”

SISIKON NU TO RASUL-RASUL 6:5

Iwi-iwi' na mian aijo' situju tiba pongka'oho' nu to rasul-rasul aijo'. Lantas aha nompile'i i Stefanus, samian na anu palesaya hondo hi Yesus ka' nukuasai nu Roh nu Tumpu. Suele tinompile'i: i Filipus, i Prokhorus, i Nikanor, i Timon, i Parmenas, ka' i Nikolaus lengkat i Antiokhia; ia misa' mian nu Yahudi, panyo ninsoopmo agama nu Yahudi.

SISIKON NU TO RASUL-RASUL 9:19

Ka' noko kaan, ia tinompo'ule'mo nahoson. I Saulus jinojoong i Damsyik tiba anu saja' mombatuki Yesus tino pia-pian sinaa na kopinnyo.

SISIKON NU TO RASUL-RASUL 9:38

Yope madi' sangkuka na kojo'onnyo lengkat i Lida. Jadi tempo'nyo anu saja' mombatuki Yesus kiijo' mae i Yope nohongomo i Petrus daagi' kiijo' i Lida, aha nonsai ua'aha namba hi Petrus ka' nompotuun sumo uuka, “Lia-lia' mae toka.”

1 KORINTUS 11:18

Momona ihongongku tukoonyo i uno nu kasingkabotan-kasingkabotan daagi' ko toto sanggombu na mian anu mompaha pisa-pisala'i. Ka' kututugi sangkiding kabai manjoo' na lele aijo' tantu totu'u.

1 KORINTUS 12:12

I Kristus aijo' sumo butong nu mian; butong aijo' sa'angu', panyo manjoo' na bagiannyo. Iwi-iwi' na bagiannyo aijo' mau mule' manjoo', panyo tinimbali sa'angu' na butong.

1 KORINTUS 14:23

Mokonyo aijo', de bisuannyo jama'at singkabotmo i uno nu pogombuan, iwi-iwi' jama'at basisikmo ingangahan nu basa' anu okabangangi, lantas toka to pia-piangkuka na mian anu misa' gampanto, kabai to mia-mian anu misa' Kristen, tantu to mia-mian haha aijo' monsangka komiu notutuangmo iwi-iwi'!

1 KORINTUS 4:17

Mokonyo aijo' sinaingkumo na i Timotius hi komiu. Salaku anu mombatuki i Kristus ia sumomo posi anakku, anu ku kukalibosi. Ia anak anu timbali opalesaya. Iaje na mompotuka' komiu mongkona jalan nu kantumuu'an anu binatukumo salatan aku pinalesayamo hi Kristus, aijo'mo jalan nu kantumuu'an anu pinogulu'kumo suele hi to jama-jama'at iyaya mae.

EFESUS 3:15

Lengkat mae hi Ia na anu i suluga' ka' mian anu i dunia aiya montalima samata-mata tabiat-Nyo.

YAKOBUS 2:7

Ahamo na anu nompopo'ambang sanggo anu o adati, anu tinalimamo miu hi Tumpu!

1 PETRUS 4:14

Komiu mohumpakmo dale' de komiu o jojoa, kalana komiu anu saja' mombatuki i Kristus. Aijo' alati'nyo Roh anu opopodaka', aijo'mo Roh nu Tumpu anu daagi'mo itina' hi belemiu.

1 PETRUS 4:16

Panyo de komiu mongoa'i kasansala'an kalana komiu mian Kristen, boli ma'ambang kalana han aijo'. Ola ahi' montalima kase hi Tumpu, kalana komiu momboa sanggo i Kristus.

1 YOHANES 2:27

Panyo kona hi posi komiu, i Kristus nolambe'akonmo Roh-Nyo hi komiu. Ka' de Roh-Nyo daagi'mo itina' hi komiu, madi'mo palalu ko mian sangga'at mompogulu' komiu. Kalana Roh-Nyomo na mompogulu' komiu mongkona iwi-iwi' na han; ka' apaa na anu pinogulu'akon-Nyomo aijo' totu'u, madi' baleko'. Kalana aijo' komiu tionyo ahi' tulu-tulutan hi apaa na anu pinogulu'mo nu Roh aijo', ka' tionyo ahi' komiu saja' tumuu' mosa'angu' tiba i Kristus.

ANU PINOTO'I HI YOHANES 3:18

Mokonyo aijo' Aku mompokinde'i belemiu, da mongoli hi beleng-Ku mosoni', aijo'mo mosoni' anu madi' kogalo'nyo, da komiu timbali kaya. Oli mule' suele na baju' mopute' hi beleng-Ku, da belemiu mipake ka' mongkulubi kantumuu'an miu anu langgo-langgo' ka' mongambangi. Ka' olimo na pakuli' anu o gegesakon i mata miu da belemiu timbali montoa.