SISIKON NU TO RASUL-RASUL 11:21 - KITAB NU TUMPU ALLA LELE MA'IMAI'

²¹ Kuasa nu Tumpu, daagi' aitu hi aha, sahingga da'isan na mian timbali pinalesaya ka' mombee' butongnyo hi Tumpu.

SISIKON NU TO RASUL-RASUL 11:21 ပူးပေါင်းရင်းမြစ်များ

2 TAWARIKH 30:12

I Yehuda suele Tumpu Allah nokalajamo ka' nomposa'angu'mo kinyonyoa nu mian da'isan da totu-totu'u tulu-tulutan hi pongka'oho' nu Tumpu Allah aijo'mo montuluti palentah i tomundo ka' to mia-miannyo anu ko pangkatnyo.

EZRA 8:18

Kalana kanonongan nu Tumpu Allah, aha nonsaimo mae hi kami i Serabya, mian nu Lewi anu pande hondo aha sa'anakan mae i Mahli, Hingga-hinggat tiba ia suele tinoka mae ahi' na to ana-anaknyo ka' to utu-utusnyo, konjoo'nyo 18 na mian.

NEHEMIA 2:18

Lantas sinisikumo hi aha mosia na Tumpu Allah nontulungimo aku ka' apaa na anu pinoto'imo i tomundo' hi belengku. Tinaaman nu aha, “Imbo' da otampu'unintomo na mombau kota!” Lantas nosadiamo na aha da montampu'unimo mombau kota'.

NEHEMIA 2:8

Ka' mule', aku nompoitamo sulat anu toka obee' hi Asaf, anu monjagai alas nu kalaja'an, da nu potoukai kau' bau tumban nu sabatan daka' i benteng koko Laigan nu Tumpu, ka' anu opake i pagan mesen nu kota', ka' mule' anu bau laigan kajojoonganku. Iwi-iwi' na anu pinoitangkumo aijo' pinopo'imo i tomundo' kalana Tumpu Allah nontulungimo aku.

YESAYA 53:1

Tinaaman nu bansa aijo', “Ihe ahi' na anu pinalesayamo ihan anu i hongomo mami? Hi he na pinomponyata'anmo kuasa nu Tumpu?

YESAYA 59:1

Boli monsangka Tumpu madi' moko ala momposalamat belemiu kabai matikobongonmo na mohongo potatae nu belemiu.

LUKAS 1:66

Iwi-iwi' mian anu nohongo nompokilawa i kinyonyoanyo, “Apaa na katimbaliannyo nu anak aijo' saidi' mae?” Kalana Tumpu monsangalui ia.

SISIKON NU TO RASUL-RASUL 11:24

I Barnabas aiya mian anu ma'ima' na kinyonyoanyo ka' nukuasai nu Roh nu Tumpu tiba talalo palesaya hi Tumpu sahingga da'isan na mian nontulutimo Tumpu.

SISIKON NU TO RASUL-RASUL 15:19

“Jadi de o ala i pongka'oho'ku,” koonyo i Yakobus, “kita madi' timbali monsusa'i to mia-mian misa' Yahudi aijo', anu mombee'mo butongnyo hi Tumpu.

SISIKON NU TO RASUL-RASUL 2:47

Aha saja' mompuji-puji' Tumpu ka' nuka'ima'i nu mian iwi-iwi'. Toka sansina-sinaa konjoo'nyo nu aha saja' mintuang kalana Tumpu mombee' hi aha to mia-mian anu oposalamat.

SISIKON NU TO RASUL-RASUL 4:4

Panyo to mia-mian anu nohongomo ajalan nu to rasul-rasul aijo', manjoo'mo na anu pinalesaya. Sahingga konjoo' nu aha nintuangmo sampe tinimbalimo kila-kila olima' na madala na mian.

SISIKON NU TO RASUL-RASUL 5:14

Ka' lebe pin lebe mintuang da'isan na to mia-mian palesaya hi Tumpu – to momo'ane sumo aitu mule' to bouboune.

SISIKON NU TO RASUL-RASUL 6:7

Sumo aitumo na lele lengkat hi Tumpu nompaka togilelemo ka' anu saja' mombatuki Yesus i Yerusalem nompaka da'isanmo. Ka' da'isan mule' na to ima-imam anu pinalesayamo hi Yesus.

SISIKON NU TO RASUL-RASUL 9:35

Iwi-iwi' mian anu jojoong i Lida ka' Saron nontoamo i Eneas, lantas aha iwi-iwi' pinalesayamo hi Tumpu.

1 TESALONIKA 1:5

Kalana kami mompotokakon Lele Ma'ima' hi belemiu misa' ola potatae, panyo mule' tiba kuasa ka' tiba Roh nu Tumpu, ka' kami palesaya hondo na kahondoan lengkat i Lele Ma'ima'. Osumbu' miu mosia na kami tinumuu' nombaumo kapentingan miu tempo'nyo kami jinojoong itina' hi komiu.