SISIKON NU TO RASUL-RASUL 11:19 - KITAB NU TUMPU ALLA LELE MA'IMAI'

¹⁹ Lapas i Stefanus pinatean, to mia-mian anu palesayamo hi Yesus mulaimo saja' iloloi', sahingga aha noga'a-ga'atmo iyayamae. Daagi' ko anu nalai sampe tinoka i Fenisia, ka' daagi' mule' ko anu tinoka kiijo' mae i Siprus ka' i Antiokhia. Aha nompolele lele anu lengkat hi Tumpu ola hi to mia-mian nu Yahudi.

SISIKON NU TO RASUL-RASUL 11:19 ပူးပေါင်းရင်းမြစ်များ

MATIUS 10:6

Panyo lako'mo hi to mia-mian Israel, lebe-lebe mule' hi aha anu sinala'mo na jalan.

YOHANES 7:35

Lantas anu mongkuasai Yahudi notataemo samian ka' samian, “Mian aiya kahanda'mo mamba moya sahingga madi' opoko humpakto na Ia? Te Ia kahanda'mo mamba hi to mia-mian Yahudi anu jojoong i sambiha' nu lipu' santano'an i totonga' nu mian Yunani ka' mompogulu' mian nu Yunani?

SISIKON NU TO RASUL-RASUL 11:20

Panyo daagi' ko anu hi aha to mia-mian anu palesayamo aijo', anu nolengkat mae i Siprus ka' i Kirene, daagi' mule' ko to mia-mian anu namba nokiijo' i Antiokhia ka' nompolele Lele Ma'ima' mongkona i Yesus aijo' hi to mia-mian anu madi' bala agama Yahudi.

SISIKON NU TO RASUL-RASUL 11:22

To sisi-sisik mongkona kajadian-kajadian aiya tinoka tokamo suele hi jama'at i Yerusalem. Sahingga aha nonsaimo i Barnabas mokiijo' i Antiokhia.

SISIKON NU TO RASUL-RASUL 13:1

I uno nu jama'at Antiokhia, daagi' ko nabi-nabi ka' to gulu-gulu', aitumo i Barnabas ka' i Simeon, anu o sanggohi mule' Si Hitam, i Lukius lengkat mae i Kirene, i Menahem anu pinotuu' hingga-hinggat i Tomundo Herodes, ka' i Saulus.

SISIKON NU TO RASUL-RASUL 13:4

Kalana sinai nu Roh nu Tumpu, i Barnabas ka' i Saulus namba nokiijo' i Seleukia. Lengkat kiijo' mae aha tinalabutmo nokiijo' i togong Siprus.

SISIKON NU TO RASUL-RASUL 13:46

Panyo i Paulus ka' i Barnabas nompaka baani mule' na notatae totu-totu'u. Aha notatae, “Potatae nu Tumpu memang hi komiu pe'e na tionyo pompotokan. Panyo kalana komiu madi' mongka'oho' montalima, komiu nosi tantukanmo saba' komiu madi' pantas montalima kantumuu'an kopian ka' toka sidu-sidutu'. Ka' uuka kami mompala'imo miu namba hi bansa sangga'at.

SISIKON NU TO RASUL-RASUL 14:26

Lengkat i kiijo' aha po'ule'mo tinalabut ninsusule' nokiijo' i Antiokhia. Aijo'mo na kota tampat nu aha u'utu mae pinotalima hi balakat nu Tumpu, da aha mongkalajakon pakalaja'an anu uuka aiya pinoko kalajamo nu aha.

SISIKON NU TO RASUL-RASUL 15:22

To rasul-rasul ka' to pola-polaya', nohingga-hinggat tiba iwi-iwi' mian anu ninsoopmo jama'at aijo' nomputusimo da mompile'imo to pia-piangkuka na mian anu kiijo' hi aha anu osai mamba mokiijo' i Antiokhia mohingga-hinggat tiba i Paulus ka' i Barnabas. Sahingga aha nompile'imo i Silas ka' i Yudas anu o sanggohi i Barsabas. Ua'aha na mian aiya, aitumo to mia-mian anu talasanggo ka' mian anu palesayamo kiijo' i Yerusalem.

SISIKON NU TO RASUL-RASUL 15:3

Jama'at i Antiokhia nolaya' aha tinoka i sambiha' nu kota, lapas aijo' aha namba notulu i Fenisia ka' i Samaria. I kiijo' mae aha nonsisikakon mosia na to mia-mian anu misa' Yahudi nombee'mo butongnyo hi Tumpu. Lele aijo' talalo nompolame' to mia-mian anu palesaya i kiijo'.

SISIKON NU TO RASUL-RASUL 15:30

Salatan siniloloamo, aha anu sinai aijo' nambamo nokiijo' i Antiokhia. I kiijo' mae aha nolagamo iwi-iwi' na mian anu ninsoopmo i jama'at binala gombu lantas nompotokakon sulat aijo'.

SISIKON NU TO RASUL-RASUL 15:35

I Paulus ka' i Barnabas suele jinojoong tino pia-pia manga na kopinnyo i Antiokhia. I kiijo' mae aha nongajan ka' nompolele potatae nu Tumpu nohingga-hinggat tiba mian da'isan sangga'at.

SISIKON NU TO RASUL-RASUL 15:39

Sahingga i Paulus ka' i Barnabas pinainggaga tala-talalomo hondo, sahingga i mihinyo aha noga'a-ga'atmo: I Barnabas nongala i Markus ka' tinalabut tiba ia nokiijo' i Siprus.

SISIKON NU TO RASUL-RASUL 18:22

Salatan nintatau' i Kaisarea, ia nambamo nokiijo' i Yerusalem da montabea'i jama'at i kiijo', lantas lau-laus nokiijo' i Antiokhia.

SISIKON NU TO RASUL-RASUL 21:16

To pia-piangkuka na aha utus lengkat i Kaisarea namba suele nohingga-hinggat tiba kami da molaya' kami mokiijo' i laigan hi Manason, kalana i laigannyo na kasonso'an mami. (I Manason atina'mo na mian nu Siprus anu pininmo na tinimbali anu saja' mombatuki Yesus.)

SISIKON NU TO RASUL-RASUL 21:2

Kiijo' i Patara kami nonsingkabotimo kapan anu mongka'oho' mokiijo' i Fenisia. Sahingga kami sinumake'mo i kapan aijo' ka' i nambamo

SISIKON NU TO RASUL-RASUL 3:26

Aijo' na sababnyo Tumpu nompile'i Posaihon-Nyo, lantas nonsai Ia toka mae hi komiu momonanyo, da Ia mombalakati komiu. Bau-baunyo nu Ia mombalakati aijo'mo mompotimbali to Utu-utus iwi-iwi' balatobat i bau-baunyo nu kantumuu'anum anu ma'idek.”

SISIKON NU TO RASUL-RASUL 4:36

Sumo aitumo mule' na i Yusuf. Ia suele nompobaluk tano'nyo, lantas doi oli nu anu pinobaluknyo aijo' binoanyo ka' binee'nyo hi to rasul-rasul. I Yusuf aiya samian na lee' mae nu bansa Lewi lengkat mae i Siprus; to rasul-rasul suele monsanggohi ia i Barnabas (alati'nyo Pontundu).

SISIKON NU TO RASUL-RASUL 6:5

Iwi-iwi' na mian aijo' situju tiba pongka'oho' nu to rasul-rasul aijo'. Lantas aha nompile'i i Stefanus, samian na anu palesaya hondo hi Yesus ka' nukuasai nu Roh nu Tumpu. Suele tinompile'i: i Filipus, i Prokhorus, i Nikanor, i Timon, i Parmenas, ka' i Nikolaus lengkat i Antiokhia; ia misa' mian nu Yahudi, panyo ninsoopmo agama nu Yahudi.

GALATIA 2:11

Salatan i Petrus tinoka kiijo' i Antiokhia, pinisala'ankumo na ia i aho-ahopnyo, kalana apaa na anu binaunyomo sala'.