SISIKON NU TO RASUL-RASUL 10:42 - KITAB NU TUMPU ALLA LELE MA'IMAI'

⁴² Ka' Ia nonsai kami mompolele Lele Ma'ima' aijo' hi to mia-mian ka' nombee'i katalangan koonyo Iamo na anu i hangkat nu Tumpu da timbali Mian Kopian nu to mia-mian anu daagi' tumuu' ka' to mia-mian anu sinilakamo.

SISIKON NU TO RASUL-RASUL 10:42 ပူးပေါင်းရင်းမြစ်များ

LUKAS 16:28

Daagi' olima' na utusku i kiijo' mae. Saiakon na i Lazarus mompokinde'i aha, da boli sampe aha mule' manabu' i tampat kasansala'an sumo aiya.’

LUKAS 22:22

Anak nu Mian memang silaka sumo anu tinantukanmo nu Tumpu; panyo mohumpak susa' na mian anu monguesani Ia!”

SISIKON NU TO RASUL-RASUL 1:2

tinoka-toka i sinaa Ia i hangkatmo nokiita' i suluga'. Ma'isa pe'e Ia noliba' nokiita' i suluga', tiba kuasa nu Roh nu Tumpu Ia nombee'imo sonto-sonto' hi aha to rasul-rasul-Nyo anu pinile'anmo.

SISIKON NU TO RASUL-RASUL 1:8

Panyo komiu mohumpakje kuasa, de Roh nu Tumpu tokamo hi komiu. Ka' komiu timbalimo bau sakisi-sakising-Ku i Yerusalem, i songko-songko Yudea, i Samaria ka' toka-toka i puus nu tano'.”

SISIKON NU TO RASUL-RASUL 17:31

Kalana Ia nontantukanmo sa'angu' na tempo' da momputusi adi-adin songko-songko na dunia aiya. Kalaja aijo' nubauje nu samian anu noko pile'anmo nu Tumpu na mombau aijo'. Ka' da iwi-iwi' na mian palesaya totu-totu'u i han aijo', sahingga mian anu sinilakamo po'ule'mo pinotumuu' nu Tumpu!”

SISIKON NU TO RASUL-RASUL 24:25

Panyo salatan i Paulus nolausakonmo potataenyo mongkona hal madi' timbali baleko' ka' tionyo ahi montahan napisu ka' mongkona hukuman i Sinaa Kakiamatan, i Feliks nabuhukmo, lantas notatae, “Beleyum timbalimo minsusule' sinaa uuka. Aku molagaje mule' beleyum de ko kasampatanmo.”

SISIKON NU TO RASUL-RASUL 5:20

“Lako'mo tinjo i Laigan nu Tumpu ka' poto'i hi to mia-mian mongkona kantumuu'an bu'ou aiya.”

ROMA 2:16

Sumo aijo'mo na anu saidi' mae timbali i sinaa anu tinantukanmo aijo'. I sinaa aijo' – koonyo nu Lele Ma'ima' anu kupo-kupolele – Tumpu hi Yesus Kristus na momputusi iwi-iwi' na lahasia nu kinyonyoa ka' pikilan nu mian iwi-iwi'.

2 KORINTUS 5:10

Kalana memang kita iwi-iwi' tionyo mangadap hi Kristus na momputusi, ka' toto samian mohumpak balosnyo pokakana tiba anu binaunyo i dunia aiya – anu binaunyo ma'ima' kabai ma'idek.

2 TIMOTIUS 4:1

I Kristus Yesus daagi' po'ule' toka i dunia aiya da momputusimo to mia-mian anu tumuu' ka' anu sinilakamo; ka' Ia toka mae da mompalentah sumo Tomundo. Mokonyo aijo' ku poita sabole-bole hi komiu i ahop nu Tumpu ka' hi Kristus Yesus:

2 TIMOTIUS 4:8

Ka' uuka aiya palasen nu ka'untungan nopadeka' nontanda'imo aku. I Sinaa Kakiamatan Tumpu, Mian Kopian anu adin aijo' mompotalimaje palasen aijo' hi belengku, kalana aku tumuu' mompaha ima'mo tiba Tumpu. Ka' misa' ola aku na montalima palasen aijo', panyo suele iwi-iwi' mian anu mongindi hondo montanda'i katokaan nu Tumpu.

1 PETRUS 4:5

Panyo aha saidi' mae tionyo mosadia bau pontaami apaa na anu binaumo nu aha hi Tumpu anu sasadiamo momputusi mian tumuu' ka' anu sinilakamo.

ANU PINOTO'I HI YOHANES 1:7

Toa, Ia toka mae nu saput nu kundom! Iwi-iwi' na mian montoa Ia, ka' suele aha anu nonjalo'mo Ia. Iwi-iwi' na bansa i dunia mohangi Ia. Memang, totu-totu'u! Amin!

ANU PINOTO'I HI YOHANES 22:12

“Opalahatikan na aiya!” na koo-Nyo i Yesus, “Madi'mo daagi' pin Aku tokamo ka' momboamo mae tamboonyo hi batu-batu mian bau pombalosi apaa na anu binaunyomo.