SISIKON NU TO RASUL-RASUL 10:4 - KITAB NU TUMPU ALLA LELE MA'IMAI'

⁴ I Kornelius nontonto'i Malaikat aijo' ka' nabuhukmo lantas notatae, “Daagi' ko apaa Tuan?” Tinaaman nu malaikat aijo', “Do'aum ka' ka'ima'an nu kinyonyoaum tinalimamo nu Tumpu ka' Tumpu nonginau'mo beleyum.

SISIKON NU TO RASUL-RASUL 10:4 ပူးပေါင်းရင်းမြစ်များ

2 TAWARIKH 32:24

Tempo'nyo aitu na i Tomundo Hizkia nasakitmo. Panyakitnyo tinadokmo hondo sahingga ia kinoboli' sinilakamo. Ia binalado'a mo lantas binee'anmo nu Tumpu tanda da osumbu' saba' ia daagi' ma'alin.

2 TAWARIKH 6:33

ku taha'imani da kiita' mae i kajojoongan nu Belento i suluga', belento monpotombihingakon mae do'anyo ka' mombee' apaa na anu pinoitanyomo. Tiba jalan anu sumo aijo' iwi-iwi' na bansa anu i songko-songko na dunia mongakuimo belento ka' tulu-tulutanmo hi belento susumo mian nu Israel anu pinalesayamo hi belento. Nusumbu'mo nu aha taalu' laigan anu binaungkumo aiya, aiyamo na tampat bau ponsomban belento.

MAZMUR 141:2

Talimakon na do'angku susumo kamangian anu sinombahkonmo, ka' limangku anu pinotalamo susumo anu kinolobanakonmo pihi-pihi.

MAZMUR 20:3

O'amalakon da Ia mompakatu mae bau pontulungi lengkat mae i Laigan-Nyo, ka' mombee'i mae bau pontulungi lengkat mae i Bungkutnyo nu Sion.

YESAYA 43:26

Po ingat mae hi belengku, imbo' kita mambamo hi mian kopian, kalakmo na palakala nu beleyum da nyata'mo taalu' beleyum totu'u ahi'.

YESAYA 45:19

Aku motatae madi' oposuluk, kabai opohowini. Aku madi' mompokau mian anu palesayamo hi beleng-Ku, Israel molio Aku ola palasuma. Aku, Tumpu, na nontaloakon han anu totu'u, ka' nompoto'imo apaa na anu madi'sala'.”

DANIEL 10:11

Malaekat aijo' notataemo mae hi belengku, “O, Daniel, beleyum nu kalibosi nu Tumpu. Pobulaamo ka' mule' tinjomo lantas potombihingmo mae na potataengku aiya ima-ima'. Aku aiya sinaimo mae toka hi beleyum.” Tempo'nyo ia nontaloakon han aijo' aku tinuminjomo ka' ilakatnyomo.

IMAMAT 2:2

Ia tionyo ahi' momboa hi to ima-imam lee' i Harun. Imam anu mokalaja tionyo ahi' mongala sangkakup na labu aijo' tiba lanya' nu zaitun ka' iwi-iwi' na kamangiannyo, lantas nu potunumo i mezbah salaku tanda saba' iwi-iwi' aijo' sinombahkonmo hi Tumpu. Nohongo nu koloban anu okaan aijo' momposanangmo kinyonyoa nu Tumpu.

MALEAKHI 3:16

Lantas aha to mia-mian anu mongkabuhuk Tumpu notatae hi samian ka' samian. Nu hongo nu Tumpu ka' mule' nu palahatikan apaa na anu nu taloakon nu aha. To mia-mian anu moholomati Ia ka' mule' mongkabuhuk Ia otulismo na sanggo-Nyo, i sa'angu' na kitab anu bau pontulisan anu kiita i ahop-Nyo.

MATIUS 26:13

Palesayamo! I songko-songko na dunia aiya, iyayamae na Lele Ma'ima' lengkat mae hi Tumpu oleleakon, apaa na anu binaumo nu boune aiya saja' o sisik, madi' okolilimi na ia.”

LUKAS 1:29

Nohongo potatae nu malaikat aijo', i Maria tinolokengkeng, ka' nompokilawa i kinyonyoanyo pa' apaa na kahanda' nu tabea' aijo'.

LUKAS 24:5

Aha nabuhukmo hondo, lantas tinolodadupu nonsombah i hampot i tano', hau-haunyo aijo' ua'aha na mian aijo' notataemo hi aha, “Ka' kadaka' komiu molio mian tumuu' i totonga' nu mian mate?

SISIKON NU TO RASUL-RASUL 10:31

Ia notatae, ‘Kornelius! Tumpu nontalimamo do'a nu beleyum ka' monginau' ka'ima'an nu kinyonyoaum.

SISIKON NU TO RASUL-RASUL 14:9

Mian aijo', sinumuhang aijo' mae mohongo i Paulus notatae. I Paulus nontoa, mian aijo' palesaya ka' kalana aijo' ia pina'alinakon. Sahingga i Paulus nontonto'imo ia,

SISIKON NU TO RASUL-RASUL 22:10

Lantas pinokilawangku mule', ‘Apaa na tionyo kubau Kita Tumpu?’ Tumpu nontaami, ‘Bulaamo ka' pokiijo'mo i Damsyik. I kiijo' mae beleyum nu poto'ije nu Tumpu iwi-iwi' na anu nu bau.’

SISIKON NU TO RASUL-RASUL 3:4

Sahingga aha nontonto'i ia, lapas aijo' i Petrus notatae, “Toa mae na kami!”

FILIPI 4:18

Tinalimangkumo iwi-iwi' – aitu pe'e nolabimo misa' ola asan sinukupmo! Iwi-iwi' na anu binee'mo pinakatu mae hi belengku, ingalangkumo hi Apafroditus. Uuka aiya iwi-iwi' na anu kupalalui daagi'mo hi belengku. Iwi-iwi' na anu binee'mo miu aijo', sumo nohong nu hongohis nu kuluban anu sinombahkonmo hi Tumpu ka' anu ingalamo nu Tumpu ka' nomposanangmo kinyonyoa-Nyo.

FILIPI 4:6

Boli bata-bata maumo pa'apaa. I uno nu iwi-iwi' na han, balado'a ka' potoka na poitaon miu hi Tumpu. Apaa na anu opalalui miu, saja' opoto'i na aijo' hi Tumpu, ka' montalima kase.

IBRANI 13:16

Boli okolilimi na mombau anu ma'ima' ka' mompaha tulu-tulungi, kalana aijo'mo na koloban anu momposanang kinyonyoa nu Tumpu.

IBRANI 6:10

Tumpu misa' Tumpu anu madi' adin. Ia madi' mongkolilimi apaa na anu kinalajamo miu hi Ia, ka' kalibosan anu pinotoamo miu hi Ia, tempo'nyo komiu nontulungimo to utu-utus anu sa'a-sa'angu' na kapalesaya'an, tu'utu mae ka' uuka aiya.

ANU PINOTO'I HI YOHANES 8:4

Hingga-hinggat tiba iwi-iwi' na do'a nu to mia-mian anu pinalesayamo hi Tumpu, tibuk nu kamangian anu hau-haunyo moak aijo' ko puha-puha moliba' lengkat i lima nu malaikat anu tinuminjo i ahop nu Tumpu aijo'.

1 SAMUEL 3:10

Lapas aijo' tinokamo na Tumpu ka' tinuminjo i tampat aijo' ka' po ule'mo nolaga, “Samuel, Samuel!” lantas tinaamanmo i Samuel, “Poto'imo mae Tumpu, posaihon nu belento Tumpu, aiya mompotombihing.”