SISIKON NU TO RASUL-RASUL 10:37 - KITAB NU TUMPU ALLA LELE MA'IMAI'

³⁷ Komiu nonsumbu'mo apaa na anu jinadimo i songko-songko na Yudea, aijo'mo anu mulai lengkat i Galilea noko lapas na palamandian anu pinoto'i i Yohanes.

SISIKON NU TO RASUL-RASUL 10:37 ပူးပေါင်းရင်းမြစ်များ

MATIUS 2:1

I Yesus i hampeakon i kota Betlehem i tano' Yudea tempo'nyo i Tomundo Herodes nompalentah. Tempo'nyo aitu to pia-piangkuka na anu pande monsumbu' ilimu' nu mandala' nolengkat mae sasu kabete'an tinokamo i Yerusalem.

MATIUS 3:6

Aha nongakui dosa-dosa' nu aha, ka' i Yohanes nompalamandikanmo aha i Kaunyo nu Yordan.

LUKAS 23:5

Panyo aha lebemo nontuuk mule', “Pangajalan-Nyo na bau ponsale'inyo mian songko-songko i Yudea; momonanyo i Galilea, ka' tempo' uuka ia tinokamo suele i aiya.”

LUKAS 4:14

Lapas aijo', i Yesus ninsusule'mo nokiijo' i Galilea; Ia kinuasanmo nu Roh nu Tumpu. Lele mongkona butong-Nyo tinogilelemo i songko-songko na da'erah aijo'.

SISIKON NU TO RASUL-RASUL 10:36

Sinumbu'mo nu to Utu-utus na isi nu lele anu pinotoka nu Tumpu hi bansa Israel. Lele aijo' aitumo Lele Ma'ima', mongkona paladamean hi Yesus Kristus, aitumo Tumpu nu iwi-iwi' mian.

SISIKON NU TO RASUL-RASUL 10:38

Komiu nonsumbu'mo saba' Tumpu nompile'imo i Yesus mian nu Nazaret aijo' ka' nombee' hi Ia Roh nu Tumpu ka' kuasa. Komiu mule' nonsumbu'mo saba' i Yesus namba iyaya mae da mombau anu ma'ima'; Ia nompa'alin iwi-iwi' mian anu kinuasanmo nu Ibilis, sabab Tumpu mongkalibosi Ia.

SISIKON NU TO RASUL-RASUL 2:22

To Utu-utus mian nu Israel! Hongo apaa na anu ku taloakon aiya: I Yesus mian nu Nazaret aijo' binee'anmo kalaja nu Tumpu Allah bau kapentingan nu kita utus. Aijo' nyata' hondo i anu okabangangi ka' hahan anu daka', apaa na anu binau nu Tumpu i totonga' miu hi Yesus aijo'. Iwi-iwi' aijo' posi kita utus nonsumbu'mo.

SISIKON NU TO RASUL-RASUL 26:26

Posi kita Tomundo' Agripa monsumbu'mo totu'u na hahan aijo'. Mokonyo aijo' aku baani motatae hi ahop nu kita Tomundo' tiba sahondo-hondonyo. Kusumbu' hondo-hondo madi' ko sa'angu' pe'e na hahan aijo' anu ma'isa sinumbu' nu kita Tomundo', kalana iwi-iwi' aijo' madi' tinimbali i tampat-tampat anu sulu-suluk.

SISIKON NU TO RASUL-RASUL 28:22

Panyo kami mongkahanda'i suele mohongo mongkona kapalesaya'an nu kita Utus, kalana kami iwi-iwi' nohongomo mian mompisala'i ajalan anu nubatuki nu kita Utus.”