SISIKON NU TO RASUL-RASUL 10:33 - KITAB NU TUMPU ALLA LELE MA'IMAI'

³³ Aijo' na sababnyo aku nalia-lia' nonsai mian mamba molaga i Tuan. Ka' i Tuan totu'u ma'ima' na kinyonyoa da toka mae. U'uka aiya kami iwi-iwi' silimu'mo i ahop nu Tumpu, da mohongo iwi-iwi' anu osaiakon nu Tumpu da otaloakon i Tuan hi kami.”

SISIKON NU TO RASUL-RASUL 10:33 ပူးပေါင်းရင်းမြစ်များ

2 TAWARIKH 30:12

I Yehuda suele Tumpu Allah nokalajamo ka' nomposa'angu'mo kinyonyoa nu mian da'isan da totu-totu'u tulu-tulutan hi pongka'oho' nu Tumpu Allah aijo'mo montuluti palentah i tomundo ka' to mia-miannyo anu ko pangkatnyo.

AMSAL 1:5

Tiba pokinde' haha aijo' miana nu pande mompaka panjoo'mo na ilimu'nyo ka' mian anu nosikolahmo mohumpakmo to poki-pokinde' anu ma'ima'.

AMSAL 18:15

Mian anu manonong saja' megot molio ilimuu'; mian anu pande saja' mongindi da mohumpak pangajalan.

AMSAL 25:12

Pokinde' nu mian pande hi mian anu ka'oho' mohongo, sumomo sinsing mosoni kabai lawe-lawenyo mosoni'.

MATIUS 18:4

Mian anu mompota'aluk butongnyo ka' timbali susumo anak aiya, iamo na anu talalo daka' hi mian anu palesayamo hi Tumpu Allah.

MATIUS 19:30

Panyo da'isan na mian anu tempo' uuka tongkoimoona timbali anu tongkoimihi, ka' anu tempo' uuka tongkoimihi timbali anu tongkoimoona.”

MARKUS 10:15

Inau'mo na aiya! Ihena madi' mangadap hi Tumpu sumo samian na anak, madi' timbali minsoop mian anu palesayamo hi Tumpu.”

SISIKON NU TO RASUL-RASUL 10:32

Jadi saimo na mian mokiijo' i Yope molaga mian anu sanggonyo i Simon Petrus. Ia daagi' sinonsoo' i laigan nu samian anu topo ka'ut kilit sanggonyo i Simon; laigannyo aijo' i sonibi nu ambai.’

SISIKON NU TO RASUL-RASUL 10:34

Lantas i Petrus notatae, “Uuka aiya aku totu-totu'u sininsumbu'mo taalu' Tumpu mombau iwi-iwi' mian pokakana.

SISIKON NU TO RASUL-RASUL 28:28

Ahennyo i Paulus notatae, “To Utu-utus tionyo monsumbu' saba' lele mongkona kasalamatan anu lengkat mae hi Tumpu uuka pinolelemo i to bansa-bansa sangga'at anu misa' Yahudi. Aha tionyo montuluti!” [

1 KORINTUS 3:18

Boli kosamian pe'e mosi akali butongnyo. De daagi' ko mian itina' hi komiu mongoa'i butongnyo pande sumo kokoonyo nu dunia aiya, mian aijo' tionyo timbali pe'e ponga', da ia totu-totu'u timbali pande.

GALATIA 4:14

Tempo'nyo aitu komiu madi' nongkahumimi'i aku, maumo ka'ada'an nu butongku sumomo salaku bau ponsobai anu talalomo hondo hi komiu. Komiu ola ahi' nontalimamo aku sumo montalimamo malaikat nu Tumpu kabai sumo nontalimamo i Kristus Yesus.

PO'ULE' INGULIT 30:13

Tampatnyo misa' mule' i santoanyo nu ambai, sahingga opokilawamo nu belemiu, ‘Ihe na timbali mokiijo' i santoanyo nu ambai da o alantomo mae, da timbali ohongonto ka' otulutinto?’

1 TESALONIKA 2:13

Daagi' mule' ko sa'angu' na han anu sangga'at, anu mombau kami saja' montalima kase hi Tumpu. Han aijo' aitumo, saaba' tempo'nyo kami nompotokakon lele lengkat mae hi Tumpu Allah toka hi komiu, komiu nohongomo ka' montalimamo lele aijo' misa' sumo lele lengkat hi mian, panyo sumo lele anu totu-totu'u lengkat mae hi Tumpu. Iamo na anu mokalaja i uno nu butong miu anu pinalesayamo hi Kristus.

YAKOBUS 1:19

O intomakon na aiya ima-ima', to Utu-utus anu okanonongi! Batu-batu mian tionyo ahi' malia' na mohongo, panyo momalas na motatae ka' boli sampa' motambuha'.

YAKOBUS 1:21

Mokonyo aijo', alinmo na kabiasa'an anu mahenyu ka' ma'idek. Boli kobubuun na montalima potatae anu sinu'anmo nu Tumpu Allah i uno nu kinyonyoa miu, kalana potatae aijo' ko kuasa momposalamat komiu.