SISIKON NU TO RASUL-RASUL 10:31 - KITAB NU TUMPU ALLA LELE MA'IMAI'

³¹ Ia notatae, ‘Kornelius! Tumpu nontalimamo do'a nu beleyum ka' monginau' ka'ima'an nu kinyonyoaum.

SISIKON NU TO RASUL-RASUL 10:31 ပူးပေါင်းရင်းမြစ်များ

YESAYA 38:5

da po ule' minsusule' hi Hizkia ka' opoto'i na potuunon-Ku sumo uuka, “Aku, Tumpu, Tumpu nunu sombah i Daud mompolee' nu beleyum nohongomo do'a nu beleyum ka' nontoamo lolu' nu beleyum. Daagi' Kutuangi sampulu' ka' olima' na taun na umun nu beleyum.

DANIEL 10:12

Lantas ia notataemo mae hi belengku, “O, Daniel, boli mabuhuk. Tumpu nohongomo do'a nu beleyum daagi pe'e sinaa momonanyo beleyum nonongalamo kaputusan da ta'alukmo na butong nu beleyum da timbali pande. Aku tinokamo mae salaku baumo pontaami do'a nu beleyum.

DANIEL 9:23

Salatan beleyum notampu'unimo nongkakase hi Tumpu, Ia nontaamimo. Aku toka mae da mompotokakon kalana Ia mongkalibosi beleyum. Jadi potombihing mae ima-ima' hau-haunyo aku montalangkan alati'nyo nu anu tinoa aijo'.

IMAMAT 2:2

Ia tionyo ahi' momboa hi to ima-imam lee' i Harun. Imam anu mokalaja tionyo ahi' mongala sangkakup na labu aijo' tiba lanya' nu zaitun ka' iwi-iwi' na kamangiannyo, lantas nu potunumo i mezbah salaku tanda saba' iwi-iwi' aijo' sinombahkonmo hi Tumpu. Nohongo nu koloban anu okaan aijo' momposanangmo kinyonyoa nu Tumpu.

IMAMAT 2:9

Roti aijo' sambagian nu ala nu Imam lantas opotunumo i mezbah salaku tanda saba' iwi-iwi' sinombahkonmo hi Tumpu. Nohongnyo momposanangmo kinyonyoa nu Tumpu.

IMAMAT 5:12

Labu aijo' tionyo ahi' oboa hi imam. Imam tionyo ahi' mongala sangkakup na labu aijo' salaku tanda saba' iwi-iwi' kinolobanakonmo hi Tumpu. Labu anu sangkakup aijo' tionyo ahi' opotunu i mezbah salaku koloban kaanon. Aijo'mo na kolobannyo bau pongampuni dosa'.

LUKAS 1:13

Panyo koonyo nu malaikat aijo', “Boli mabuhuk, Zakharia! Tumpu mohongo do'aum. Bengkele'um i Elisabet tionyo mohampeakon samian na anak mo'ane. Beleyum tionyo monsanggohi ia, i Yohanes.

SISIKON NU TO RASUL-RASUL 10:30

Tinaaman i Kornelius, “Tolunsinaamo ka' uuka kila-kila tempo'nyo sumo uuka aiya, aku hau-haunyo balado'a i laigan jam totolu' ohanimo malom. Monti-montiik samian na mo'ane tinuminjo i ahopku. Baju' nu mian aijo' jongkilaban.

SISIKON NU TO RASUL-RASUL 10:32

Jadi saimo na mian mokiijo' i Yope molaga mian anu sanggonyo i Simon Petrus. Ia daagi' sinonsoo' i laigan nu samian anu topo ka'ut kilit sanggonyo i Simon; laigannyo aijo' i sonibi nu ambai.’

SISIKON NU TO RASUL-RASUL 10:4

I Kornelius nontonto'i Malaikat aijo' ka' nabuhukmo lantas notatae, “Daagi' ko apaa Tuan?” Tinaaman nu malaikat aijo', “Do'aum ka' ka'ima'an nu kinyonyoaum tinalimamo nu Tumpu ka' Tumpu nonginau'mo beleyum.

FILIPI 4:18

Tinalimangkumo iwi-iwi' – aitu pe'e nolabimo misa' ola asan sinukupmo! Iwi-iwi' na anu binee'mo pinakatu mae hi belengku, ingalangkumo hi Apafroditus. Uuka aiya iwi-iwi' na anu kupalalui daagi'mo hi belengku. Iwi-iwi' na anu binee'mo miu aijo', sumo nohong nu hongohis nu kuluban anu sinombahkonmo hi Tumpu ka' anu ingalamo nu Tumpu ka' nomposanangmo kinyonyoa-Nyo.

IBRANI 6:10

Tumpu misa' Tumpu anu madi' adin. Ia madi' mongkolilimi apaa na anu kinalajamo miu hi Ia, ka' kalibosan anu pinotoamo miu hi Ia, tempo'nyo komiu nontulungimo to utu-utus anu sa'a-sa'angu' na kapalesaya'an, tu'utu mae ka' uuka aiya.

ANU PINOTO'I HI YOHANES 5:8

Hau-haunyo Anak nu Domba aijo' nombaumo sumo aijo', opa-opat na malaikat ka' uampulu' ka' opat na to pola-polaya' haha aijo' dinumaladupumo i ahopnyo. Aha toto samian montoongi kasapi ka' mangko' mosoni' anu ko isinyo kamangian, aijo'mo iwi-iwi' na do'a nu mian anu pinalesayamo hi Tumpu.