SISIKON NU TO RASUL-RASUL 10:28 - KITAB NU TUMPU ALLA LELE MA'IMAI'

²⁸ Lantas ia notatae hi aha, “Posi to Utu-utus monsumbu' saba' mian nu Yahudi o tewa' nu agamanyo na mamba molenga kabai mompahasumbu' tiba to mia-mian lengkat i bansa sangga'at. Panyo Tumpu nompotoamo hi belengku, saba' aku madi' timbali monsangka mau pe'e ihe pahengas kabai madi' timbali o kaan.

SISIKON NU TO RASUL-RASUL 10:28 ပူးပေါင်းရင်းမြစ်များ

YESAYA 65:5

Aha notatae, ‘Lako'mo patikojo'on boli mondedes kami kalana kami susi' ka' madi'mo mati ohani tiba belemiu!’ Aku madi'mo moko ala montoa kalakuan nu aha! Tambuha'-Ku hi aha sumomo apu anu madi' toho' mate.

MARKUS 7:2

Aha nontoa to pia-piangkuka na anu saja' mombatuki Yesus mongkaan nu lima anu madi' belesi' susumo koonyo nu agama, aijo'mo de ma'isa pe'e obaso'i na lima susumo koonyo nu atulan nu agama.

LUKAS 18:11

Mian nu Farisi aijo' tinuminjo posi sausa'nyo, ka' binalado'a, ‘O Tumpu, aku mompotoka talima kaseh hi kita, kalana aku madi' sumo sangga'at, mangoa, tageo'kabai masala'. Aku montalima kaseh, kalana aku madi' sumo topo tage hasin aijo'.

YOHANES 18:28

Subu-subu hondo aha nomboa i Yesus lengkat mae laigan i Kayafas namba i laigan nu gubernur. To mia-mian nu Yahudi madi' ninsoop i uno nu laigan daka', da aha madi' mahenyu susumo koonyo nu agama, kalana aha kahanda'mo mongkaan kaanon nu Paskah.

YOHANES 4:27

Tempo'nyo aitu anu saja' mombatuki Yesus ninsusule'mo. Aha binangang nontoa i Yesus basisik tiba samian na boune. Panyo madi' ko samian pe'e anu aijo' hi aha nompokilawa hi boune aijo', “Kita tina palalu apaa?” kabai anu nompokilawa hi Yesus, “Ka' kadaka' kita Tuuma basisik tiba boune aijo'?”

YOHANES 4:9

Boune nu Samaria aijo' nontaami, “Kita Tuan mian nu Yahudi, aku mian nu Samaria; kadaka' kita Tuan mompoita monginum hi belengku?” (Kalana to mia-mian nu Yahudi madi' mompahasumbu' tiba mian nu Samaria.)

SISIKON NU TO RASUL-RASUL 10:29

Aijo' na sababnyo salatan i Tuan nompoita da aku toka mae, aku madi' mombahakon. Jadi uuka aiya aku mongkahanda'i monsumbu', kadaka' i Tuan mompoita aku toka.”

SISIKON NU TO RASUL-RASUL 11:9

Panyo lewo' aijo' notatae mule' lengkat i langit, ‘Apaa na anu pinonyata'mo nu Tumpu timbali o kaan boli otaloakon madi' timbali o kaan.’