SISIKON NU TO RASUL-RASUL 10:23 - KITAB NU TUMPU ALLA LELE MA'IMAI'

²³ I Petrus nolaga aha minsoop da sonsoo' pe'e i kiijo'. Dodododopnyo i Petrus nobula ka' namba hingga-hinggat tiba aha. To pia-piangkuka na mian anu palesaya lengkat mae i Yope nombatukmo suele.

SISIKON NU TO RASUL-RASUL 10:23 ပူးပေါင်းရင်းမြစ်များ

ANU MOMPOLELE POTATAE NU TUMPU 9:10

Baumo na pakalaja'an nu beleyum iwi-iwi' nu kahosonan nu butong nu beleyum. Dumo saidi' mae madi'mo ko pikilan kabai pakalaja'an Madi'mo ko ilimu' kabai kapandean bapikin i dunia nu mian anu sinilakamo. Ka' mokiijo'mo na kalambanan nu beleyum.

SISIKON NU TO RASUL-RASUL 1:15

Kinosansinaan aitu, tempo'nyo aha hau-haunyo sinilimu'mo – daagi' kila-kila sa'atu ka' uampulu' na mian anu tinoka – i Petrus tinuminjomo mongka'oho' motatae. Ia notatae,

SISIKON NU TO RASUL-RASUL 10:29

Aijo' na sababnyo salatan i Tuan nompoita da aku toka mae, aku madi' mombahakon. Jadi uuka aiya aku mongkahanda'i monsumbu', kadaka' i Tuan mompoita aku toka.”

SISIKON NU TO RASUL-RASUL 10:33

Aijo' na sababnyo aku nalia-lia' nonsai mian mamba molaga i Tuan. Ka' i Tuan totu'u ma'ima' na kinyonyoa da toka mae. U'uka aiya kami iwi-iwi' silimu'mo i ahop nu Tumpu, da mohongo iwi-iwi' anu osaiakon nu Tumpu da otaloakon i Tuan hi kami.”

SISIKON NU TO RASUL-RASUL 10:45

To mia-mian nu Yahudi anu palesayamo hi Yesus ka' nombatukimo i Petrus lengkat i Yope, iwi-iwi' binangang na nontoa Tumpu nombee'i suele Roh-Nyo hi to mia-mian bansa sangga'at anu misa' Yahudi.

SISIKON NU TO RASUL-RASUL 11:12

Lantas Roh nu Tumpu nonsai aku mamba mohingga-hinggat tiba aha ka' madi' bata-bata. Aha anom na mian moto utus aiya suele nombatukimo aku nokiijo' i Kaisarea, ka' kami iwi-iwi' ninsoop i uno nu laigan hi Kornelius.

SISIKON NU TO RASUL-RASUL 28:15

To Utu-utus i Roma anu palesayamo hi Yesus nohongo lele mongkona kami, sahingga aha tinoka nokiijo' i Pasar Apius ka' i Laigan panginapan Totolu' anu lewa' kasonso'an nu mian male' kahanda' molabot kami. Salatan i Paulus nompahakabotmo tiba aha, ia nomoita talima kaseh hi Tumpu ka' kinyonyoanyo sinanangmo.

SISIKON NU TO RASUL-RASUL 9:36

Kiijo' i Yope daagi' ko samian na boune sanggonyo i Tabita. Ia samian anu palesaya hi Yesus. (Sanggonyo i uno nu basa' nu Yunani, i Dorkas alati'nyo jonga.) Ia ola ahi' saja' mombau hahan anu ma'ima' ka' montulungi to mia-mian kasiasi.

SISIKON NU TO RASUL-RASUL 9:38

Yope madi' sangkuka na kojo'onnyo lengkat i Lida. Jadi tempo'nyo anu saja' mombatuki Yesus kiijo' mae i Yope nohongomo i Petrus daagi' kiijo' i Lida, aha nonsai ua'aha namba hi Petrus ka' nompotuun sumo uuka, “Lia-lia' mae toka.”

SISIKON NU TO RASUL-RASUL 9:42

Lele mongkona anu tinimbali aijo' tinogilelemo nokiijo' i songko-songko na Yope, sahingga da'isan na mian anu pinalesayamo hi Yesus salaku Tomundo anu Momposalamat aha.

2 KORINTUS 8:21

Kami mongka'oho' mokalaja hodi-hodi' misa' ola i ahop nu Tumpu, panyo mule' suele i ahop nu mian.

IBRANI 13:2

Boli bata-bata na montalima i laigan miu to mia-mian anu ma'isa osumbu' miu. Kalana de mombaumo anu sumo aijo' daagi' kino mian madi' sinumbu-sumbu'nyo, padahan ia nontalimamo malaikat i laigannyo.

1 PETRUS 4:9

O talima ahi' na anu sonso' momoita male' i laigan nu belemiu toto samian, boli motusa'.