SISIKON NU TO RASUL-RASUL 10:19 - KITAB NU TUMPU ALLA LELE MA'IMAI'

¹⁹ Hau-haunyo i Petrus daagi' solaa' mompotutugakon da nu sumbu' na alati'nyo nu anu tinoanyo aijo', Roh nu Tumpu notatae hi ia, “O, Petrus, daagi' ko aha totolu' hau-haunyo molio beleyum.

SISIKON NU TO RASUL-RASUL 10:19 ပူးပေါင်းရင်းမြစ်များ

YOHANES 16:13

Panyo de Roh aijo' tokamo, aijo'mo Ia na momponyata' katotu'uan mongkona Tumpu, komiu nu potiju'je da monsumbu' iwi-iwi' anu totu'u. Ia madi' monsisik posi butong-Nyo, panyo montaeakon apaa na anu i hongo-Nyomo, ka' nu poto'ije hi komiu apaa na anu timbali i sinaimihi mae.

SISIKON NU TO RASUL-RASUL 10:18

Lantas aha nolaga mian ka' nompokilawa, “Apaa daagi' ko mian anu sinonsoo' i aiya, sanggonyo i Simon Petrus?”

SISIKON NU TO RASUL-RASUL 10:3

Daagi' kino sansinaan kila-kila jam totolu' ohanimo mopatas ia nontoa manasa hondo samian na Malaikat nu Tumpu tinoka ka' nolaga ia, “Kornelius!”

SISIKON NU TO RASUL-RASUL 11:12

Lantas Roh nu Tumpu nonsai aku mamba mohingga-hinggat tiba aha ka' madi' bata-bata. Aha anom na mian moto utus aiya suele nombatukimo aku nokiijo' i Kaisarea, ka' kami iwi-iwi' ninsoop i uno nu laigan hi Kornelius.

SISIKON NU TO RASUL-RASUL 13:2

Tempo'nyo aha hau-haunyomo mogaleja hi Tumpu ka' bapuasa', Roh nu Tumpu notatae hi aha, “Pile'imo na i Barnabas ka' i Saulus, da mokalaja hi beleng-Ku da aha mokalaja anu tinantukankumo hi aha.”

SISIKON NU TO RASUL-RASUL 15:7

Pinin hondo na aha nompaha bebee'i tanga'an. I mihinyo i Petrus tinuminjo ka' notatae, “To Utu-utus! Posi komiu nonsumbu'mo saba' to pia-pia manga u'utu mae Tumpu nompile'imo aku lengkat atina' hi komiu da mompolele Lele Ma'ima' aijo' hi to mia-mian misa' Yahudi, da aha mule' mohongo ka' palesaya.

SISIKON NU TO RASUL-RASUL 21:4

I tampat aijo' kami namba nolenga to mia-mian anu pinalesayamo hi Yesus, lantas jinojoong tiba aha kinopinnyo sina'angu' na duminggu. Roh nu Tumpu na nompoto'i hi Paulus da boli mamba mokiijo' i Yerusalem.

SISIKON NU TO RASUL-RASUL 8:29

Roh nu Tumpu notatae hi Filipus, “Lako'mo oha-ohani i kasake'an aijo'.”

1 KORINTUS 12:11

Iwi-iwi' aijo' kalaja nu Roh anu sa'a-sa'angu'nyomo aijo'; toto samian pinosi bee'anmo balakat anu madi' pokakana, iyaje ahi' pongka'oho' nu Roh aijo'.

1 TIMOTIUS 4:1

Roh nu Tumpu nontaloakonmo totu-totu'u, tukoonyo sinaa anu aiya mae o ahopi, sambagian na mian madi'mo palesaya, mombahakonmo i Kristus. Aha montulutimo to roh-roh anu sala'na ajalannyo ka' mombatukimo to aja-ajalan nu roh anu ma'idek,