SISIKON NU TO RASUL-RASUL 10:15 - KITAB NU TUMPU ALLA LELE MA'IMAI'

¹⁵ Panyo lewo' aijo' notatae mule' hi ia, “Apaa na anu tinaloakonmo nu Tumpu timbali o kaan, bolimo nu sangka aijo' madi' timbali o kaan.”

SISIKON NU TO RASUL-RASUL 10:15 ပူးပေါင်းရင်းမြစ်များ

MATIUS 15:11

Anu minsoop i nganga' madi' mombau da mian aijo' mahumimi'; ola ahi' anu mosabat lengkat i nganga'nyo, aijo'mo na anu mompotimbali ia mahumimi'.”

MARKUS 7:19

Kalana anu minsoop aijo' madi' montulu i kinyonyoa, panyo montulu i kompong, ka' lapas po'ule' mosabat.” Tiba potatae haha aijo' i Yesus nontaloakon saba' iwi-iwi' na kaanon aijo' halan.

SISIKON NU TO RASUL-RASUL 10:16

Anu pinotoa aijo' pino uli-ulit sampe pinintolun, lapas aitu hude aijo' tinohangkatje nokiita' i suluga'.

SISIKON NU TO RASUL-RASUL 10:28

Lantas ia notatae hi aha, “Posi to Utu-utus monsumbu' saba' mian nu Yahudi o tewa' nu agamanyo na mamba molenga kabai mompahasumbu' tiba to mia-mian lengkat i bansa sangga'at. Panyo Tumpu nompotoamo hi belengku, saba' aku madi' timbali monsangka mau pe'e ihe pahengas kabai madi' timbali o kaan.

SISIKON NU TO RASUL-RASUL 11:9

Panyo lewo' aijo' notatae mule' lengkat i langit, ‘Apaa na anu pinonyata'mo nu Tumpu timbali o kaan boli otaloakon madi' timbali o kaan.’

SISIKON NU TO RASUL-RASUL 15:20

Panyo kita tionyo montulis sulat toka hi aha ka' mompokinde'i aha, da aha boli mongkaan kaanon anu mahenyu, anu sinombahkonmo hi pilogot, kabai mongkaan ponoha' anu natemo tinekok, kabai mongkaan baso'. Ka' mule' da aha mompojo'on butong lengkat i kalakuan-kalakuan anu ma'idek.

SISIKON NU TO RASUL-RASUL 15:29

Boli mongkaan kaanon anu pinosombahkonmo hi pilogot; boli mongkaan baso', boli mongkaan ponoha' anu tinekok, ka' patikojo'oni na to pala-palabuatan anu masala'. De komiu mompojo'on butong lengkat i hahan aijo', komiu nombaumo anu ma'ima'. Olamo pe'e sumo uuka, higahi mae!”

SISIKON NU TO RASUL-RASUL 15:9

Tumpu montoa kita pokakana sumo aha. Ia nompobelesimo kinyonyoa nu aha, kalana aha palesaya.

ROMA 14:14

Kalana aku nosa'angu'mo tiba i Tumpu Yesus, sahingga ku palesaya hondo taalu' madi' ko apa-apaa na anu sabenannyo mahenyu; panyo han aijo' mahenyu hi toto samian de mian aijo' monsangka mahenyu.

ROMA 14:20

Boli ola kalana kaanon, kita Utus mongideimo apaa na anu binaumo nu Tumpu. Iwi-iwi na kaanon memang halala' okaan; panyo de apaa na anu okaan nu kita Utus monsaduakon mian sangga'at baladosa', tantu kita Utus sala'mo.

1 KORINTUS 10:25

Komiu timbali mongkaan maumo apaa na anu opobaluk i pasan pompobalukan ponoha'. Boli pilenje oleleki imoonanyo, mau mule' ko kabalatan i uno nu kinyonyoaum.

TITUS 1:15

Iwi-iwi na apaa susi' kona hi to mia-mian anu susi'. Panyo kona hi to mia-mian anu pikilannyo mahenyu ka' anu madi' palesaya, madi' hondo-hondo ko anu susi', kalana pikilan ka' kinyonyoa nu aha nahenyumo!

ANU PINOTO'I HI YOHANES 14:20

Bua' nu anggur haha aijo' pinao'an i sambiha' nu kota, ka' lengkat i pompao'ian nu anggur haha aijo' no'ilimo na baso' sumo kaunyo, kojo'onnyo tolu atu' na kilometen, ka' ko leengnyo mongohani ohua' na meten.