SISIKON NU TO RASUL-RASUL 10:10 - KITAB NU TUMPU ALLA LELE MA'IMAI'

¹⁰ Ia talalomo no'ohop ka' ka'oho'mo mongkaan. Hau-haunyo momposadia anu o kaan, ia nontoa sa'angu' na han anu pinotoa nu Tumpu.

SISIKON NU TO RASUL-RASUL 10:10 ပူးပေါင်းရင်းမြစ်များ

YEHEZKIEL 11:24

Hau-haunyo nontoa aijo' Roh nu Tumpu nohangkatmo aku ka' nonsule'akonmo aku namba hi aha mian anu binoamo ka' pinojoongmo kiijo' mae i Babel. Lapas aijo' anu tinoangku aijo' madi'mo ko anu tinoangku.

YEHEZKIEL 40:2

Nontoamo anu pinotoa, Tumpu Allah nomboamo aku i tano' nu aha Israel ka' pinojoong-Nyomo na aku i bungkutnyo anu matangkas. I ahopku tinoangkumo na sanggombu na laigan anu pokakana susumo kota'.

NOMBILANGMO 24:16

anu nohongomo potatae nu Tumpu Allah, ka' timbali monsumbu' Anu Matangkas hondo na Kuasanyo; lantas nontoamo Anu Daka' hondo na Kuasanyo nanintoa hi ia, ka' tinombahangkangmo panyo matanyo jila-jila.

NOMBILANGMO 24:4

anu nohongomo potatae nu Tumpu Allah ka' nontoamo Anu Daka' hondo na kuasanyo nanintoa hi ia ka' tinombahangkangmo panyo matanyo jila-jila.

MATIUS 21:18

Dodododopnyo daagi' subu-subu aha nambamo mokiijo'mo minsusule' i kota, i Yesus no'ohopmo.

MATIUS 4:2

Patom pulu' na sinaa ka' patom pulu' na pihi i Yesus madi' nongkaan. Lantas Ia nongoa'imo no ohop.

SISIKON NU TO RASUL-RASUL 11:5

“Aku hau-haunyo balado'a i kota Yope, lantas aku nontoa sa'angu' na anu tinoa. Aku nontoa daagi' ko apa-apaa anu sumo hude sambotu' anu bolaa tinau'akon lengkat i langit, pino kalayo' i opat na pasu'nyo, lapas aijo' binelentimo i sohipi'ku.

SISIKON NU TO RASUL-RASUL 22:17

“Aku ninsusule'mo nokiijo' i Yerusalem, ka' salatan aku hau-haunyo balado'a i Laigan nu Tumpu, aku kinuasaanmo nu Roh nu Tumpu.

ANU PINOTO'I HI YOHANES 1:10

I sinaa nu Tumpu, aku kinuasanmo nu Roh nu Tumpu, lantas aku nohongomo potatae anu daka' hondo – sumo onyi' nu tolompet – binasisik aitu mae i hikungku.