SISIKON NU TO RASUL-RASUL 10:1 - KITAB NU TUMPU ALLA LELE MA'IMAI'

¹ I Kaisarea daagi' ko samian na mo'ane sanggonyo i Kornelius. Ia samian na kapiteng nu “Tompukan nu Suludadu nu Italia.”

SISIKON NU TO RASUL-RASUL 10:1 ပူးပေါင်းရင်းမြစ်များ

MATIUS 27:27

Lapas aijo' to Sulu-suludadu i Pilatus nomboamo i Yesus ninsoop i laigan daka' nu gubernur, ka' iwi-iwi' na pasukan sinilimu'mo nontiikubi Yesus.

MATIUS 27:54

Kapala nu pasukan nohingga-hinggat tiba to sulu-suludadu anu hau-haunyo monjagai Yesus, inabuhukmo hondo salatan nongoa'imo luulu' ka' iwi-iwi' anu jinadimo aijo'. Aha notatae, “Totu'u, Ia aiya Anak nu Tumpu!”

MARKUS 15:16

I Yesus binoa nu to sulu-suludadu nokiijo' i laigan pomputusian, i laigan daka' nu Gubernur. Lapas aijo' iwi-iwi' na gombuan nu suludadu pinalentahkonmo da balagombu.

LUKAS 7:2

I kiijo' daagi' ko suludadu nu Roma anu ko posaihonnyo, anu talalo nu kalibosi. Posaihonnyo aijo' masakit, me ise-ise' sinilakamo.

YOHANES 18:12

Lantas to sulu-suludadu Romawi tiba kamundannyo, ka' ponjaga-ponjaga nu Yahudi nohakopmo ka' nompungu i Yesus.

YOHANES 18:3

Saba' i Yudas namba i tampat aijo' nomboa sanggombu na suludadu Romawi tiba to pia-piangkuka na ponjaga Laigan nu Tumpu anu pinokau nu kapala nu ima-imam tiba to mia-mian Farisi. Aha nomboa toongon pimuhuk, sulu', tiba potong.

SISIKON NU TO RASUL-RASUL 10:24

Sinansinaa aha tinokaje i Kaisarea. I kiijo' mae aha saja'mo tinanda'an i Kornelius tiba to Utu-utusnyo ka' to sanga-sangalunyo anu mompahakanaya anu i laganyomo.

SISIKON NU TO RASUL-RASUL 21:31

Hau-haunyo anu mompokalangkabut aijo' mompagalamo mompatei i Paulus, mian nompoto'imo hi kapala nu suludadu nu Roma, tukoonyo songko-songko na Yerusalem kinalangkabutmo.

SISIKON NU TO RASUL-RASUL 21:8

Dodododopnyo kami namba mule', lantas tinokamo i Kaisarea. I kiijo' kami namba hi Gulu Injin sanggonyo i Filipus, lantas jinojoong i laigannyo. Ia sala'samian aha anu popitu' na mian anu pinile'an kiijo' i Yerusalem.

SISIKON NU TO RASUL-RASUL 22:25

Panyo tempo'nyo i Paulus sinegotanmo da o pohos, i Paulus notatae hi suludadu anu tinuminjo i kiijo', “Pa' timbali na mompohos mian nu layat kalaja'an Roma, de ma'isa pe'e ia o palesa?”

SISIKON NU TO RASUL-RASUL 23:23

Lapas aitu kapala nu suludadu nolagamo ua'aha na suludadu, lantas ia notatae hi aha, “Posadia ua'atu na suludadu tiba pitumpulu' na suludadu sumake' ajahan ka'ua'atu na suludadu mintoongon talombo' mamba jam osio' pihi aiya mokiijo' i Kaisarea.

SISIKON NU TO RASUL-RASUL 23:33

Salatan pasukan anu sinumake' i ajahan aijo' tinokamo i Kaisarea, aha nombee'mo sulat aijo' hi gubernur, lantas i Paulus binee'mo hi ia.

SISIKON NU TO RASUL-RASUL 25:1

Salatan tinolun sinaamo na i Festus tinoka i tano' aijo', ia nambamo lengkat i Kaisarea nokiijo'mo i Yerusalem.

SISIKON NU TO RASUL-RASUL 25:13

Madi' pinin lapas aijo', i Tomundo' Agripa ka' i Bernike tinokamo i Kaisarea da singkabot i Festus.

SISIKON NU TO RASUL-RASUL 27:1

Salatan pinutusanmo kami tionyo talabutmo mokiijo' i Italia, i Paulus tiba to pia-piangkuka na mian sangga'at anu tinalungku' binee'mo hi Yulius, kapala nu pasukan suludadu nu Roma anu osanggohi “Pasukan i Kaisar”.

SISIKON NU TO RASUL-RASUL 27:31

Panyo i Paulus notatae hi kapala nu suludadu anu i kapan aijo', “De anu mokalaja i kapan aiya madi'mo jojoong i kapan, to Utu-utus iwi-iwi' madi'mo salamat.”

SISIKON NU TO RASUL-RASUL 27:43

Panyo kapala nu suludadu aijo' nontewa' tanga'an nu aha aijo', kalana ia kahanda' momposalamat i Paulus. Ia nonsai iwi-iwi' na mian anu moko lumangu, malalumpat pe'e ka' lumangu mokiijo' i biwi nu bone'.

SISIKON NU TO RASUL-RASUL 8:40

Padahan i Filipus noko kiijo'mo i Asdod. Ka' salatan ia nolausakonmo lumambanannyo, ia mompolelemo Lele Ma'ima' mongkona i Yesus i songko-songko na kota sampe tinoka i Kaisarea.