SISIKON NU TO RASUL-RASUL 1:8 - KITAB NU TUMPU ALLA LELE MA'IMAI'

⁸ Panyo komiu mohumpakje kuasa, de Roh nu Tumpu tokamo hi komiu. Ka' komiu timbalimo bau sakisi-sakising-Ku i Yerusalem, i songko-songko Yudea, i Samaria ka' toka-toka i puus nu tano'.”

SISIKON NU TO RASUL-RASUL 1:8 ပူးပေါင်းရင်းမြစ်များ

MAZMUR 22:27

Miana nu kasiasi mongkaan sampe mobosu; mian anu tokamo hi Tumpu mompuji'mo Ia. O'amalakon da komiu mohumpak ka'ima'an sampe toka sidu-sidutu'!

MAZMUR 98:3

Ia nonginau'mo kalibosan ka' kanonongan-Nyo, hi Israel, hi mian anu palesayamo hi ia. Iwi-iwi' na bansa, i songko-songko na dunia nontoamo ka'untungan nu Tumpunto nahampate.

YESAYA 42:10

Nyanyiakonmo hi Tumpu na nyanyian anu salaje' ingajan, puji'mo na Ia, o, belemiu songko-songko na dunia! Pombuhokmo mae o, ndalangon ka' iwi-iwi' na anu jojoong i unonyo, lipu' anu toto jo'o-jo'on ka' iwi-iwi' na anu monjojoongi!

YESAYA 49:6

Tumpu notataemo hi belengku, “Pakalaja'an anu lebe daka' hondo montanda'imo beleyum, o, posaihon-Ku; beleyum misa' ola monsule'akon mae tuha' nu lee' i Yakub, ka' mompo ule' mompojadi kaholomatan nu to tulu-tulunan nu bansa Israel, panyo Ku pojadimo mule' ahi' jingka nu to bansa-bansa, da songko-songko na dunia oposalamatmo.”

YESAYA 52:10

Tumpu mompotoamo kakuasa'an-Nyo, i ahop nu mata iwi-iwi' na bansa. Sahingga songko-songko na dunia timbalimo monsakisi'i kasalamatan anu lengkat mae hi Tumpunto.

YESAYA 66:19

Aku mompo'una'mo sa'angu' na tanda aijo' hi aha. Madi' manjoo' na anu aijo' hi aha na anu Ku posalamat. Aha Kusai mamba hi to bansa-bansa, ilipu' anu toto jo'o-jo'on, anu ma'isa toho' nohongo lele mongkona Aku kabai nontoa katalasanggoan tiba kuasang-Ku: mamba i Spanyol, i Libia, tiba i Lidia tiba anu to pande-pande na mompana', mamba i Tubal, tiba i Yunani. Aha saidi' mae mombebakonmo katalasanggoan-Ku i bansa haha aijo'.

YEREMIA 16:19

O Tumpu, Belentomo na nonjagaimo mae aku ka' nombee'imo mae kahosonan hi belengku; Belento nontulungimo mae aku tempo'nyo i uno nu kasusa'an. To bansa-bansa lengkat mae ipuus nu tano' tokamo mae hi Belento ka' motatae, “Mompolee' mami daagi' ko pilogot anu madi' totu'u ka' madi' ahi' hondo-hondo kokaliangannyo.

MIKHA 3:8

Panyo mongkona ibutongku aiya, Tumpu nombee'imo mae aku roh-Nyo tiba kuasa-Nyo. Aku binee'an-Nyomo balakat da monsumbu' ka'adilan ka' mule' kabaanian da moko ala mompoto'i hi aha mian nu Israel iwi-iwi', na anu binaumo nu aha.

ZAKHARIA 4:6

Malaekat aijo' nonsaimo aku da mamba mompotokakon hi Zerubabel potuunon nu Tumpu sumo uuka, “Misa' kalana kahosonan nu suludadu ka' mule' misa' posi kahosonan nu beleyum sahingga binala hasinmo, panyo ola ahi' kalana roh-Ku.

MATIUS 24:14

Ka' Lele Ma'ima' mongkona mosia na Tumpu mompalentah o polele i songko-songko na dunia, da iwi-iwi' na mian mohongo. Lapas aitu, tokaje na kakiamatan.”

MATIUS 28:19

Kalana aijo' lako'mo hi iwi-iwi' na bansa ka' songko-songko na dunia potimbali na aha anu saja' mombatuki Aku. Opalamandikan na aha ka' o sanggo na sanggo nu Tuuma, ka' Anak, ka' Roh nu Tumpu Allah.

MARKUS 16:15

Lantas i Yesus notatae hi aha, “Lako'mo i songko-songko na dunia aiya, ka' polele na Lele Ma'ima' lengkat mae hi Tumpu aijo' hi iwi-iwi' na mian.

LUKAS 1:35

Tinaaman nu malaikat aijo', “Roh nu Tumpu tokaje hi beleyum, ka' kuasa nu Tumpu monjagaije beleyum. Mokonyo sumo aitu, anak anu o hampe'akonto atina' osanggohi Susi', Anak nu Tumpu.

LUKAS 10:19

Osumbu'mo! Komiu binee'ankumo kuasa da komiu timbali mompeja' ulo tiba beyua' ka' mompato'i iwi-iwi' na kahosonan nu sampo bali', tiba madi' ko apa-apaa na anu timbali monsilakai komiu.

LUKAS 24:29

Panyo aha nontewa' Ia. “Jojoongmo i tampat mami,” koonyo nu aha hi Ia, “aiya malia'mo malom ka' mule' montampu'unimo pintung.” Sahingga i Yesus ninsoopmo sonso'mo male' i tampat nu aha.

YOHANES 15:27

Ka' komiu suele tionyo mombee'i katalangan mongkona Aku, kalana komiu no'imboamo ka' Aku salatanmo pe'e imomoonanyo.

SISIKON NU TO RASUL-RASUL 1:5

Kalana i Yohanes mompalamandikan nu uee, panyo daagi' to pia-pian sinaa komiu opalamandikanmo nu Roh nu Tumpu.”

SISIKON NU TO RASUL-RASUL 13:31

Lapas aitu sansina-sinaa na kopinnyo Ia toka mae mompotoa butongnyo hi to mia-mian anu tinokamo tiba Ia lengkat mae i Galilea mokiijo' i Yerusalem. Ahamo na anu tempo' uuka tinimbali to saki-sakisi-Nyo i bansa Israel.

SISIKON NU TO RASUL-RASUL 2:32

I Yesusmo aiya na po'ule' pinotumuu' nu Tumpu lengkat i kapatean. Kami iwi-iwi' nosi sakisimo han aijo'.

SISIKON NU TO RASUL-RASUL 22:15

Beleyum timbalimo sakisi da mompolele hi mian iwi-iwi' apaa na anu tinoamo nu beleyum ka' i hongomo.

SISIKON NU TO RASUL-RASUL 3:15

To utu-utus mompateimo Ia, padahan Iamo na pinolengkatan nu kantumuu'an bau kapentingan nu iwi-iwi' mian. Ka' Tumpu po'ule'mo nompotumuu' ia lengkat i kapateannyo. Kami nonsakisimo han aijo'.

SISIKON NU TO RASUL-RASUL 4:33

Tiba kuasa anu daka', to rasul-rasul aijo' mombee'i katalangan saba' i Yesus po'ule'mo tinumuu'. Sahingga Tumpu talalomo nombalakati aha.

SISIKON NU TO RASUL-RASUL 5:32

Kamimo na to saki-sakisi mongkona iwi-iwi' aijo' – kami ka' suele Roh nu Tumpu anu binee'mo nu Tumpu hi to mia-mian anu mombatuki palentah-Nyo.”

SISIKON NU TO RASUL-RASUL 6:8

I Stefanus talalo nu balakati nu Tumpu sahingga ia nombaumo manjoo' na anu okabangangi ka' hahan anu talalo hondo hi aha mian da'isan.

SISIKON NU TO RASUL-RASUL 8:1

Ka' i Saulus suele sinanangmo kalana mian aijo' pinateanmo. Sinaa aitu mule' jama'at i Yerusalem mulaimo saja' o loloi', sahingga iwi-iwi' mian anu palesayamo, me sambiha'nyo to rasul-rasul, noga'a-ga'atmo nokiijo' i songko-songko na tano' nu i Yudea ka' i Samaria.

ROMA 10:18

Panyo kupokilawa: Pa' totu'u aha memang ma'isa nohongo lele aijo'? Tantu polo'mo! Kalana i uno nu Kitab nu Tumpu tinulis sumo uuka, “Potatae nu aha sinongkomo i dunia, sisi-sisik nu aha tinokamo i puus nu tano'.”

ROMA 15:19

ka' mule' tiba hahan anu okabangangi ka' anu ma'isa toho' tinimbali; iwi-iwi' aijo' kalana kuasa nu Roh nu Tumpu Allah. Lele Ma'ima' mongkona i Kristus pinolelengkumo iwi-iwi' hi to mia-mian nolengkat pe'e mae i Yerusalem tinoka-toka i Ilirikum.

KOLOSE 1:23

Panyo tantu komiu tataap ahi' saja' palesaya, ka' tuminjo hoso-hoson i kapalesaya'an miu. Boli saidi' mae komiu molapasakonmo anu otaha'imani, anu binee'mo hi komiu salatan komiu nontalimamo Lele Ma'ima' lengkat mae hi Tumpu. Lele aijo' pinokalebamo hi toto samian i songko-songko na dunia. Ka' kalana aijo' suele aku, i Paulus, tinimbalimo posaihon.