SISIKON NU TO RASUL-RASUL 1:3 - KITAB NU TUMPU ALLA LELE MA'IMAI'

³ Ilapas Ia sinilaka kopinnyo patom pulu' na sinaa Ia toto minsan saja' manintoa nyata-nyata' hondo hi to rasul-rasul aijo' pomponyata'-Nyo saba' Ia totu-totu'u tinumuu'mo. Aha nontoamo Ia, ka' Ia notataemo hi aha mongkona mosia na Tumpu mompalentah sumo Tomundo.

SISIKON NU TO RASUL-RASUL 1:3 ပူးပေါင်းရင်းမြစ်များ

1 TOMU-TOMUNDO' 19:8

I Elia nobulamo ka' nongkanmo ka' nonginummo. Sahingga ia nahosonmo ka' noko alamo lumajang pinatompulu' na sinaa na kinopinnyo namba i Bungkutnyo nu Sinai, tampat pinanintoan nu Tumpu Allah.

MATIUS 21:43

“Jadi, o inau'mo,” koo-Nyo i Yesus, “Iwi-iwi' na hak salaku mian anu palesayamo hi Tumpu, o alamo atina' hi komiu ka' obee' hi sa'angu' na bansa anu montuluti to pale-palentah nu Tumpu. [

MATIUS 28:9

Monti-montiik i Yesus tinokamo nonsingkaboti to bou-boune haha aijo' ka' notatae, “Tabea'!” Lantas aha tinoka nongohani Ia, lapas aitu nontanggogolimo tengke-Nyo ka' nonsombah Ia.

MATIUS 3:2

“Balatobatmo bolimo mombau dosa-dosa' miu,” tukoonyo, “kalana Tumpu mompalentahmo sumo Tomundo!”

MATIUS 4:2

Patom pulu' na sinaa ka' patom pulu' na pihi i Yesus madi' nongkaan. Lantas Ia nongoa'imo no ohop.

MARKUS 16:19

Noko potatae na i Tumpu Yesus tiba aha, Ia i hangkatmo nokiita' i suluga'. I kiita' mae Ia nompalentahmo hingga-hinggat tiba Tumpu.

YOHANES 20:26

Ilapas sinaduminggu anu saja' mombatuki Yesus po'ule' mule' nokiijo' i tampat aitu, ka' kino i Tomasmo. Iwi-iwi' na tumban ginunsing. Panyo i Yesus tinoka ka' tinuminjo i totonga' nu aha lantas notatae, “Tabea' kasalamatan tinokamo hi komiu.”

YOHANES 21:1

Lapas aijo' i Yesus po'ule' mule' nompotoa butongnyo i Dowiwi Tiberias hi anu saja' mombatuki Ia. Sumo uuka na jinadi:

YOHANES 21:14

Aiyamo na ko pintolunnyo i Yesus nompotoa butongnyo hi anu saja' mombatuki Ia, salatan Ia po'ule'mo tinumuu' lengkat i kasilakan-Nyo.

SISIKON NU TO RASUL-RASUL 13:31

Lapas aitu sansina-sinaa na kopinnyo Ia toka mae mompotoa butongnyo hi to mia-mian anu tinokamo tiba Ia lengkat mae i Galilea mokiijo' i Yerusalem. Ahamo na anu tempo' uuka tinimbali to saki-sakisi-Nyo i bansa Israel.

SISIKON NU TO RASUL-RASUL 19:8

I Paulus saja' notatae tinotolu' na bitu'on na kino pinnyo ka' baani na motatae hi to mia-mian i laigan pogalejaan ka' painggaga tiba aha mompohoson kapalesaya'an nu aha mongkona mosia na Tumpu mompalentah susumo Tomundo'.

SISIKON NU TO RASUL-RASUL 28:23

Sahingga aha ka' i Paulus nontantukanmo sa'angu' na sinaa da bau pompahakabotan. I sinaa aijo' dina'isan na mian tinoka nokiijo' i kajojoongan i Paulus. Lengkat pe'e subu tinoka mamalom, na i Paulus nontalangkan nompotoka hi aha lele mongkona mosia na Tumpu mompalentah sumo Tomundo'. To ayat-ayat lengkat i Kitab i Musa ka' Kitab nu to Nabi-nabi, na pinake i Paulus, ia mompagala da aha palesaya hi Yesus.

SISIKON NU TO RASUL-RASUL 28:31

Ka' baani hondo na ia mompoto'i hi aha mongkona mosia na Tumpu mompalentah sumo Tomundo', ka' mongkona i Tumpu Yesus Kristus. I Paulus nombau han aijo' binebas hondo madi' ko anu lewa' montewa'. 64

SISIKON NU TO RASUL-RASUL 8:12

Panyo i Filipus nompolele hi aha mongkona Lele Ma'ima', mosia na Tumpu mompalentah sumo Tomundo ka' mongkona i Yesus Kristus, Tomundo anu Momposalamat aijo'. Sahingga aha pinalesayamo i lele anu pinotokakon i Filipus, lantas aha pinalamandikanmo mau mian to momo'ane mau pe'e mian to bouboune.

ROMA 14:17

Kalana de Tumpu mompalentahmo kantumuu'an nu mian toto samian, apaa na anu timbali nukaan kabai o inum, madi'mo penting. Anu penting aijo'mo, mian anu mohongo-hongo pongka'oho' nu Tumpu Allah, mongoa'i sabaan na kinyonyoa, ka' montalima kalame'an anu binee'mo nu Roh nu Tumpu.

PO'ULE' INGULIT 9:18

Lantas daagi' minsan na aku dinumaladupu i ahop nu Tumpu aita' i bungkutnyo kinopinnyo pinatompulu' na sinaa ka' pinatompulu' na pihi, madi' nongkaan kabai nonginum. Aijo' binaungku kalana belemiu nombaumo dosa' hi Tumpu, kalana nombaumo apaa na anu moko pa'idek Ia sahingga Ia notambuha'mo.

PO'ULE' INGULIT 9:9

Aku nindakomo i bungkutnyo aijo' da montalima batu palajanjian anu binau nu Tumpu tiba belemiu. Kinopinnyo pinatompulu' na sinaa ka' pinatompulu' na pihi na aku jinojoong i bungkutnyo aijo' madi' nongkaan kabai nonginum.

KOLOSE 1:13

Ia nolapasakonmo kita i kuasa nu kapintungan ka' nolalinmo i uno nu kalaja'an nu Anak-Nyo anu Nu kalibosi.

1 TESALONIKA 2:12

Kami mompokinde'i komiu, ka' kami mongkakeha'i komiu, ka' kami mompakisa da komiu tumuu' sumo aijo' sahingga momposanang kinyonyoa nu Tumpu. Kalana Tumpu nolagamo komiu da timbali mian i Dunia Bu'ou nu Tumpu ka' mongoa'i Kasanangan-Nyo.

1 YOHANES 1:1

Isi nu sulat aiya mongkona Potatae nu Tumpu anu mompotumuu', aijo'mo Potatae nu Tumpu anu polo-polo'mo daagi' salatanmo pe'e momonanyo. Kami nohongomo ka' nontoamo nu posi mata mami. Kami nontoamo ka' lima mami nongkanyangmo ia.