SISIKON NU TO RASUL-RASUL 1:26 - KITAB NU TUMPU ALLA LELE MA'IMAI'

²⁶ Lapas aijo' ohua' na sanggo aijo' ingonde, lantas ondean nanabu' hi Matias. Jadi ia i hangkat tinimbali rasul da mosangalu tiba sampulu' ka' sa'angu' na rasul sangga'atannyo.

SISIKON NU TO RASUL-RASUL 1:26 ပူးပေါင်းရင်းမြစ်များ

1 TAWARIKH 24:5

Kalana maumo lee' mae i Eleazar kabai lee' mae i Itamar daagi' ko anu ko pangkatnyo mokalaja i Laigan nu Tumpu ka' to pola-polaya' nu agama sahingga nombagi apaa na anu okalaja binuangakon onde.

NEHEMIA 10:34

Kami mian da'isan to ima-imam ka' mule' aha to mia-mian nu Lewi nombuangmo onde sataun toka sataun da osumbu' pa aha sa'anakan mae ihe na montoukai kau' anu oposun bau pompotunuan koloban palasombahan hi Tumpu Allah mami susumo koonyo nu Atulan nu Tumpu.

NEHEMIA 11:1

To pola-polaya' jinojoongmo tataap i Yerusalem ka' mule' mian da'isan nompile'imo suele ihe na jojoong i kota' aijo' binuangakon onde na nompile'i, to sampulu' na duan, sa'angu' na auwan na jojong i kota' susi' Yerusalem. Anu madi' kinona nu pompile'i jojoong i to kota-kota' sangga'at.

AMSAL 16:22

Kapandean aijo'mo na pinolengkatan mae nu kabilahian nu kantumuu'an nu mian anu manonong. Panyo mian anu ponga' nu sakisa nu posi kaponga'annyo.

AMSAL 16:33

Da osumbu' na nasip nu manusia, mombuang onde; panyo anu montantukan hasinnyo ola ahi' samata-mata Tumpu.

IMAMAT 16:8

Ikiijo' ia tionyo ahi' mompile'i opakeakon onde aijo'mo mompake batu ohua', sa'angu' otandai “bagi nu Tumpu”, ka' sangga'at mule' “bagi nu Azazel”.

YUNUS 1:7

Salatan i Yunus ka' kapiten nu kapan aijo' noliba'mo nokiita to mia-mian pangalaja nu kapan haha aijo' notataemo samian ka' samian, “Imbo' da kita mombuang onde da osumbu'to ihe na anu kosala'nyo sahingga nonsaduakonmo kita da kinona nu balaa' aiya!” Aha nombungmo onde ka' tinoa nu aha i Yunus na kinonanyo.

MARKUS 6:30

To rasul-rasul anu sinai i Yesus lapas aijo' ninsusule' mule', ka' binala gombu tiba i Yesus. Aha nompoto'i hi Ia, iwi-iwi' anu binaumo ka' ingajanakonmo nu aha.

SISIKON NU TO RASUL-RASUL 1:23

Sahingga to mia-mian anu tinoka i kiijo' nompoto'i ua'aha na mian aitumo, i Yusuf anu osanggohi mule' i Barsabas (ia osanggohi mule' i Yustus), ka' i Matias.

SISIKON NU TO RASUL-RASUL 13:19

Popitu' na bansa ginalisan-Nyo i lipu' Kana'an da o bagi-bagi na lipu' aijo' hi bansa Israel da lipu' aijo' timbalimo anu nu aha.

SISIKON NU TO RASUL-RASUL 2:14

Lantas i Petrus tinuminjo hingga-hinggat aha sampulu' ka' sa'angu' na rasul sangga'at, lapas aitu aha notatae hi mian da'isan aijo'. Ia notatae daka-daka', “To Utu-utus, to mia-mian Yahudi ka' iwi-iwi' anu jojoong i Yerusalem! Hongo ima-ima', kalana han aiya palalu ku talangkanakon hi komiu.

YOSUA 14:2

Sumo anu pinalentahkonmo nu Tumpu hi Musa, iwi-iwi' na da'erah anu i sasu kinsoban, Kaunyo nu Yordan anu obee'mo hi aha osio' ka' mintonga' na tulunan nu bansa Israel, tionyo ahi' mompake onde na mombagi-bagiakon.

YOSUA 18:10

Lantas i Yosua nombaumo onde da bau ponsumbu'an mosia na koonyo nu Tumpu hi aha. Lapas aijo' i Yosua nombee'mo tano' pombahagian hi toto sa'angu' na tulunan nu bansa Israel anu ma'isa nohumpak pombahagian tano'.

ANU PINOTO'I HI YOHANES 21:14

Mesen nu kota aijo' pinotinjo i bawo nu sampulu' ka' ohua' na batu katinjoannyo. I batu katinjoannyo haha aijo' tinulis na iwi-iwi' na sanggo nu sampulu' ka' ohua' na rasul nu Anak nu Domba aijo'.