SISIKON NU TO RASUL-RASUL 1:2 - KITAB NU TUMPU ALLA LELE MA'IMAI'

² tinoka-toka i sinaa Ia i hangkatmo nokiita' i suluga'. Ma'isa pe'e Ia noliba' nokiita' i suluga', tiba kuasa nu Roh nu Tumpu Ia nombee'imo sonto-sonto' hi aha to rasul-rasul-Nyo anu pinile'anmo.

SISIKON NU TO RASUL-RASUL 1:2 ပူးပေါင်းရင်းမြစ်များ

YESAYA 42:1

Tumpu notatae, “Aiyamo na posaihon-Ku anu Ku tinjohi, mian anu pinile'au-Kumo ka' mule' anu nomposanangmo kinyonyoang-Ku. Kuasang-Ku binee'-Kumo hi ia, da momboa ka adilan hi toto sa'angu' na bansa.

YESAYA 48:16

Tokamo mae oha-ohani hi beleng-Ku, ka' potombihing mae, naipuan pe'e mae madi' pinohowining-Ku na nompoto'i; ka' potataeng-Ku saja' ko bukutinyo na anu Ku bau.” Uuka aiya Tumpu nonsaimo mae aku ka' kuasanya-Nyo binee'-Nyomo mae hi belengku.

YESAYA 61:1

Kuasa nu Tumpu Anu Matangkas na Kuasanyo aiyamo hi belengku; Ia nompile'imo aku ka' nonsaimo aku da momboa lele ma'ima' hi mian anu kasiasi ka' mompa'alin mian anu ihansunmo na kinyonyoanyo; da mombebakon hi mian anu tinahanmo saba' aha malia'mo opobebas, ka' hi to mia-mian i uno nu talungku' saba' aha osabatakonmo.

MATIUS 12:28

Panyo aku molaa' roh ma'idek tiba kuasa nu Roh nu Tumpu Allah. Ka' aijo' alati'nyo, saba' Tumpu montampu'unimo mompalentah atina' hi komiu.

MATIUS 3:16

Ilapas pinalamandikan, i Yesus lia-lia' nosabat lengkat mae i uee nu kaunyo aijo'. Madi' pinin langit tinabuka'mo ka' i Yesus nontoamo Roh nu Tumpu nintatau' sumo tomonsi' malapati' aita' i buan-Nyo.

MARKUS 6:30

To rasul-rasul anu sinai i Yesus lapas aijo' ninsusule' mule', ka' binala gombu tiba i Yesus. Aha nompoto'i hi Ia, iwi-iwi' anu binaumo ka' ingajanakonmo nu aha.

LUKAS 24:51

Hau-haunyo Ia nombaumo sumo aijo', tinolohangkatmo na Ia nokiita' i suluga', lantas noga'atmo ka' aha.

LUKAS 9:51

Salatan ingohanimo na tempo'nyo i Yesus o hangkatmo mokiita' i suluga', Ia nongalamo katantuan da mamba i Yerusalem.

YOHANES 1:16

Ia saja' mongkalibosi; madi' ko kamingkotannyo, Ia mombalakati kita.

YOHANES 13:1

Daagi' sansinaa tokaje na Sinaa Daka' nu Paskah, sinumbu'mo i Yesus taalu' tempo'nyo tokamo Ia mompala'imo dunia aiya minsusule'mo hi Tuuma-Nyo. Ia mongkalibosi to mia-mian anu tinimbalimo anu-Nyo i dunia, ka' Ia saja' mongkalibosi aha toka-toka i ka'ahenan-Nyo.

YOHANES 13:18

Apaa na anu Kutaloakon aiya misa' mongkona komiu iwi-iwi'. Kusumbu' ihe-he na anu pinile'an-Kumo. Panyo apaa na anu tinulismo i uno nu Kitab nu Tumpu tionyo timbali, aijo'mo, ‘Mian anu mongkaan hingga-hinggat tiba Aku na saidi' mae mongewa Aku.’

YOHANES 13:3

Sinumbu'mo i Yesus na Tuumanyo nombee'mo iwi-iwi' na kuasa hi Ia. Nusumbu' suele na Ia, lengkat mae hi Tumpu, ka' po'ule' minsusule' hi Tumpu.

YOHANES 16:28

Memang Aku nolengkat mae hi Tuuma, ka' tinokamo i uno nu dunia. Panyo uuka Ku pala'imo na dunia minsusule'mo hi Tuuma.”

YOHANES 17:13

Uuka aiya Aku toka hi Tuuma. Iwi-iwi' aiya Ku taloakon hau-haunyo Aku daagi' i dunia; da aha mongoa'i totu-totu'u kalame'an-Ku.

YOHANES 20:17

“Boli o toongi na Aku,” koonyo i Yesus hi ia, “kalana Aku ma'isa noliba' namba hi Tuuma. Panyo lako'mo hi to utu-utus-Ku, ka' poto'iakon hi aha, taalu' uuka aiya Aku moliba'mo mamba hi Tuumang-Ku, ka' Tuumaum Tumpung-Ku, ka' Tumpuum.”

YOHANES 20:21

Lantas i Yesus po'ule' notatae hi aha, “Tabea' kasalamatan tinokamo hi komiu. Sumo i Tuuma nonsai mae Aku, sumo aitu suele na aku monsai komiu.”

YOHANES 3:34

Kalana mian anu sinai nu Tumpu mompotokakon potatae nu Tumpu, kalana Roh nu Tumpu binee'mo hi Ia iwi-iwi'.

YOHANES 6:62

Pa' mosia na katimbaliannyo saidi' mae de komiu montoamo Anak nu Mian moliba'mo minsusule' i tampat pinolengkatan-Nyo mae?

YOHANES 6:70

I Yesus nontaami, “Te misa' Aku na nompile'i komiu sampulu' ohua' na mian aiya? Panyo samian anu aiya hi komiu te roh anu ma'idek!”

SISIKON NU TO RASUL-RASUL 1:11

“Hee, to mia-mian nu Galilea,” koonyo nu ua'aha na mian haha aijo', “kadaka' komiu ola tuminjo atina' monsinda langit? I Yesus anu tinoa miu tinalahangkatmo nokiita' i suluga' atina' i ahop miu, po'ule'je minsusule' mae susumo atina' anu tinoamo miu u'uka aiya.”

SISIKON NU TO RASUL-RASUL 1:13

I Yerusalem aha namba i laigan i tampat kinasonsoo'an nu aha, lantas noliba' nokiita' i kaman anu i bawonyo. To Rasul-rasul aijo', aitumo i Petrus ka' i Yohanes, i Yakobus ka' i Andreas, i Filipus ka' i Tomas, i Bartolomeus ka' i Matius, i Yakobus anak i Alfeus, i Simon Patriot ka' i Yudas anak i Yakobus;

SISIKON NU TO RASUL-RASUL 1:9

Noko potatae na i Yesus sumo aijo', Ia i hangkatmo nokiita' i suluga' i ahop nu mata nu aha, ka' sehu' nongkulubimo Ia, madi'mo tinoa nu aha.

SISIKON NU TO RASUL-RASUL 10:38

Komiu nonsumbu'mo saba' Tumpu nompile'imo i Yesus mian nu Nazaret aijo' ka' nombee' hi Ia Roh nu Tumpu ka' kuasa. Komiu mule' nonsumbu'mo saba' i Yesus namba iyaya mae da mombau anu ma'ima'; Ia nompa'alin iwi-iwi' mian anu kinuasanmo nu Ibilis, sabab Tumpu mongkalibosi Ia.

GALATIA 1:1

To Utu-utus jama-jama'at i da'erah Galatia, Aku, i Paulus, ka' iwi-iwi' moto utus Kristen anu tiba aku, montaha'imani ka' o amalakon da Tumpu Tuumanto ka' Tumpu Yesus Kristus mombee'i balakat ka'ima'an hi komiu. Aku tinimbali rasul misa' ola pongka'oho' nu manusia kabai kalana i hangkat nu manusia, panyo i Yesus Kristus ka' Tumpu Allah Tuumanto anu nompo'ule'mo nompotumuu' Ia sinilaka.

EFESUS 2:20

Komiu mule' pinotinjomo i patikokoan anu binaumo nu to rasul-rasul, ka' to nabi-nabi, ka' i Kristus Yesusmo na salaku batu mahoson pinompokokoan.

1 TIMOTIUS 3:16

Madi' ko samian pe'e na madi' mangaku, palias na kinodaka'nyo na lahasia nu agamanto: Ia nompotoamo butong-Nyo i uno nu lupa sumo manusia, ka' pinonyata'mo totu-totu'u nu Roh nu Tumpu, tiba tinoamo nu to mala-malaikat. Lelenyo sinongkohakonnyomo i to bansa-bansa, ka' Ia opalesaya i songko-songko na dunia, ka' i hangkat nokiita' i suluga'.

IBRANI 9:24

Kalana i Kristus madi' ninsoop i Salipi' anu Susi' anu binau nu mian, anu ola mongibalatakon Salipi' anu Susi' ka' anu sahondo-hondonyo. Posi i Kristus na minsoop i Suluga'; i kiita' mae Ia tempo' uuka mangadap hi Tumpu kalana kapentinganto.

1 PETRUS 3:22

ka' noliba'mo i suluga'. Uuka aiya Ia mongkuasaimo hingga-hinggat tiba Tumpu ka' mompalentahmo malaikat iwi-iwi', iwi-iwi' anu ko kuasanyo tiba iwi-iwi' na anu mahoson.

2 PETRUS 3:2

Ku poto'i da belemiu monginau' iwi-iwi' na potatae anu naipuan mae tinaloakonmo nu to nabi-nabi nu Tumpu, ka' palentah suele lengkat mae hi Tumpu, Tomundo anu Momposalamat, anu pinotokamo hi belemiu nu to rasul-rasul.

ANU PINOTO'I HI YOHANES 1:1

Isi nu kitab aiya, mongkona apaa na anu pinoyata'mo i Yesus Kristus mongkona to hahan anu saidi' mae jadi. Tumpu nompoto'imo hi Kristus da Ia mompotiju'akon hi to posa-posaihon nu Tumpu apaa na anu malia'mo, tionyo jadi. I Kristus nonsaimo malaikat-Nyo hi Yohanes, posaihon-Nyo aijo' da mompoto'iakon han haha aijo' anu timbali hi ia.

ANU PINOTO'I HI YOHANES 2:11

Ihe na mohongo, tionyo ahi' mompalahatikan apaa na anu tinaloakon nu Roh nu Tumpu toka hi to jama-jama'at! Aha anu inguntungmo i uno nu kasabalan madi'mo sahondo-hondonyo mongoa'i kasansala'an apa-apaa nu kapatean anu kopinduannyo.”

ANU PINOTO'I HI YOHANES 2:17

Ihe na mohongo, tionyo ahi' mompalahatikan apaa na anu nutaloakon nu Roh nu Tumpu toka hi to jama-jama'at! Aha anu inguntungmo i uno nu kasabalan, Ku pobee'je na mongkaan manna anu ma'isa nusumbu' nu aha, ka' toto samian mohumpakje hi beleng-Ku sambatu na batu mopute'. I batu aijo' tinulis sa'angu' na sanggo anu sala'je, anu madi' nu sumbu' nu mian mau pe'e pa' ihe, de misa' mian anu memang mohumpak.”

ANU PINOTO'I HI YOHANES 2:29

Ihe na mohongo, tionyo ahi' mompalahatikan apaa na anu nutaloakon nu Roh nu Tumpu toka hi to jama-jama'at!”

ANU PINOTO'I HI YOHANES 2:7

Ihe na mohongo, tionyo ahi' mompalahatikan apaa na anu nutaloakon nu Roh nu Tumpu hi to jama-jama'at! Aha anu noko alamo sinabaan ka' nontahan soba'an, Ku pobee'je mongkaan bua' nu kau' kantumuu'an anu tinumuu' i Kalaja'an Suluga' nu Tumpu.”

ANU PINOTO'I HI YOHANES 21:14

Mesen nu kota aijo' pinotinjo i bawo nu sampulu' ka' ohua' na batu katinjoannyo. I batu katinjoannyo haha aijo' tinulis na iwi-iwi' na sanggo nu sampulu' ka' ohua' na rasul nu Anak nu Domba aijo'.

ANU PINOTO'I HI YOHANES 3:13

De ihe na mohongo, tionyo ahi' mompalahatikan apaa na anu nutaloakon nu Roh nu Tumpu toka hi to jama-jama'at!”

ANU PINOTO'I HI YOHANES 3:16

Panyo belemiu ola susumo anu moloolap madi' mapanas, ka' lop mule' madi'. Mokonyo aijo' belemiu Ku lua'je mosabat lengkat mae i nganga'-Ku.

ANU PINOTO'I HI YOHANES 3:22

De ihe na mohongo, tionyo ahi' mompalahatikan apaa na anu nutaloakon nu Roh nu Tumpu toka hi to jama-jama'at!”