3 YOHANES 1:8 - KITAB NU TUMPU ALLA LELE MA'IMAI'

⁸ Kalana aijo', kita to mia-mian Kristen tionyo ahi' montulungi to sanga-sangalu sangko mau Kristen anu sumo aijo', da kita timbali hingga-hinggat i usaha nu aha mompolele pangajalan anu totu'u lengkat mae hi Tumpu.

3 YOHANES 1:8 ပူးပေါင်းရင်းမြစ်များ

MAZMUR 94:16

Ihe na montinjohi aku mohukum mian anu singkap palaganta? Ihe na monsangaja'i aku mongewa mian anu mombau anu ma'idek?

MATIUS 10:14

De ko laigan kabai kota' anu madi' mongka'oho' montalima komiu kabai madi' mongka'oho' mohongo komiu, pala'i na tampat aijo', ka' sapuakon na abu' nu pala nu tengkeum.

MATIUS 10:40

“Mian anu montalima komiu, montalima Aku. Ka' mian anu montalima Aku, montalima Ia anu nonsai Aku.

LUKAS 11:7

De sangaluyum anu kinalambanan aijo' montaami sumo uuka, lengkat mae i uno nu laigannyo, ‘Boli momposusa' aku! Tumban ginunsingmo, ka' aku tiba to ana-anakku i hoyotmo. Madi'mo aku moko pobula mombee' apa-apaa hi beleyum.’ ”

2 KORINTUS 6:1

Kalana kami mokalaja hingga-hinggat tiba Tumpu, mokonyo aijo' opoita mami sabole-bole boli komiu monsia-siakon ka'ima'an nu kinyonyoa nu Tumpu aijo'.

2 KORINTUS 8:23

Mongkona i Titus, ia te sangalungku anu mokalaja tiba aku da montulungi komiu. Ka' mongkona ua'aha na Utus aijo' anu inamba hingga-hinggat tiba ia, aha mian anu sinai nu to jama-jama'at, ka' timbali bau katalasanggoan nu sanggo i Kristus.

FILIPI 4:3

Toka hi sangalungku anu momo' hongo-hongo ku poita suele da kita Utus montulungi ua'-ua'aha na boune aijo'. Aha nokalajamo totu-totu'u tiba aku, nombebakon Lele Ma'ima' anu lengkat mae hi Tumpu; pokakana sumo i Kelemen ka' iwi-iwi' mian sangga'atan anu nokalajamo hingga-hinggat tiba aku. Sanggo nu aha haha aijo' daagi'mo i uno nu Kitab nu Mian Tumuu'.

KOLOSE 4:11

Salan do'a suele lengkat mae hi Yesus anu osa-osanggohi Yustus. Lengkat mae hi to mia-mian nu Yahudi anu pinalesayamo hi Tumpu Yesus, ola aha totolu' na anu uuka aiya mokalaja tiba aku mompojalan kalaja anu lengkat mae hi Tumpu. Aha nontulungimo mae aku totu-totu'u.

1 TESALONIKA 3:2

hau-haunyo aijo' kami nonsaimo utusto i Timotius. Ia samian na posaihon nu Tumpu anu bakalaja tiba kami, da mompolele Lele Ma'ima' mongkona i Kristus. Kami nonsai i Timotius hi komiu, da ia mompohosonakon komiu ka' mongkakeha' komiu da lebe palesaya mule' hi Kristus.

FILEMON 1:2

ka' hi jama'at anu silimu' i laiganum; ka' suele hi utusto boune, i Apfia ka' sangalu sampo usahanto, i Arkhipus.

FILEMON 1:24

Talimakon suele na salan do'a nu to sanga-sangalungku: i Markus, i Aristarkhus, i Demas ka' i Lukas.

3 YOHANES 1:10

Bakas, aku po'ule'je toka, ku sisikje iwi-iwi' na anu binaunyomo, aijo'mo hahan anu ma'idek, ka' anu madi' totu'u na anu tinaloakonnyomo mongkona kami! Panyo iwi-iwi' aijo' ma'isa sukup hi ia. Tempo'nyo to sanga-sangalu sangko mian Kristen aijo' tinoka mae, ia madi' mongka'oho' montalima aha. Panyo ola mule' ahi' ia nontewa' to mia-mian anu mongka'oho' montalima to Utu-utus haha aijo', ka' ia nonsaimo mian haha aijo' da mosabatmo bolimo jojoong i jama'at!

3 YOHANES 1:7

kalana i uno nu lumambanan mompolajang palentah i Kristus, aha madi' mohumpak apa-apaa pontulungi mae nu aha, mau mule' pa' apaa, de hi aha to mia-mian anu madi' monsumbu' Tumpu.

3 YOHANES 1:9

Aku nontulismo sulat anu ola kodo-kodo' toka hi jama'at, panyo i Diotrefes anu mongka'oho' da timbali polaya' nu jama'at, madi' mongka'oho' montuluti aku.