2 YOHANES 1:11 - KITAB NU TUMPU ALLA LELE MA'IMAI'

¹¹ Kalana mian anu monsalan do'ai mian anu sumo aijo', singkonamo sumo mian aijo' mombau anu ma'idek.

2 YOHANES 1:11 ပူးပေါင်းရင်းမြစ်များ

MAZMUR 50:18

De beleyum montoamo samian anu biasa mombuling, beleyum montihomo ia, ka' beleyum mogandi-gandimo tiba to mia-mian anu saja' masala'.

EFESUS 5:11

Boli mombau bauon anu madi' mingguna, anu nu nubau nu to mia-mian anu tumuu' i uno nu pintung. Ola ahi' maunyo opotalang miu na hahan anu sumo aijo'. (

1 TIMOTIUS 5:22

Boli talalo malia' mombalakati toto samian kahanda' mompotantumo ia da o hangkatmo baumo salaku posaihon nu Tumpu. De mian sangga'at baladosa', boli maninggalo' i dosa' aijo'. Ojagai na butong miu da tataap susi'.

IBRANI 5:13

Mian anu daagi' monginum susu alati'nyo ia daagi' bunga mea'; ia ma'isa ko'anu nu pisumbu-sumbu' mongkona apaa na anu totu'u ka' apaa na anu sala'.

YUDAS 1:23

O hela' mae na mian aijo' i uno nu apu ka' osabatakon da oposalamat na aha. Kona hi to mia-mian sangga'at tionyo ahi' komiu mompotoa kalibosan ka' okabuhuk ahi', panyo oka'ideki ahi' mau pe'e ola baju' nu aha anu i henyuanmo nu anu nu nu kamilui nu aha, anu moko baladosa' aijo'.

ANU PINOTO'I HI YOHANES 18:4

Lantas aku nohongo potatae sangga'at lengkat mae i suluga' nontaloakon, “Posabatmo mae, na mian-Ku anu pinalesayamo hi Beleng-Ku! Posabatmo mae lengkat i unonyo! Bolimo belemiu mombatuki to dosa-dosa'nyo, ka' manintuangmo montanggung hukumannyo!