2 YOHANES 1:1 - KITAB NU TUMPU ALLA LELE MA'IMAI'

¹ Toka hi Pontina'on anu pinile'anmo nu Tumpu, ka' toka hi to ana-anak nu Pontina'on. Sulat aiya lengkat mae hi belengku, polaya' nu jama'at anu totu-totu'u mongkanonongi komiu. Misa' ola aku, panyo iwi-iwi' na mian anu nonsumbu'mo Tumpu anu totu'u, suele ahi' mongkanonongi komiu.

2 YOHANES 1:1 ပူးပေါင်းရင်းမြစ်များ

LUKAS 1:3

Pinoko palesangku ima-ima' iwi-iwi' aijo' lengkat pe'e i pu'unnyo, kututugi ma'ima' da montulis sa'angu' na lapulan anu ta'atun toka hi kita Tuan.

YOHANES 8:32

Sahingga komiu monsumbu' Tumpu anu totu'u, ka' kalana aijo' komiu o pobebasje.”

SISIKON NU TO RASUL-RASUL 11:30

Posa'angu'an nu tanga'an aijo' binaumo, lantas i Barnabas ka' i Saulus sinai da momboa pontulungi aijo' hi to pola-polaya' nu jama'at.

ROMA 16:13

Salan do'angku hi Rufus ka' hi tinanyo anu sumo-sumomo tinangku. I Rufus mian anu pinile'anmo nu Tumpu ka' talapuji'.

GALATIA 2:14

Salatan tinoangku taalu' aha madi' mompintoongi kahondoan nu Lele Ma'ima' aijo', aku notatae hi Petrus i ahop nu iwi-iwi' mian anu tinoka i kiijo', “De kita Utus mian nu Yahudi tumuu'mo sumo mian anu misa' Yahudi, kadaka' kita Utus uuka aiya mongka'oho'mo mompakisa to mia-mian sangga'at tumuu' sumo mian nu Yahudi?”

GALATIA 2:5

panyo kami madi' ihungku'an nu aha mau sangkiding pe'e, kalana pagala ojagai mami da Lele Ma'ima' aijo' tataap ma'ima' hi komiu.

GALATIA 3:1

To Utu-utus mian nu Galatia! Komiu talalo hondo ponga'! Pa' ihe na nonsale'i komiu? I Kristus sinilaka kalana sinalib pinotalangkumo sahondo-hondonyo hi komiu!

GALATIA 5:7

U'utu mae komiu nokalajamo ima-ima'! Uuka aiya na kadaka' komiu madi'mo nontuluti pongka'oho' nu Tumpu? Ihe na nonsale'imo komiu?

KOLOSE 1:5

Komiu pinalesayamo ka' komiu nongkalibosimo, kalana komiu monginde'i apaa na anu pinosadiamo i suluga' nu Tumpu bau bagi miu. Komiu nohongomo han aijo', salatan Lele Ma'ima' anu totu'u pinotokamo hi komiu.

1 TIMOTIUS 2:4

Ia mongka'oho' da iwi-iwi' na mian oposalamat, ka' monsumbu' anu totu'u.

IBRANI 10:26

Kalana de lele anu totu'u lengkat mae hi Tumpu pinotokamo hi kita, panyo saja' kita mombau dosa' ototonggolakon, saba' madi'mo daagi' ko koloban anu bau pongalini dosa'to.

1 PETRUS 5:1

Ku poita da okalesang hondo-hondo nu to pola-polaya' nu jama'at miu. Aku nontulis aiya salaku sangalu bubuu' polaya' ka' salaku mian anu nonsakisimo kasansala'an anu ingoa'anmo i Kristus, ka' anu saidi' mae suele opopodaka', de maluannyo katalasanggoan i Kristus opotoamo hi manusia. Ku poita sabole-bole,

1 PETRUS 5:13

To sanga-sangalu jama'at kiijo' mae i Babilon, anu suele pinile'anmo nu Tumpu, nompakatu mae salan do'a hi belemiu; sumo aitu mule' anakku i Markus anu kuku kanonongi.

1 YOHANES 2:21

Jadi aku nontulis aiya toka hi belemiu misa' kalana komiu madi' monsumbu' pangajalan anu totu'u, panyo kalana komiu nonsumbu'mo, ka' komiu mule' nonsumbu'mo saba' madi' ko leko'nyo i uno nu pangajalan anu totu'u aijo'.

1 YOHANES 3:18

To Ana-anakku! Boli mongkalibosi ola i nganga' kabai ola i potatae. Tionyo ahi' kita mongkalibosi nu kalibosan anu totu-totu'u, anu oponyata' i palabuatanto.

2 YOHANES 1:13

To ana-anak nu utus boune nu kita Pontina'on anu suele pinile'anmo nu Tumpu nompakatu mae salan do'a toka hi kita Pontina'on.

2 YOHANES 1:5

Kalana aijo', Pontina'on, ku poita sabole-bole da kita iwi-iwi' mompaha kali-kalibosi. Anu ku poto'i aiya misa' sa'angu' na palentah anu sala'je; palentah aiya binee'mo hi kita salatanmo pe'e kita nontampu'unimo pinalesaya.

3 YOHANES 1:1

Kita utus Gayus anu okanonongi! Aku, polaya' nu jama'at, anu totu-totu'u mongkalibosi beleyum,