2 TOMU-TOMUNDO' 9:6 - KITAB NU TUMPU ALLA LELE MA'IMAI'

⁶ Lapas aijo' ua-ua' aha ninsoopmo i laigan ka' nabi aijo' nondudu'akonmo lanya' nu zaitun aijo' hi ubak i Yehu ka' pi pinoto'inyo, “Tumpu Allah nu Israel notatae, 'Aku nohangkakatmo beleyum timbali tomundo' nu israel anu palesayamo hi belengku.

2 TOMU-TOMUNDO' 9:6 ပူးပေါင်းရင်းမြစ်များ

1 TOMU-TOMUNDO' 1:34

Kiijo' mae i Zadok ka' I Natan tionyo ahi' ohangkatmo da ia baumo tomundo' nu mian Israel. Lapas aijo' opo'onyi'mo nu bele miu na tolompet ka' lewa' otaligalai, 'Higahiakon mae na i Tomundo' Salomo!'

1 TOMU-TOMUNDO' 10:9

O puji' na Tumpu, Tumpu Allah nu belento Tuan! Kalana nohangkatmo belento Tuan tinimbali tomundo' nu Israel, pinotoamo nu Tumpu hi belento Tuan, na Ia sanang hi belento Tuan. Madi' kokamingkotanyo na Ia mongkalibosi bansa Israel; mokonyo' aijo' Ia nohangkatmo belento Tuan binaumo tomundo' nu aha, da belento Tuan sabole-bole ahi' mompojalan atulan ka' ka'adilan.”

1 TOMU-TOMUNDO' 14:7

Pinsusule'mo ka' poto'i hi Yerobeam sumo uuka na pinoto'i nu Tumpu, Tumpu Allah nu Israel, 'Beleyum pinile'an-Kumo hi aha mian da'isan ka' pinotimbaling-Kumo anu mongkuasai mian nu Israel anu pinalesayamo hi belengku.

1 TOMU-TOMUNDO' 16:2

'Naipuan mae beleyum misa' mian anu talasanggo, panyo' beleyum i hangkat-Kumo binau polaya' nu mian Israel anu pinalesayamo hi beleng-Ku. Uuka aiya beleyum binaladosa'mo susumo i Yerobeam ka' nonsaduakonmo mian nu Israel anu pinalesayamo hi beleng-Ku binaladosa'mo, sahingga Aku notambuha'mo.

1 TOMU-TOMUNDO' 19:16

Ka' suele obau mule' sumo aijo' hi Yehu anak i Nimsi da ia baumo tomundo' nu Israel, ka' suele i Elisa anak i Safat mian nu Abel-Mehola, da ia baumo nabi mombolosakon beleyum.

1 TOMU-TOMUNDO' 3:8

Aku jinojoongmo hinggat-hinggat tiba bansa anu pinile'antomo nu Belento timbal mian anu palesayamo. Aha sa'angu' na bansa anu daka' anu madi' opoko lekeng na konjoo'nyo.

2 TOMU-TOMUNDO' 9:3

Ka' dudu'akon na lanya' aiya i ubaknyo ka' poto'i 'koonyo nu Tumpu, Ia nohangkatmo beleyum baumo tomundo' nu Israel.' De opoko baumo na aijo' pala'imo na tampat aijo' palia-lia'.”

2 TOMU-TOMUNDO' 9:5

lantas tinokannyo na i Yehu ka' to tale-talenga' sangga'at hau-haunyo basale' i kiijo'. Koonyo nu nabi aijo', “Kita Tuan, aku momboa mae lele toka hi belento Tuan.” Tinaaman i Yehu, “toka hi he?” “Ola toka hi belento Tuan,” Tinaaan nu nabi aijo'.

2 TAWARIKH 22:7

Tinantukanmo nu Tumpu Allah na ajan i Ahazia silakamo de ia mambamo montoa i Yoram. Tempo'nyo namba nontoa aijo', i Ahazia tiba i Yoram tinumbuhanmo mae nu mo'ane samian sanggonyo i Yehu anak i Nimsi, anu pinile'anmo nu Tumpu da mompatei aha sa'anakan i Tomundo Ahab.

MAZMUR 2:6

Ia notatae, “Kiita' mae i Sion puge'Nyo anu susi' aijo' anung-Ku i hangkatkumo na tomundo' anu pinile'an-Kumo.”

MAZMUR 75:6

Ka' hi mian anu ma'idek na kinyonyoanyo, da bolimo daagi' lewa' ko tige-tige boli mosi puji' butong kabai motatae takabun.

YESAYA 45:1

Tumpu nompile'imo i Kores binau tomundo'; ia tinantukanmo da mompatundu'mo to bansa-bansa, ka' mompota'alukmo kakuasa'an nu to tomu-tomundo'. Tumpu montuhe'akonmo tumban toto daka-daka' nu kota' da bau pinsoopannyo, madi'mo daagi' ko sa'angu' na madi' tontuhea'. Hi ia Tumpu motataemo,

DANIEL 2:21

Iamo na anu nompotataap loonu ka' wakitu, Ia na mompobelenti ka' mompojadi anu balakuasa. Lamo ia suele na anu mombee'i kapandean, tiba mule' mombee'i da mangalati'.

DANIEL 4:17

Sumo aijo' na kaputusan nu kami to mala-malaekat anu binalajaga-jagamo ka' siniapmo. Pongka oho' mami da to mia-mian maumo pa' iyamae mongakui saba' Tumpu Anu Matangkas na Kuasanyo mongkuasaimo kalaja'an nu manusia ka' kalaja'an aijo' Nu bee' hihe na anu pinile'an-Nyomo ka' mule' hi mian anu madi' ko alati'nyo apa-apaa!’

DANIEL 4:32

Belento olaa'mo nu aha mian da'isan ka' tumuu'mo tiba to bina-binatang i padang. Kopinnyo popitu' na taun ka' belento mongkaanmo hemput susumo sapi'. Lapas aijo' belento mongakuimo talu' Tumpu Allah Anu Matangkas na Kuasanyo na balakuasa i kalaja'an nu manusia ka' kalaja'an aijo' obee'mo hi hehe na anu pinile'an-Nyomo.”

1 SAMUEL 10:1

Lapas aijo' i Samuel nongalamo boton anu ko isinyo minya-minya' zaitun lantas dinudu'akonnyomo na minya-minya' aijo' hi ubak i Saul ka' ingokannyomo na i Saul ka' notatae, “Tumpu nohangkatmo ka'nombalakatimo beleyum da timbalimo tomundo' hi aha mian Israel anu pinalesayamo hi Ia. Beleyum mompalentahmo mian anu pinalesayamo hi Ia ka' montoamo aha da boli nu kabisa'i nu sampo bali' nu aha. Aiya na timbali tanda saba' beleyum pinile'anmo nu Tumpu, beleyum timbalimo tomundo' hi aha mian anu pinalesayamo hi Ia.

1 SAMUEL 2:7

Daagi ko mian anu pinokasiasiNyomo hondo, daagi mule' ko anu pinotimbaliNyomo da kinayamo. Daagi ko mian anu tinau'akonNyomo daagi mule ko mian anu ihangkatNyomo mata-matangkas.

1 SAMUEL 2:8

I uno nu kasusa'an ihangkatNyomo na mian anu madi' ko apa-apaa, i uno nu kasansala'an pinobebasNyomo na mian anu madi' kokaliangannyo. Aha pinotimbalimo sangalu nu to mia-mian tulunan nu mian daka', ka' binee'anmo pangkat anu o angga'i. Paningkokoan nu dunia, nu Tumpu, ka' aita'i buannyo na pinombauanNyo dunia.