2 TOMU-TOMUNDO' 9:34 - KITAB NU TUMPU ALLA LELE MA'IMAI'

³⁴ Lantas i Yehu nokiijo'mo i laigan nu tomundo' ka' nongkaanmo. Lapas aijo' ia notataemo, “Boune aijo' kinutukanmo. Mau sumo aijo' lamun ahi' na bangke'nyo kalana ia anak boune nu Tomundo'.”

2 TOMU-TOMUNDO' 9:34 ပူးပေါင်းရင်းမြစ်များ

1 TOMU-TOMUNDO' 16:31

Ma'isa na'osa na ia i kantumuu'annyo lewa' mombau dosa' susumo i Tomundo' Yerobeam, pakalaus ia nongosoai mule' i Izebel anak i Tomundo' Etbaal mian nu Sidon, ka' mule' ia nonsombahmo Baal.

1 TOMU-TOMUNDO' 18:41

Lapas aijo' pinoto'imo i Elia hi Tomundo' Ahab, “Uuka aiya sahanyo belento Tomundo' mambamo pongkaan! Gagana' uuka ujanmo, kalana i hongongkumo na buhoknyo mae.”

1 TOMU-TOMUNDO' 21:25

Madi' toho' ko mian anu totu-totu'umo na kinyonyoanyo mombau anu ma'idek i mata nu Tumpu susumo anu binaumo i Ahab. Iwi-iwi' na anu ma'idek aijo' bibinaunyomo aijo' pokinde' i Izebel bengkele'nyo.

2 TOMU-TOMUNDO' 9:33

I Yehu notataemo i aha, “Lumbu'akon na ia mokaiyong!” Sahingga i lumbu'akonmo nu aha nai i Izebel nokaiyong lantas ia iligismo nu kareta sahingga baso'nyo tinolopinjitmo no kiijo' i pagan mesen ka' nokiijo i ajahan haha aijo' anu mohela' kareta aijo'.

2 TOMU-TOMUNDO' 9:35

Panyo salatan to mia-mian nambamo nongala bangke'nyo da olamunmo, tinokan nu aha me ubaknyo ka' buku nu botokonnyo ka' tengkenyo.

ESTER 3:15

To paka pokauhon sampamo namba nomboa sulat haha aijo' hi to pro-propinsi nu kalaja'an. Ka' mule' pinalentahmo i tomundo, da palentah aijo' obebakonmo suele i Susan, puso nu kota Persia. Ilapas na aijo' i tomundo ka' i Haman lewa'mo kinosusuhang ka' lewa'mo binatawa' nu anggur, panyo kota' Susan ginago'mo kalana lele anu ihongomo nu aha aijo'.

AMSAL 10:7

Saja' o inau' na mian anu manonong, aijo' salakumo sa'angu' na balakat; panyo mian anu ma'idek na kinyonyoanyo malia' hondo okolilimi.

YESAYA 65:15

To mia-mian anu pinile'an-Kumo mompake sanggo nu beleyum salaku kutuk: ‘O'amalakon da Tumpu Anu Matangkas na Kuasanyo mompatei belemiu susumo aha!’ Panyo mian anu tulu-tulutan hi beleng-Ku, Ku bee'ije sanggo anu bu'ou ponsanggohi.

AMOS 6:4

Silakamo na belemiu anu male' i kamale'an anu to ima-ima', ka' nombaumo bau-bauon nongkolotmo sapi' tiba domba anu daagi' bata'nyo!

MATIUS 25:41

Lantas Tomundo aijo' notatae hi to mia-mian anu i sasu kowi-Nyo, ‘Lako'mo pokiijo', anu kinutukanmo! Pinsoopmo i uno nu apu anu madi' toho' mate, anu pinosadiakonmo i Setan ka' hi to mala-malaikatnyo!