2 TOMU-TOMUNDO' 9:32 - KITAB NU TUMPU ALLA LELE MA'IMAI'

³² I Yehu nontonto'imo nokiita' i tolongan ka' notatae “Ihe na monsangaja'i aku?” Nohongo potatae aijo' ua'aha kabai aha totolu' na mian anu ko pangkatnyo i laigan nu Tomundo' nontoamo nokaiyong.

2 TOMU-TOMUNDO' 9:32 ပူးပေါင်းရင်းမြစ်များ

2 TOMU-TOMUNDO' 9:31

Salatan i Yehu ninsoopmo nontulu sabatan daka' nu kota', i Izebel no notataemo daka-daka', “O Zimri, anu lewa' mompatei! Apaa na ka'oho' nu bau i aiya?”

2 TOMU-TOMUNDO' 9:33

I Yehu notataemo i aha, “Lumbu'akon na ia mokaiyong!” Sahingga i lumbu'akonmo nu aha nai i Izebel nokaiyong lantas ia iligismo nu kareta sahingga baso'nyo tinolopinjitmo no kiijo' i pagan mesen ka' nokiijo i ajahan haha aijo' anu mohela' kareta aijo'.

2 TOMU-TOMUNDO' 9:7

Beleyummo na mompatei to julu-julu nu tuan nu beleyum i Ahab. Tiba jalan anu sumo aiya Aku nohukumo i Izebel anu nompatei to nabi-nabing-Ku ka' to posa-posaihon-Ku sangga'at.

1 TAWARIKH 12:18

Samian na anu aijo' mae hi aha, i Amasai anu lapas aijo' i hangkatmo binau kapala nu sa'angu' na gombuan nu mian anu osa-osanggohi “Tridasawira”, kinuasanmo nu Roh nu Tumpu Allah ka' notatae, “O Daud, anak i Isai! Kami monsangaja'i belento! O' amalakon da belento ka' aha anu montulungi belento momboa mae ka'untungan Tumpu Allah atina' hi beleyum!” Sahingga tinalimamo i Daud na aha ka' i hangkatnyomo na aha binaumo suludadunyo anu matangkas na pangkatnyo.

2 TAWARIKH 11:12

tiba kanta ka' talombo'. Tiba jalan anu sumo aijo' da'erah Yehuda ka' Benyamin tinataapmo i uno nu kakuasa'annyo.

ESTER 1:10

I sinaa kino ipitunnyomo, i tomundo lewa'mo binatawa' sahingga ingoa'annyo i lame'mo hondo. Kalana aitu ilaganyomo na aha popitu' anu ko pangkatnyo da samata-mata momposadia ka' mongulus ia; aha aijo'mo i Mehunam, i Bizta, i Harbono, i Bigta, i Abagta, i Zetar, ka' i Karkas.

ESTER 2:15

Jadi tinokamo na gililan i Ester mangadap hi tomundo. – i Ester anak i Abihael ka' mototominsan tiba i Mordekhai anu nohangkatmo salaku posi anaknyomo; i Ester nukabangangi hondo nu mian anu montoa ia. Tempo'nyo ia nambamo nangadap hi tomundo, i Ester nompusok baju' susumo anu pinoto'imo i Hagai anu mongkapalai laigan nu tomundo anu kajojoongan nu to bou-boune.

ESTER 2:21

Daagi kinosansinaan tempo'nyo i Mordekhai hau-haunyo mokalaja ilaigan nu tomundo' ua aha na anu ko pangkatnyo anu ola samata-mata mokalaja monjaga sabatan nu salipi'ilaigan nu tomundo' ka' mohongo pa' apaa na anu pokauhakon nu tomundo' aijo'mo i Bigtan, tiba i Teres, nosangaja'mo kahanda' mompateimo i Tomundo' Ahasyweros kalana kinaidekanmo nu aha.

MAZMUR 118:6

Aku madi' mabuhuk kalana Tumpu na monsangalui mae aku, manusia madi' moko ala mombau apa-apaa hi belengku.

MAZMUR 94:16

Ihe na montinjohi aku mohukum mian anu singkap palaganta? Ihe na monsangaja'i aku mongewa mian anu mombau anu ma'idek?

NOSABATMO 32:26

Sahingga tinuminjomo na ia i ahop nu sabatan daka' nu Kemah ka' noloboo', “Ihe na mongka'ima'i Tumpu sabole-bole toka mae aiya!” Sahingga tinokamo mae na tulunan nu bansa Lewi sinihukmo hi Musa,

SISIKON NU TO RASUL-RASUL 12:20

I Herodes notambuha'mo hondo hi to mia-mian nu Tirus ka' Sidon. Mokonyo aijo' aha nohingga-hinggat tinoka nangadap hi ia. Momonanyo aha nonsale'i Blastus, anu mongkapalai laigan daka' i Herodes, da ia nontinjohi aha. Lapas aitu aha nambamo nangadap hi Herodes, lantas nompoita baladame, kalana lipu' nu aha montaha'imani kaanon lengkat hi lipu' i Herodes.