2 TOMU-TOMUNDO' 9:27 - KITAB NU TUMPU ALLA LELE MA'IMAI'

²⁷ I Ahazia nontoamo apaa na anu jinadimo, sahingga ia nopalaihakonmo karetanyo namba i kota' Bet-Hagan. I Yehu nololoi'mo ia ka'nolobo'akon hi suludadunyo, “Patei suele na ia!” Pinana'mo nu aha na ia ka' binelaonmo na ia i jalan anu mamba mokiijo' i Gur, koko kota' Yibleam. Panyo ia daagi' noko ala nopalai tinoka kiijo' mae i Megido, ka' i kiijo'je na ia sinilaka.

2 TOMU-TOMUNDO' 9:27 ပူးပေါင်းရင်းမြစ်များ

1 TOMU-TOMUNDO' 21:2

“Bee'mo mae na ale' nu anggur nu beleyum aijo' hi belengku, kalana ale' aijo' ohani tiba laiganku. Aku ko kahanda' monsu'an ngangahan nu utan i kiijo'. Beleyum mohumpakje ale' nu anggur anu lebeh ma'ima' salaku bolosnyo kabai beleyum mongka'oho' da ku olimo, nu olinyo anu memang pantas.”

2 TOMU-TOMUNDO' 10:4

Anu balakuasa' i Samaria nabuhukmo. Koonyo nu aha, “I Tomundo' Yoram ka' i Tomundo' Ahazia madi' suele moko ala mongewa i Yehu, ka' kitaje aiya, tantu madi' ahi' moko ala.”

2 TOMU-TOMUNDO' 11:1

Salatan sinumbu'mo i Atalya na i Tomundo' Ahazia, anaknyo sinilakamo, ia nompalentahmo da iwi-iwi' na aha sa'anakan i Ahazia opateimo.

2 TOMU-TOMUNDO' 12:1

I taun ko popitu'nyomo na i Yehu nompalentah Israel, i Yoas tinimbalimo tomundo' nu Yehuda. Ia nompalentah Yerusalem 40 taun na kinopinnyo. Tinanyo sanggonyo i Zibya mian nu kota' Bersyeba.

2 TOMU-TOMUNDO' 21:23

To mia-mian anu ko pangkatnyo mokalaja hi Amon nombaumo kasangaja'an da mongewamo ia ka' nompateimo kiijo' i laigan nu tomundo'.

2 TOMU-TOMUNDO' 8:29

lantas ia ninsusule'mo i kota' Yizreel da opakuli'i lantas i Ahazia nambamo nontoa ia kiijo' mae.

AMSAL 13:20

Mian anu mosangalu tiba mian anu pande saidi mae timbali pande; panyo mian anu mosangalu tiba mian anu ponga' saidi mae mohumpak kasilaka'an.

NOMBILANGMO 16:26

I Musa notataemo hi aha mian nu Israel, “Pala'i na kemah nu mian anu toto ide-idek haha aiya ka' boli mongkanyang mau mule' pa' apaa na anu nu aha. De belemiu madi' mohongo-hongo, belemiu saidi' mae opatei hingga-hinggat tiba aha kalana dosa-dosa' nu aha.”

2 KORINTUS 6:17

Mokonyo aijo', pala'i na to mia-mian anu madi' monsumbu' Tumpu aijo', ka' boli mogalum na butongum hi aha. Boli hondo-hondo monsasuhi anu mahenyu, da Ku talimaje na komiu.

YOSUA 17:11

I uno nu da'erah i Isakhar tiba i Asyer aijo' daagi' ko tano' anu i Manasye, aijo'mo: Bet-Sean tiba Yibleam tiba kampu-kampungnyo anu ikiijo'. Ka' suele: Dor (kota anu i sonibi nu ambai), En-Dor, Taanakh, Megido, tiba kampu-kampungnyo anu ikiijo'.

TO MIA-MIAN KOPIAN 1:27

Tulunan nu bansa Manasye madi' nolaa' anu jojoong i kota Bet-Sean, Taanakh, Dor, Yibleam ka' Megido tiba to kampu-kampung anu ohani ikiijo'.

TO MIA-MIAN KOPIAN 5:19

Kiijo' i Tanaakh koko kaunyo nu Megido, to tomu-tomundo nahampatemo, To tomu-tomundo nu Kana'an nahampatemo, panyo salaka madi' ko anu binoa mae nu aha salaku anu pinahuhuakon mae.