2 TOMU-TOMUNDO' 9:18 - KITAB NU TUMPU ALLA LELE MA'IMAI'

¹⁸ Suludadu aijo' sinumake'mo i ajahan ka' namba nompahakabot i Yehu ka' notatae, “I Tomundo' ka'oho' monsumbu' pa' kita Tuan toka mae sumo salaku sangalu.” “Aijo' misa' ulusan nu beleyum,” na koonyo i Yehu, “Dongan posangalumo mae tiba aku.” Anu monjagai laigan tangka-tangkas aijo' nontoa suludadu aijo' tinokamo i gombuan nu mian da'isan haha aijo', panyo madi'mo ninsusule' mae. Sahingga pinosumbu'nyomo na han aijo'.

2 TOMU-TOMUNDO' 9:18 ပူးပေါင်းရင်းမြစ်များ

2 TOMU-TOMUNDO' 9:17

Salatan anu monjagai laigan anu tangka-tangkas i kota' Yizreel nontoamo i Yehu ka' mian anu nonsangalui mae tinokamo ia notataemo daka-daka', “Daagi' ko mian da'isan mo'uka mae i aiya!” Tinaaman i Yoram, “Sai na suludadu samian sake'i na ajahan toka toa pa' aha aijo' sangalu kabai sampo bali'.”

2 TOMU-TOMUNDO' 9:19

Lantas sinai mule' samian na suludadu sangga'at. Suludadu aiya suele nompokilawa hi Yehu, ka' minsan mule' na i Yehu nontaami, “Aijo' misa' ulusan nu beleyum dongan posangalumo mae tiba aku!”

2 TOMU-TOMUNDO' 9:22

“Pa' Belento toka mae sumo salaku sangalu?” na koonyo i Yoram, hi Yehu. Tinaaman i Yehu, “Misa' sumo sangalu, de i aiya daagi' ko sando manjoo' ka' daagi' ko ponsomban pilogot anu tinampu'unanmo i Izebel tina nu beleyum aijo'?”

2 TOMU-TOMUNDO' 9:31

Salatan i Yehu ninsoopmo nontulu sabatan daka' nu kota', i Izebel no notataemo daka-daka', “O Zimri, anu lewa' mompatei! Apaa na ka'oho' nu bau i aiya?”

YESAYA 48:22

Madi' ko kasalamatan hi aha mian anu ma'idek na palabuatannyo,” sumo aijo' na koo-Nyo nu Tumpu.

YESAYA 59:8

Belemiu madi'mo nongusahakon da dame, ka' iwi-iwi' na palabuatan nu belemiu madi' adin. Jalan nu belemiu minggeo-geo' ka' mian anu mombatuki jalan aijo' madi' sanang.

YEREMIA 16:5

Boli mamba hi aha mian anu hau-haunyo ko anumo sinilaka hi aha aijo', o Yeremia. Boli susa' maumo pa' ihe na sinilaka. Aku madi'mo daagi' mombalakati mian anu palesayamo hi beleng-Ku da mohumpak kantumuu'an ma'ima', ka' mule' madi'mo ahi' mompotoa kanonongan kabai mongkalibosi aha.

ROMA 3:17

Madi' nusumbu' nu aha na jalan mamba i ka'ima'an,