2 TOMU-TOMUNDO' 8:7 - KITAB NU TUMPU ALLA LELE MA'IMAI'

⁷ Daagi' kino sa'angu' na tempo' i Elisa nambamo i Damsyik. Tempo'nyo aitu i tomundo' Benhadad hau-haunyo nasakitmo salatan i hongo i tomundo' na i Elisa kiijo' i Damsyik,

2 TOMU-TOMUNDO' 8:7 ပူးပေါင်းရင်းမြစ်များ

KAJADIAN 14:15

Ikiijo' mae i Abram nombagimo to mia-miannyo pinaha tompu-tompuknyo lantas nontumbuhimo sampobali' nu aha pihi-pihi ka' nompatundu'mo aha. Ia nololoi'mo aha tinoka-toka kiijo' mae i Hoba sasu utara kota Damsyik.

1 TOMU-TOMUNDO' 11:24

I Tomundo' Daud toho'mo nompatundu' i Hadadezer aiya ka' nompateimo to sanga-sangalu i Hadadezer anu lengkat mae i Siria. Tempo'nyo aitu na i Rezon nopalaimo nompala'imo i Hadadezer ka' nonsale'imo to mia-mian da mombaumo kasangaja'an, lantas nongkapalaimo golombolan. Ia tiba suludadunyo nambamo i Damsyik lantas jinojoongmo i kota' aijo'. Tinoka kiijo' mae suludadunyo nohangkatmo ia binau tomundo nu Siria.

1 TOMU-TOMUNDO' 13:1

Tempo'nyo aitu daagi' ko nabi samian kiijo' i Yehuda. Ia pinokau nu Tumpu da mamba i Betel. Nabi aijo' tinoka i kiijo' tempo'nyo i Yerobeam hau-haunyo tinjo-tinjo i ahop nu mezbah monsombahkon koloban.

1 TOMU-TOMUNDO' 15:18

Kalana aijo' i Tomundo' Asa nongalamo iwi-iwi' na mosoni' ka' salaka anu daagi' kiijo' i Laigan nu Tumpu ka' i laigan nu tomundo' lantas pinakatuanyomo i Damsyik hi Benhadad tomundo' nu aha Siria anak i Tabrimon, makumpu i Hezion. Balang haha aijo' pinakatu binoa nu aha mian pa' aha sangkuka na anu ko pangkatnyo i laigan nu tomundo', ka' pinotuunnyo sumo uuka:

1 TOMU-TOMUNDO' 20:1

Daagi' kinosansinaan i Benhadad, tomundo' nu Siria nomposihukmo suludadunyo iwi-iwi', tiba aha 32 na tomundo' sangga'at ka' kereta anu bau pahampate, ka' kuda nu aha, lantas tinumbuhannyomo na kota Samaria.

1 TOMU-TOMUNDO' 20:34

Lantas notataemo na i Benhadad hi ia, “Ku sule' akonmo hi belento Tuan na kota iwi-iwi' anu i ngalamo nu tuumangku hi tuuma nu belento Tuan. Belento Tuan timbalimo ahi mombau puso nu badagangan i kota Damsyik susumo anu binaumo nu tuumangku kiijo' i Samaria.” Tinaaman i Ahab, “Kalana nojanji'mo na belento Tuan sumo itina', sahingga ku pobebasmo na belento Tuan.” Lapas aijo' nombaumo palajanjian na i Ahab tiba i Benhadad lantas pinobebasnyomo na ia.

2 TOMU-TOMUNDO' 1:2

Daagi' kino sansinaan i Tomundo' Ahazia anu nolengkat mae i Israel nanabu'mo aita' mae i salipi' nu laigan nu tomundo' anu kajo-kajojoongannyo kiijo' i Samaria, lantas ia binelaonmo talalo daka' hondo. Sahingga ia nonsaimo mian da'isan da mamba mompokilawa hi Baal-Zebub pilogot nu aha kota Ekron kiijo' i Filistin, pa' ia daagi' ma'alin kabai madi'mo.

2 TOMU-TOMUNDO' 2:15

Aha lima-limampulu' na nabi anu kiijo' i Yerikho nontoamo ka' notatae, “Kuasa' i Elia nolalinmo hi Elisa!” Aha tinokamo mae hi ia ka' tinolodadupumo i ahopnyo nonsombah ia,

2 TOMU-TOMUNDO' 5:20

i Gehazi posaihon i Elisa, binapikinmo, “Ibeh kadaka' ia pinobee'mo namba madi' nombayan? Sabenannyo Tuan aku mongala ahi' anu pinombayan nu mian Siria aijo'. I uno nu sanggo nu Tumpu anu tumuu', tionyo ku loloi'mo na ia, da mohumpak apa-apaa mae hi ia!”

2 TOMU-TOMUNDO' 6:12

Sala' samian na suludadu anu aijo' i aha anu matangkas na pangkatnyo nontaami, “Mau pe'e ola samian i madi'an, kita Tomundo'. I Nabi Elisa na nompoto'i aijo'! Ia na saja' nompoto'i hi tomundo' Israel, apaa na anu nutaloakon i Tomundo', maumo aijo' ola o taloakon i salipi' kahoyotannyo.”

2 TOMU-TOMUNDO' 6:24

Madi' pinin i lapas na aijo' i Benhadad tomundo' nu Siria nomboamo suludadunyo iwi-iwi' da montumbuhimo Israel. Aha nontumbuhimo Samaria,

2 TOMU-TOMUNDO' 8:6

Lantas pinokilawamo i tomundo' ka' sinisikmo nu boune aijo' na anaknyo. Lapas aijo' i tomundo' nolagamo samian anu ko pangkatnyo ka' pinalentahkonnyomo da anu nu boune aijo' iwi-iwi' osule' akon hi ia, tiba oli nu isi nu ale'nyo anu pinopitu' na taun na kinopinnyo ia kiijo' mae i lipu' sangga'at.

YESAYA 7:8

kalana Siria madi' lebe mahoson molingkudui Damsyik puso nu kota'nyo, ka' Damsyik madi' lebe mahoson molingkudui i Tomundo' Rezin. Sadangkan i uno nu tempo' anompulu' ka' olima' nataun, Israel nobagi-bagimo sahingga madi'mo noko ala tinotahan salaku sa'angu' na bansa.

YEREMIA 40:5

Ma'isa pe'e namba pinoto'imo i Nebuzaradan, “De mongka'oho', beleyumo timbalimo minsusule' hi Gedalya anak i Ahikam tiba makumpu i Safan, anu ihangkatmo i tomundo' Babel binau gubernur nu kota-kota' Yehuda. Beleyum timbali jojoong tiba ia hi aha mian da'isan kabai mamba maumo pa' moya na kalambanan nu beleyum anu nu ka'ima'i nu beleyum.” Lantas binee'annyomo mae mantu anu okaan tiba palasen hi belengku ka' nompobee'mo aku namba.

SISIKON NU TO RASUL-RASUL 17:6

Panyo salatan aha madi' nompahakabot i Paulus ka' i Silas, aha nohela' i Yason ka' to pia-piangkuka na mian palesaya sangga'atannyo nokiijo' i ahop nu to pangka-pangkat anu mongkuasai kota aijo'. Aha noloboo', “To mia-mian aiya mompokalangkabut iyaya mae! Uuka aiya kota'to suele i lambananmo mae nu aha,

PO'ULE' INGULIT 33:1

Ma'isa pe'e sinilaka na i Musa, anu sinai mae nu Tumpu Allah, ia nombalakatimo bansa Israel, ia notatae sumo uuka:

TO MIA-MIAN KOPIAN 16:2

Jadi mian nu Gaza nohongomo taalu' i Simson kiijo'mo mae, sahingga aha nontikumo kota aijo' montanda'i ia sinampahu i sabatan daka' nu kota. Panyo aha madi' noko bau apa-apaa pihi-pihi aitu kalana tinutugan nu aha, “Pobakas bete'je na sinaa, opateintoje na ia.”