2 TOMU-TOMUNDO' 7:9 - KITAB NU TUMPU ALLA LELE MA'IMAI'

⁹ Aha binasisikmo samian ka' samian, “Anu binauntomo aiya madi' ma'ima'. Lele aiya lele anu ma'ima' jadi tionyo ahi' osisikto! De otanda'into sampe tokaje dodop tantu kita o hukummo. Sahanyo kita mambamo i laigan nu tomundo' da opoto'i na han aiya hi tomundo'!”

2 TOMU-TOMUNDO' 7:9 ပူးပေါင်းရင်းမြစ်များ

2 TOMU-TOMUNDO' 5:4

Salatan i hongomo i Naaman na aijo' ia nambamo hi tomundo' ka' sinisiknyomo apaa na anu pinoto'i nu boune aijo'.

2 TOMU-TOMUNDO' 7:10

Kalana aijo' aha ninsusule'mo namba i Samaria ka' nompoto'i hi mian anu monjagai sabatan daka' nu kota'; “Kami nambamo i kemah nu aha mian Siria, ka' tinokan mami madi'mo ko miannyo i kiijo' mae. Ajahan ka' keledai nu aha tinokan mami dagi' sego-segot, i tampatnyo, ka' kemah nu aha iwi-iwi' pinojohokmo nu aha ka' pinala'ianmo nu aha.”

2 TOMU-TOMUNDO' 7:3

Sinaa aitu aha opat na mian ko panyakit kilit anu okabuhuk kiijo' i sambiha' nu sabatan nu kota' Samaria. Aha binasisikmo samian ka' samian, “Apaa na gunanyo kita lewa' sumuhang i aiya montanda'i kasilakanto?

2 TOMU-TOMUNDO' 7:6

Kalana, Tumpu nombaumo mian nu Siria da nohongomo lewo' susumo suludadu anu monsake'i ajahan ka' kareta montumbuhimo mae. Mian nu Siria haha aijo' nonsangkamo au'aitu tomundo' nu Israel nontamboimo i tomundo' Het ka' Mesir tiba suludadunyo nu aha da montumbuhi aha.

2 TOMU-TOMUNDO' 7:8

Aha opa-opat anu ko panyakit kilit aijo' tinokamo i sohipi' nu kemah nu aha aijo' ka' ninsoopmo i sa'angu' na kemah. Aha nongkaanmo ka' nonginummo i kiijo' ka' nongalamo mosoni', salaka ka' to baju-baju' lantas nambamo pinosuluk nu aha. Lapas aijo' aha po'ule' mule' ninsusule' mae ka' nompinsoopi kemah sangga'at, lantas nombaumo mule' susumo anu binaumo nu aha.

AMSAL 24:16

Kalana, maumo pe'e mian anu madi tageo' na kinyonyoanyo saja' manabu', panyo saja' ia po'ule' mobula. Panyo mule', mian anu ma'idek na kinyonyoanyo timbali hansun totu-totu'u nu balaa' anu montokai ia.

YESAYA 41:27

Aku, Tumpu na momona nompolele hi Sion; Aku na nonsai aku nomboa lele ma'ima' hi aha Yerusalem.

YESAYA 52:7

Talalo hondo sanang na montoa katokaan nu mian anu sinai mae; ia lumajang notulu i bungkutnyo ka' nomboa lele ma'ima', lele anu moko bilahi kantumuu'an, lele kasalamatan hi aha Sion; koonyo, “Tumpu nu beleyum Tomundo!”

NAHUM 1:15

Soba toa samian na anu sinai mae tokamo mae montulu iwi-iwi na bungkutnyo momboa mae lele ma'ima' lele inguntungmo na nahampate. O bansa Yehuda lame'akon na sinaa daka' nu belemiu ka' bayanmo na anu jinanji'mo nu belemiu hi Tumpu. Lipu' nu belemiu madi'mo daagi opalentah nu to mia-mian anu ma'idek na kinyonyoanyo. Aha ihansunmo iwi-iwi'.

NOMBILANGMO 32:23

Panyo ingat, de belemiu madi' mombau anu jinanji'mo nu belemiu, belemiu baladosa'mo hi Tumpu ka' o hukumo, kalana dosa' nu belemiu atina'.

LUKAS 2:10

Panyo koonyo nu malaikat, “Boli mabuhuk! Kalana aku toka momboa lele ma'ima' hi komiu – lele anu talalo mompolame' iwi-iwi' mian.

FILIPI 2:4

Opalahatikan na kapentingan nu mian sangga'at; boli ola kapentingan nu posi butong.