2 TOMU-TOMUNDO' 7:2 - KITAB NU TUMPU ALLA LELE MA'IMAI'

² Suludadu anu saja' monsangalui i tomundo' nontaami, “Iya na jadi, aijo' madi' minsoop i akan, maumo uukamo aiya na Tumpu montudunakon mae ujan daka' lengkat mae i langit!” “Nu toaje na han aijo' jadi saidi' mae, panyo beleyum madi'mo monyamit anu o kaan aijo' maumo ola sangkiding,” na tinaaman i Elisa.

2 TOMU-TOMUNDO' 7:2 ပူးပေါင်းရင်းမြစ်များ

KAJADIAN 7:11

Tempo'nyo umun i Nuh 600 mo na taun, kona i tanggan sampulu'mo ka' popitu' bitu'on ko ohua'nyomo, iwi-iwi' na matanyo nu uee i aluk nu dunia nobiha'mo. Iwi-iwi' na sabatan nu uee aita' i langit tinontuhea'mo,

2 TOMU-TOMUNDO' 5:18

De aku sabole-bole monsangalui i tomundo'ku mamba balado'a i kuil Rimon pilogot Siria, o' amalakon da Tumpu mongampuni Aku.”

2 TAWARIKH 20:20

Dodododopnyo subu-subu hondo, mian da'isan nosabatmo ka' nambamo i da'erah padang mateges koko Tekoa. Salatan aha kahanda'mo mamba, pinotuunmo i Yosafat sumo uuka hi aha, “O mian da'isan Yehuda ka' Yerusalem! Opalesaya na Tumpu Allah nu belemiu, da belemiu moko ala mongewa. O hongo-hongo na pokinde' nu to nabi-nabi nu belemiu da belemiu mohumpak ka'untungan na mahampate!”

MAZMUR 78:41

Saja'mo ahi' na aha nonsobai Tumpu nongideimo kinyonyoa nu Anu Susi' hondo, Tumpu nu aha Israel.

YESAYA 7:9

Israel madi' lebe mahoson molingkudui Samaria puso nu kota'nyo, ka' mule' Samaria madi' lebe mahoson molingkudui i Tomundo' Pekah. De belemiu madi' totu-totu'u palesaya hi beleng-Ku memang belemiu madi'mo moko ala totahan.”

YEREMIA 29:32

ka' mule' kalana ia nompokaumo belemiu da madi' montuluti mae Aku, sahingga Ku hukumo na ia tiba lee'nyo. Madi' ko samian na anu aijo' hi aha na jojoong aiya hi kami da montoa hahan anu ma'ima' anu saidi' mae Ku bau hi aha ingko-ingkot na mian anu palesayamo hi beleng-Ku. Aku, Tumpu notataemo.”

MALEAKHI 3:10

Boa mae na anu sampulu' na bagian sambagian na o'ala ka' obee' mae iwi-iwi' i Laigan-Ku, da saja' ahi' manjoo' na anu okaan ikiijo'. Soba uji' mae na Aku da otoaje nu belemiu na Aku nombuka'mo sabatan nu suluga' ka' mule' mombee'imo iwi-iwi na anu ma'ima' manjoo' hondo hi belemiu.

NOMBILANGMO 11:13

Soba toa, aha saja' mati ense momoita ponoha'. Ka' iya mae na tionyo ahi' polioanku ponoha' da obee' hi aha mian iwi-iwi' aijo'?

NOMBILANGMO 23:19

Tumpu Allah madi' sumo manusia anu sampa mompele-pele' ka' mongka'ima'i baleko'. De Tumpu Allah balajanji' sabole-bole Nu ganapi! De Ia motataemo tantu tionyo ahi' jadi!

ROMA 3:3

Panyo mosia de sambagian na mian nu Yahudi madi' mohongo-hongo? Pa' kalana aijo' sahingga Tumpu madi'mo mongkalibosi aha?

PO'ULE' INGULIT 3:27

Pindakomo i bawo nu Bungkutnyo Pisga ka' tanggalakon mokiijo' i sasu utara ka' selatan, mokiijo' i sasu kabete'an ka' kinsoban. Toa ima-ima' apaa na anu nu toa aijo' mae kalana beleyum madi'mo motaap i Kaunyo nu Yordan.

2 TIMOTIUS 2:13

De kita madi'mo tulu-tulutan, Ia tataap mongkanonongi, kalana tanga'an-Nyo madi' timbali madi' pokakana tiba tanga'an nu butong-Nyo.”