2 TOMU-TOMUNDO' 7:17 - KITAB NU TUMPU ALLA LELE MA'IMAI'

¹⁷ Simpatuan tempo'nyo aitu suludadu anu saja' monsangalui itomundo' mokalaja monjagai sabatan daka' nu kota'. Ia sinilakamo i kiijo' pinahampeja'akonmo nu mian da'isan. Han aijo' jinadi sumomo anu tinaloakon i Elisa hi tomundo' salatan i tomundo' tinokamo hi ia.

2 TOMU-TOMUNDO' 7:17 ပူးပေါင်းရင်းမြစ်များ

2 TOMU-TOMUNDO' 5:18

De aku sabole-bole monsangalui i tomundo'ku mamba balado'a i kuil Rimon pilogot Siria, o' amalakon da Tumpu mongampuni Aku.”

2 TOMU-TOMUNDO' 6:32

Lantas i tomundo' nonsaimo samian namba momona hi laigan i Elisa. Tempo'nyo aitu i Elisa kiijo' i laigan, ka' to tu'a-tu'anyo hau-haunyo kiijo' hi ia. Ma'isa aha anu sinaimae i tomundo' aijo' tinoka, i Elisa notataemo hi to tu'a-tu'anyo haha aijo' “Soba tutugi! Anu mompatei aijo' nonsaimo mae mian da mompatei mae aku. De mian aijo' tokamo mae, tumban na sabatan ka' boli opobee' mae na ia minsoop, jadi saidi' mae posi i tomundo'je na toka mae.”

2 TOMU-TOMUNDO' 7:2

Suludadu anu saja' monsangalui i tomundo' nontaami, “Iya na jadi, aijo' madi' minsoop i akan, maumo uukamo aiya na Tumpu montudunakon mae ujan daka' lengkat mae i langit!” “Nu toaje na han aijo' jadi saidi' mae, panyo beleyum madi'mo monyamit anu o kaan aijo' maumo ola sangkiding,” na tinaaman i Elisa.

2 TOMU-TOMUNDO' 9:33

I Yehu notataemo i aha, “Lumbu'akon na ia mokaiyong!” Sahingga i lumbu'akonmo nu aha nai i Izebel nokaiyong lantas ia iligismo nu kareta sahingga baso'nyo tinolopinjitmo no kiijo' i pagan mesen ka' nokiijo i ajahan haha aijo' anu mohela' kareta aijo'.

YESAYA 25:10

Nu jagaimo nu Tumpu na Puge'nyo nu Sion, panyo Moab opahampeja'akonmo susumo hat itampat nu duhehe.

MIKHA 7:10

Naipuan mae sampobali' mongalu kita, aha notatae, “Iya mae na Tumpu nu belemiu aijo'?” Panyo uuka aiya aha montoamo apaa na anu nu bau Tumpu, hi kita, ka' aha ma'ambangmo. Kita monsakisamo to sampo-sampobali'to ka' opantundu'tomo ka' opahampeja'akonmo susumo hensek i jalan.

IBRANI 10:29

Palias na koboatnyo na hukuman anu opokona hi mian anu talalomo monguesani Anak nu Tumpu. Mian aijo' monsangka madi' ko angga'nyo na baso' nu palajanjian nu Tumpu, aijo'mo i Kristus sinilaka da mompobelesi' dosa'nyo. Ia madi' mongangga'i Roh anu momombee'i balakat.

TO MIA-MIAN KOPIAN 20:43

Aha mian nu Israel nontumbuhimo ka' sabole-bolemo nololoi' tinoka-toka nokiijo' i sa'angu' na tampat sasu kabete'an Gibea. Hau-haunyo mololoi' aha nompateimo,