2 TOMU-TOMUNDO' 7:13 - KITAB NU TUMPU ALLA LELE MA'IMAI'

¹³ Samian na anu ko pangkatnyo mokalaja hi tomundo' nompoto'imo, “O Tomundo', kita iwi-iwi' anu daagi' i kota' aiya uki'nyo pokakanamo susumo aha anu sinilakamo. Kalana aitu sahanyo kita monsai mian pa' aha sangkuka monsake'i olima' na ajahan haha aijo' anu daagi aijo' ka' mamba mokiijo' montoa apaa na anu jinadimo.”

2 TOMU-TOMUNDO' 7:13 ပူးပေါင်းရင်းမြစ်များ

2 TOMU-TOMUNDO' 5:13

Panyo to posa-posaihonnyo nongohanimo ia ka' nompoto'i, “O Tuan, sadang belento Tuan opokau mombau anu mahan, han aijo' obaumo nu belento Tuan. Ka' mule' aiya ia ola monsai belento Tuan mamba mindi' da ma'alin!”

2 TOMU-TOMUNDO' 6:33

Ma'isa pe'e ilapas na i Elisa notatae, i tomundo' tinokamo i kiijo' ka' nompoto'i, “Kasusa'an aiya, balaa' nu Tumpu hi kita! Jadi daagi' apaa na gunanyo aku montaha'imani da nu tulungi mae?”

2 TOMU-TOMUNDO' 7:12

Tempo'nyo aitu daagi' pihi, panyo i tomundo' suele nosabatmo i salipi' kinahoyotannyo ka' nompoto'imo hi to mia-mian anu mokalaja hi ia. “Potombihing! Sinumbu'kumo na tanga'an nu mian Siria haha aijo'! Sinumbu'mo nu aha na kita sinusa'mo i kaanon, kalana aijo' aha nompala'imo kemah ka' nambamo natisuluk i padang mongem kita da mamba molio anu o kaan. Lapas aijo' aha montumbuhimo mae kita ka' monjojoongi kota' to.”

2 TOMU-TOMUNDO' 7:14

Sahingga aha nompile'imo pa' aha sangkuka na mian lantas i tomundo' nonsaimo mian haha aijo' monsake'i ohua' na kareta anu lewa' bau pahampate mamba nonselidiki apaa na anu jinadimo i suludadu nu aha Siria.

2 TOMU-TOMUNDO' 7:4

De kita minsoopmo mokiijo' i kota' kita silakamo nu ohop; ka' de kita lewa' jojoong i aiya, kita suele silakamo. Sahanyo kita mamba mokiijo' i kemah nu mian Siria. De aha tahahumo pusa, kita nupatei nu aha. Panyo ihe na monsumbu' kita madi' opoposia.”

YEREMIA 14:18

De aku mamba i padang tampat anu loas, tinoangkumo na bangke' nu anu sinilakamo ipahampatean. I uno nu kota' tinoangkumo na kasansala'an, nu to mia-mian anu mompai patemo nu ohop. Nabi tiba imam mompojalan kawajibannyo madi' nu sumbu' pa apaa na anu nu bau.”

MOHAANGI 4:9

Aha sinansala'mo ka' sinilaka kinomayu-mayu'annyoje kalana madi' hondo-hondo ko anu okaan; anu sinilaka i pahampatean, lebe ko untungnyo tiba anu sinilaka nu ohop.