2 TOMU-TOMUNDO' 6:9 - KITAB NU TUMPU ALLA LELE MA'IMAI'

⁹ Panyo i Elisa nompolelemo hi tomundo' Israel salaku nompokinde'i ia da boli mamba i tampat aijo' kalana mian nu Siria haha aijo' biasa montulu jalan i kiijo'.

2 TOMU-TOMUNDO' 6:9 ပူးပေါင်းရင်းမြစ်များ

1 TOMU-TOMUNDO' 20:13

Tempo'nyo aitu nambamo na nabi samian hi Tomundo' Ahab ka' pinoto'inyomo, “Koonyo nu Tumpu: 'Tinoamo nu belento na konjoo'nyo nu suludadu haha aijo'? Ku bee'imo kauntungan na Belento mahampate mongewa aha sinaa aiya. Atina'je ka' nu nusumbu' taalu' Akumo aiya na Tumpu.’ ”

1 TOMU-TOMUNDO' 20:28

Lantas tinokamo na nabi samian hi Tomundo' Ahab ka' nompoto'i, “Sumo uuka na pinoto'i mae nu Tumpu: 'Kalana mian nu Siria haha aijo' monsangka tukoonyo Aku ola mongkuasai bungkutnyo panyo' hatanyo madi', jadi Ku po'untungmo na belemiu mahampate mongewa suludadu nu aha anu talalo hondo manjoo'. Beleyum ka' mian anu nu palentah monsumbu'je taalu' Akumo na Tumpu.’ ”

2 TOMU-TOMUNDO' 4:1

Daagi' kino sansinaan balu nu samian na nabi nambamo hi Elisa ka' nompoto'i, “Kita Tuuma, langkai'ku sinilakamo! Ka' osumbu'mo nu belento Tuuma saba' ia suele mian anu tulu-tulutan hondo hi Tumpu Allah, panyo daagi' ko samaya'nyo hi mian. Sahingga mian aijo' tinokamo mae nongala anaku ua-ua'aha aha ka' nu baumo nu aha posaihon, salaku pombayan samaya' nu Tuuma nu aha aijo'mo langkai'ku sisinilakamo.”

2 TOMU-TOMUNDO' 4:27

Panyo salatan tinokamo i ahop hi Elisa, ia tinolodadupumo ka' nontanggogolimo tengke i Elisa. I Gehazi kahanda' mohela' ia da boli sumo aijo', panyo i Elisa notataemo, “Pojohokmo! Ia aijo' sinusa'mo hondo na kinyonyoanyo. Panyo Tumpu madi' nompoto'i apa-apaa hi belengku!”

2 TOMU-TOMUNDO' 4:7

Lapas aijo' Pontina'on aijo' namba mule' hi Nabi Elisa, jadi koonyo i Elisa, “Pobaluk na lanya' haha itina' da bau pombayan iwi-iwi' na samaya' nu belento Pontina'on ka' labinyo baumo pontumuu' nu belento Pontina'on tiba to ana-anak nu belento Pontina'on.”

2 TOMU-TOMUNDO' 6:10

Jadi pinokinde'mo i tomundo' Israel na to mia-mian anu jojoong koko i tampat aijo', da balajaga-jaga. Sumo aijo' na i Elisa nompokinde'i i tomundo' pa' pinimpian.

2 TOMU-TOMUNDO' 6:12

Sala' samian na suludadu anu aijo' i aha anu matangkas na pangkatnyo nontaami, “Mau pe'e ola samian i madi'an, kita Tomundo'. I Nabi Elisa na nompoto'i aijo'! Ia na saja' nompoto'i hi tomundo' Israel, apaa na anu nutaloakon i Tomundo', maumo aijo' ola o taloakon i salipi' kahoyotannyo.”

2 TOMU-TOMUNDO' 6:8

Daagi' kino tempo' sa'angu' Siria nahampatemo nongewa Israel. Noko basale' tiba to sulu-suludadu nu aha anu toto tangka-tangkas na pangkatnyo, i tomundo' Siria nontantukanmo anu bakema'an nu aha.

AYUB 5:12

Madi' pinobee'-Nyo na mian anu pande mongakali, sahingga usaha nu aha madi' noko ala nombau apa-apaa. Sinumbu'mo ka' i humpaknyomo na mian anu pande na monggoliliakon potataenyo, sahingga iwi-iwi na tanga'an nu aha madi' nongkaliangan, ka' aha ingakalanmo nu kapandean nu aha.

MAZMUR 33:10

Tumpu madi'mo nompojadi tanga'an nu to bansa-bansa, Ia madi'mo nompobee' niat nu aha.

AMSAL 22:12

Momponyata kabaleko'an nu mian anu geguan, nu halagai nu Tumpu da ilimu' anu totu'u tataap ma'ima'.

YEREMIA 11:18

Tumpu nompoto'imo mae hi belengku tanga'an ma'idek nu aha anu mongka'ideki mae aku.

AMOS 3:7

Tumpu Anu Matangkas na kuasanyo madi' toho' mombau sa'angu' pe'e na apaa de madi' nu poto'i pe'e na tanga'an-Nyo hi aha to nabi-nabi ka' hi to posa-posaihon-Nyo.

ANU PINOTO'I HI YOHANES 1:1

Isi nu kitab aiya, mongkona apaa na anu pinoyata'mo i Yesus Kristus mongkona to hahan anu saidi' mae jadi. Tumpu nompoto'imo hi Kristus da Ia mompotiju'akon hi to posa-posaihon nu Tumpu apaa na anu malia'mo, tionyo jadi. I Kristus nonsaimo malaikat-Nyo hi Yohanes, posaihon-Nyo aijo' da mompoto'iakon han haha aijo' anu timbali hi ia.