2 TOMU-TOMUNDO' 6:31 - KITAB NU TUMPU ALLA LELE MA'IMAI'

³¹ I Tomundo' notataemo daka-daka', “Sinamo aiya na kapatean i Elisa. Pojohokmo da nupiboatimo nu Tumpu Allah na mohukum mae aku, panyo ku pateimo na i Elisa!”

2 TOMU-TOMUNDO' 6:31 ပူးပေါင်းရင်းမြစ်များ

1 TOMU-TOMUNDO' 19:2

Sahingga i Izebel nompotuunmo hi Elia sumo uuka, “O' amalakon da iwi-iwi' na pilogot mohukumo mae, pakalaus mompateimo aku, de dodop sumo sinaa aiya, madi' ku patei na beleyum susumo anu binaumo nu beleyum hi nabi Baal haha kiijo'.”

I RUT 1:17

Pa' iya mae na kasilakan nu belento Tinangku ikiijo' suele na kasilakanku ka' polamunan aku. Nu hukum nu Tumpu hondo-hondo na aku, de aku mongka'oho' mompala'i belento Tinangku, beilako' silakamo yo moga'atmo na kita!”

YOHANES 11:50

Te komiu madi' sinsumbu', monginau' kapentingan nu mian daisan, sahanyo samian na mate ka' de mule' iwi-iwi' na bansa mohopu'?”

YEREMIA 38:4

Sahingga nambamo na to mia-mian anu ko pangkatnyo haha aijo' hi tomundo' ka' nompoto'i, “Mian aiya tionyo ahi' opatei na hukumannyo. Kalana sababnyo ia nontaloakonmo susumo aijo' sahingga to sulu-suludadu ihentemo na kinyonyoa nu aha iwi-iwi' ka' mian sangga'at anu daagi' jinojoong ikota' aiya. Ia madi'mo nontulungi mian da'isan panyo ola mule' ahi' nonsilakaimo aha.”

1 TOMU-TOMUNDO' 22:8

Tinaaman i Ahab, “Daagi' samian, i Mikha anak i Yimla. Panyo ku ka'ideki na ia, kalana madi' toho' ia mompoto'i mae apa-apaa na anu ma'ima' anu jadi aiya mae i ahop hi belengku; ola saja' anu ma'idek.” “Ha, boli motatae sumo aijo'!” na koonyo i Yosafat.

1 TOMU-TOMUNDO' 18:17

Salatan tinoamo i Ahab na i Elia, i Ahab notataemo daka-daka', “Aiyamo na ia anu saja' monsaduakon da saja' painggaga na mian nu Israel!”

1 TOMU-TOMUNDO' 2:23

Noko taloakonnyo sumo aijo' binasumpa'mo na i Salomo i uno nu sanggo nu Tumpu, “Bakasmo na aku da nukona nu kutuk nu Tumpu, de madi' kupokonai hukuman mate na i Adonia, kalana ia nompoitamo sumo aijo'!

2 SAMUEL 19:13

Ka' mule' i Daud nompokaumo aha da mompoto'i hi Amasa sumo uuka, “Temisa' beleyum suele julungku mae ahi'? Uuka aiya beleyum ku hangkatmo bau talenga' nu suludadungku pombolosi i Yoab. Tumpu Allah na monsilakai mae aku de madi' ku totu'ui na anu tinaloakonkumo aiya!”

2 SAMUEL 3:35

Sansina-sinaa na mian mongkakase i Daud da mongkaan ahi' sangkiding panyo ia binasumpa'mo, “Ku poita da Tumpu Allah mompateimo mae aku, de aku mongkaanmo ma'isa pe'e makakinsap na batu nu sinaa!”

2 SAMUEL 3:9

Sahanyo i Daudmo na kutulungi, pakalaus mule' jinanji'mo nu Tumpu hi ia na da'erah anu nu palentah i Saul aiya obee'mo hi Daud, ka'lee' i Saul madi'mo timbali ohangkat bau tomundo', jadi i Daudmo ahi' na bau tomundo' montomundo'i Israel tiba Yehuda songko-songko. Tumpu Allah na mompatei aku de madi' kubau na palajanjian nu Tumpu Allah hi Daud aijo'.”

1 SAMUEL 25:22

Sahanyo pateimo mae na aku Tumpu Allah de madi' ku patei iwi-iwi' na to momo'ane anu kiijo' mae ma'isa pe'e bete' na sinaa.

1 SAMUEL 14:44

I Saul notataemo hi ia, “Sahanyo aku na ohukum nu Tumpu Allah de beleyum Yonatan na madi' mohumpak hukuman osilakai!”

1 SAMUEL 3:17

I Eli nompokilawamo, “Apaa na anu pinoto'imo nu Tumpu hi beleyum? Sisik mae iwi-iwi' hi belengku. De daagi nu pohowini, beleyum nu hukumo nu Tumpu Allah.”

1 TOMU-TOMUNDO' 20:10

“Tomundo' mami nonsaimo mae suludadu manjoo' hondo toka mae mongidei kota nu belemiu, sahingga abu nu kota anu motoyo'mo aijo' me sangkakup na nukakup nu aha ka' nu boa nu aha. Ia binasumpa'mo da nu hukum nu to pilo-pilogot, ka' nu patei na ia, de han aijo' madi' nu bau!”

2 TOMU-TOMUNDO' 5:20

i Gehazi posaihon i Elisa, binapikinmo, “Ibeh kadaka' ia pinobee'mo namba madi' nombayan? Sabenannyo Tuan aku mongala ahi' anu pinombayan nu mian Siria aijo'. I uno nu sanggo nu Tumpu anu tumuu', tionyo ku loloi'mo na ia, da mohumpak apa-apaa mae hi ia!”

AMSAL 16:14

Tambuha' nu tomundo' salakumo lele nu hukuman mate; mian anu pande mongusahakon da mohuhusi tambuha'!