2 TOMU-TOMUNDO' 6:17 - KITAB NU TUMPU ALLA LELE MA'IMAI'

¹⁷ Lantan i Elisa binalado'amo, “O Tumpu, de timbali belento mombuka'akon mata nu posaihonku da ia timbali montoa!” Do'a i Elisa i hongomo nu Tumpu sahingga salatan posaihonnyo nontoamo nokiijo' tinoanyo na bungkutnyo aijo' nobuke'mo nu ajahan tiba kareta ko apunyo nontikubimo i Elisa.

2 TOMU-TOMUNDO' 6:17 ပူးပေါင်းရင်းမြစ်များ

MAZMUR 68:17

Kadaka' atina' mae ibungkutnyo manjo-manjo atina' beleyum minsihipmo na montoa mae Puge'nyo nu Sion anu pinile'anmo nu Tumpu bau kajojoongan-Nyo? Tumpu jojoongmo kiijo' mae sampe toka sidu-sidutu'.

MAZMUR 34:7

Mian anu sinoe'mo na kantumuu'annyo nomoitamo tulung ka' tinaamanmo mae nu Tumpu nompobebasmo ia da madi'mo nongoa'i iwi-iwi na kasusa'annyo.

2 TOMU-TOMUNDO' 2:11

Hau-haunyo aha laja-lajang aha sabasi-basisiknyo. Monti-montiik sa'angu'na kareta anu ko apunyo anu nu hela' nu ajahan ko apunyo tinokamo mae nongoloti aha, lantas i Elia i hangkatmo namba i suluga' nu mombun anu makansang hondo.

IBRANI 1:14

Desumo aijo', to mala-malaikat haha aijo' ihe ahi' na sabenannyo na aha? Aha aijo'mo na to roh-roh anu mombau apaa na anu nu pokauhakon nu Tumpu, ka' anu nu palentah nu Tumpu Allah, da montulungi to mia-mian anu mohumpak kasalamatan.

SISIKON NU TO RASUL-RASUL 26:18

da aha mosabat lengkat i kapintungan ka' minsoop i uno nu jingka; da aha molapas i ponggodaan nu Ibilis, lantas nu kuasaimo nu Tumpu. Kalana palesaya hi beleng-Ku to dosa-dosa' nu aha o ampunimo ka' aha timbalimo mian anu palesayamo hi Tumpu, anu pinile'anmo na aha.’ ”

MATIUS 26:53

Nu sumbu' Aku madi' moko ala momoita tulung hi Tuumang-Ku, ka' Ia malia' mae hondo na monsai mae molabi sampulu' ka' ohua' na pasukan nu Suludadu malaikat?

YESAYA 42:7

Da mombuka' mata nu mian anu napisokmo, ka' mule' mompobebasmo mian da bolimo pintung i uno nu talungku'.

MAZMUR 119:18

Buka'akon mae na matangku da aku montoa pangajalan anu okabangangi hi atulan nu Belento.

ANU PINOTO'I HI YOHANES 19:14

Suludadu nu suluga' anu bau pahampate mombatuki Ia monsake'i to aja-ajahan mopute', ka' nompusok lenan anu mopute' ka' belesi'.

EFESUS 1:18

Aku nongkakasemo da Tumpu mombuka' pikilan miu, sahingga timbali majingka; da belemiu monsumbu' apaa na anu timbali otaha'imani nu belemiu hi Tumpu anu nolagamo belemiu. Ka' suele da osumbu' miu mosia na balakat anu toto ima-ima' molabi-labi, anu nupotouka nu Tumpu bau bagi nu mian anu palesayamo hi Ia;

ZAKHARIA 1:8

tinoangku malaekat nu Tumpu nonsake'imo sa'angu' na ajahan momea'. Ia tinuminjomo isa'angu' na bangka'nyo i olot nu kau' murad. Aitu mae ihikunyo tinuminjo pa sangkuka na ajahan sangga'at daagi' ko anu momea', daagi' ko anu gio-gio mohaha tiba anu mopute'.

MAZMUR 91:11

Tumpu Allah nonsaimo mae malaekatnyo monjagai beleyum, da monjagai beleyum maumo pa' moya na beleyum mamba.

ANU PINOTO'I HI YOHANES 19:11

Lapas aijo' aku nontoamo suluga' tinabuka'mo, lantas nontoamo sa'angu' na ajahan mopute'. Anu nonsake'i sanggo-Nyo Anu Mohongo-hongo hondo ka' Anu Totu'u hondo. Ia adin na momputusi hukuman ka' i uno nu pahampatean anu binau-Nyomo.

MAZMUR 104:3

Belento nongkokamo langit susumo kemah, ka' nompotinjomo Laigan nu belento kiita' mae i langit i bawo nu uee. Kundom haha aita' binaumo kareta nu Belento, polipik nu mombun aijo' na binau kasake'an nu Belento.

MAZMUR 91:15

De ia mongkakase mae hi belengku, tionyo Ku taami. De nutokaimo nu kasusa'an tionyo ahi' Ku tulungi na ia; ia tionyo ahi' ku lapasakon da madi' mohumpak balaa' ka' mule' ia Ku bee'imo kaholomatan.

ANU PINOTO'I HI YOHANES 3:7

“Toka hi malaikat anu kiijo' hi jama'at nu Filadelfia, tulismo sumo uuka: Aiyamo na potuunon lengkat mae hi Ia anu susi', ka' anu tumuu' kopian. Gunsing i Daud Ia na montoongi; de Ia na montuhea'akon madi' ko samian pe'e na timbali montumban, ka' de Ia na montumban, madi' ko samian pe'e na timbali montuhea'akon.

KAJADIAN 21:19

Lantas Tumpu Allah nompotimbalimo i Hagar da manasa na montoa, sahingga ia nontoamo sa'angu' na bubung. Lantas ia nambamo nongisi botutu kilit nu uee, kapas aijo' pino'inumnyomo hi anaknyo.

KAJADIAN 32:1

I Yakub nolausakonmo lajangnyo. Lantas tinopia-piangkuka na malaekat tinokamo mae monsingkaboti ia.

MAZMUR 104:4

Mombun binaumo anu lewa' nu pokau nu Belento ka' kilat binaumo posaihon nu Belento.

DANIEL 10:7

Ola sausa'ku na nontoa anu pinotoa aijo'. To mia-mian anu nojajalan tiba aku madi' nontoa aijo' panyo aha nongoa'imo buhuk sahingga nalaimo ka' natisulukmo.

KAJADIAN 32:2

Salatan tinoamo i Yakub na aha ia notataemo, “Aiyamo na pinombauan kemah nu Tumpu Allah,” kalana aijo' sinanggohannyomo na tampat aijo' Mahanaim.

KAJADIAN 32:3

Lapas aijo' i Yakub nonsaimo tinopia-piangkuka na anu i lumajang mamba pe'e i moona i lipu' Edom da singkabot i Esau, utusnyo tu'a.

NOMBILANGMO 22:31

Lantas Tumpu nombaumo i Bileam da timbali montoa malaekat nu Tumpu tinjo-tinjo ikiijo' ka' bajaknyo kineatmo. Nalia-lia' na i Bileam dinumaladupu i tano' ka' nonsombah.

MAZMUR 125:2

Susumo to bungku-bungkutnyo nontiikubimo Yerusalem, sumo aijo'mo na Tumpu nonjagai mian anu palesayamo hi Ia, uuka aiya sampe toka sidu-sidutu'.