2 TOMU-TOMUNDO' 6:16 - KITAB NU TUMPU ALLA LELE MA'IMAI'

¹⁶ “Boli mabuhuk,” na koonyo i Elisa, “Anu monsangaja'i kita na lebe manjoo' molingkudui anu monsangaja'i aha.”

2 TOMU-TOMUNDO' 6:16 ပူးပေါင်းရင်းမြစ်များ

KAJADIAN 32:1

I Yakub nolausakonmo lajangnyo. Lantas tinopia-piangkuka na malaekat tinokamo mae monsingkaboti ia.

2 TOMU-TOMUNDO' 6:15

Dodododopnyo subu-subu hondo salatan posaihon i Elisa nobulamo ka' nosabat tinoanyo na suludadu nu Siria nontumbuhimo mae kota' aijo', sinadiamo na kuda ka' kareta bau pahampate nu aha. Jadi ia ninsusule'mo nokiijo' hi Elisa ka' nompoto'i “Silakamo na kita Tuan! Apaa na anu obaunto?”

2 TAWARIKH 16:9

Tumpu na montoa songko-songko na dunia ka' mombee'i kahosonan kona hi to mia-mian anu tulu-tulutan hi ia. Beleyum nombaumo apa-apaa anu sala', kalana aijo' otampu'uni uuka aiya beleyum saja'mo monta'up pahampatean.”

MAZMUR 11:1

Anu mihohung panyanyi. Mazmur i Daud. Aku minsondo' hi Tumpu; madi' kogunanyo na motatae hi belengku, “Posalamat na butong nu beleyum susumo tomonsi' anu lumap mokiita' i bungkutnyo.

MAZMUR 27:3

Maumo ahi' aku otiku nu gombuan nu suludadu anu da'isan hondo, aku madi'mo mabuhuk. Maumo ahi' tokamo mae na anu mompahampateakon mongewa aku, aku tataap sabole-bole montaha'imani Tumpu.

MAZMUR 3:6

Aku i nale'mo ka' i hoyotmo madi'mo ko anu nompoposia, ka' po'ule' mule' nobula, kalana Tumpu na nontinjohimo mae aku.

MAZMUR 46:11

Ia notatae, “Belentimo na mahampate; da osumbu' saba, Akumo aiya na Tumpu, Aku talasanggo madi' pokakana bansa-bansa, talasanggo isongko-songko na dunia.”

MAZMUR 46:7

Tumpu notataemo mae susumo gohung na onyi'nyo, sahingga tano' nohintutumo; to bansa-bansa kinalangkabutmo, to kara-karaja'an nahungku'mo.

MAZMUR 55:18

Sinaa ka' pihi aku lewa'mo bapisala' ka' lewa'mo humang, ka' pinotombihing-Nyomo mae na potataengku.

NOSABATMO 14:13

Tinaaman i Musa, “Boli mabuhuk! Saba-sabanmo! Otoaje nu belemiu na kasalamatan anu nubee' nu Tumpu hi belemiu. Mian nu Mesir anu otoa nu belemiu uuka aiya, madi'mo daagi' otoa nu belemiu.

YESAYA 8:10

Pombau tanga'an panyo iwi-iwi' aijo' madi' mingkaliangan. Pongala kaputusan panyo madi' kogunanyo, kalana Tumpu monsangalui kami.

YEREMIA 39:17

Panyo Aku, Tumpu na saidi' mae monjagai beleyum. Beleyum madi' mule' obee' hi to mia-mian anu okabuhuk nu beleyum.

MATIUS 26:53

Nu sumbu' Aku madi' moko ala momoita tulung hi Tuumang-Ku, ka' Ia malia' mae hondo na monsai mae molabi sampulu' ka' ohua' na pasukan nu Suludadu malaikat?

MARKUS 16:6

Mian olitau aijo' notatae, “Boli mabuhuk! Kusumbu' komiu molio i Yesus mian nu Nazaret anu sinalibmo. Ia madi'mo i aiya. Ia po'ule'mo tinumuu'! Toa, aiya na tampat pinompomale'an nu aha Ia.

ROMA 8:31

Apaa na anu opoko taloakon uuka aiya mongkona iwi-iwi' aijo'? De Tumpu mosambiha' hi kita, ihena moko ewa kita?

FILIPI 1:28

Tionyo ahi' komiu saja' baani; boli mabuhuk hi sampo bali' miu, tiba jalan anu sumo aijo' komiu momponyata'mo saba' aha tantu saidi' mae mahungku'mo, ka' komiu na saidi' mae untungmo, kalana posi Tumpu Allah na mombee'i ka'untungan hi komiu.

YOSUA 11:6

Tumpu notataemo hi Yosua, “Boli okabuhuk na aha. Dodop susumo sinaa uuka aiya Ku pateimo na aha iwi-iwi' kalana monginau' Israel. Ajahan nu aha tionyo ahi' opengko'i nu beleyum ka' kareta nu aha iwi-iwi' anu opake nu aha nahampate tionyo ahi' opapui nu belemiu.”

1 YOHANES 4:4

Panyo to Ana-anakku komiu anumo nu Tumpu. Komiu nohungku'imo to nabi-nabi anu madi' totu'u kalana Roh anu daagi' hi belemiu lebe daka' na kuasanyo molingkudui roh anu daagi' hi to mia-mian anu kinuasanmo nu dunia aiya.