2 TOMU-TOMUNDO' 6:12 - KITAB NU TUMPU ALLA LELE MA'IMAI'

¹² Sala' samian na suludadu anu aijo' i aha anu matangkas na pangkatnyo nontaami, “Mau pe'e ola samian i madi'an, kita Tomundo'. I Nabi Elisa na nompoto'i aijo'! Ia na saja' nompoto'i hi tomundo' Israel, apaa na anu nutaloakon i Tomundo', maumo aijo' ola o taloakon i salipi' kahoyotannyo.”

2 TOMU-TOMUNDO' 6:12 ပူးပေါင်းရင်းမြစ်များ

2 TOMU-TOMUNDO' 5:26

Panyo i Elisa notataemo, “Kinyonyoangku kiijo' mae tempo'nyo i Naaman nintatau'mo i karetanyo nonsingkaboti beleyum. Uuka misa'mo tempo'nyo na mongala doi ka' bau pongoli ale' nu zaitun, ale' nu anggur, domba ka' sapi' tiba to posa-posaihon!

2 TOMU-TOMUNDO' 5:3

Daagi' kino sansinaan notatae na posaihon aijo' hi kajojoongannyo, “O Pontina'on, de ituan mamba singkabot tiba nabi anu jojoong kiijo' mae i Samaria nabi aijo' mompo'alin panyakit i tuan;”

2 TOMU-TOMUNDO' 5:8

Han aijo' i hongomo i nabi Elisa, ka' pinotuunyomo hi tomundo' Israel, “Kadaka' nabuhukmo? Sai mae na mian itina' hi belengku da nu sumbu' nu mian itina', na aiya i Israel daagi' ko nabi samian!”

2 TOMU-TOMUNDO' 6:11

Han aijo' nompo'idekmo kinyonyoa i tomundo' Siria, sahinga ia nolagamo to sulu-suludadunyo anu toto tangka-tangkas na pangkatnyo ka' pinokilawanyo, “Tantu aiya hi kita daagi' ko mian anu ko gau' ma'idek. Ihe na mian aijo'? Soba poto'i mae!”

2 TOMU-TOMUNDO' 6:13

“Soba selidiki pa' iya mae na ia,” na pinalentahkon i tomundo' “da ku hakop na ia.” Mian nompoto'i hi aha tukoonyo i Elisa kiijo' mae i Dotan.

NOSABATMO 8:3

Kaunyo nu Nil mobuke'mo nu bahangkakak, sahingga binatang haha aijo' mosabat mae i uee ka' minsoop i laigan nu belento tomundo, i salipi' kahoyotan ka' i tampat kahoyotan nu belento, i uno nu laigan nu batu-batu mian anu ko pangkatnyo ka' layat, ka' mule' i tampat pombauan roti ka' i iwi-iwi' na kuhon.

AMSAL 21:30

Madi' ko kapandean, ilimu', kabai kapandean mompopikilakon anu moko ala balatahan i ahop nu Tumpu.

ANU MOMPOLELE POTATAE NU TUMPU 10:20

Boli monselidiki tomundo' mau ola i kinyonyoa. Boli lewa' monsisik ma'idek mian anu kaya, mau ola i salipi' kaka male'an nu beleyum. Ihe na monsumbu' nu hongo nu sa'angu' na tomonsi' apaa na anu tinaeakonmo nu beleyum lantas nu poto'imo hi aha anu sinisikmo nu beleyum.

YESAYA 29:15

Silakamo na mian anu bala'usaha momposuluk tanga'annyo anu nolengkat mae hi Tumpu! Aha balabuat aijo' hoko-hokot ka' monsangka tukoonyo madi' ko samian anu montoa kabai monsumbu' apaa na anu binaumo nu aha.

YESAYA 8:10

Pombau tanga'an panyo iwi-iwi' aijo' madi' mingkaliangan. Pongala kaputusan panyo madi' kogunanyo, kalana Tumpu monsangalui kami.

DANIEL 2:47

I Tomundo' notatae, “Totu'u, Daniel, Tumpu nu beleyum aijo' talalo hondo daka' na kuasanyo maumo ahi' pa' Tumpu iyamae. Ia na anu mongkuasai iwi-iwi na tomundo' ka' anu moko ala mompotalang iwi-iwi' na lahasia. Kusumbu' na han aijo' kalana beleyum noko alamo nontalangkan lahasia aiya.”

AMOS 3:7

Tumpu Anu Matangkas na kuasanyo madi' toho' mombau sa'angu' pe'e na apaa de madi' nu poto'i pe'e na tanga'an-Nyo hi aha to nabi-nabi ka' hi to posa-posaihon-Nyo.