2 TOMU-TOMUNDO' 5:26 - KITAB NU TUMPU ALLA LELE MA'IMAI'

²⁶ Panyo i Elisa notataemo, “Kinyonyoangku kiijo' mae tempo'nyo i Naaman nintatau'mo i karetanyo nonsingkaboti beleyum. Uuka misa'mo tempo'nyo na mongala doi ka' bau pongoli ale' nu zaitun, ale' nu anggur, domba ka' sapi' tiba to posa-posaihon!

2 TOMU-TOMUNDO' 5:26 ပူးပေါင်းရင်းမြစ်များ

KAJADIAN 14:23

saba' aku madi' koko mongala mau pa' apaa na anu nu beleyum, sahamba pe'e na banang kabai sambatu pe'e na bibit nu sandan madi' ku ala. Tiba jalan anu sumo aiya, madi' beleyum motatae', 'Akumo aiya na nompotimbali i Abram da kinaya.'

2 TOMU-TOMUNDO' 5:16

Tinaaman i Elisa “I uno nu sanggo nu Tumpu anu tuumu', anu kuku hongo-hongo na palentah-Nyo, madi' aku mongala maumo pa'apaa na anu o bee'.” Sabole-bolemo sinesehakon i Naaman da o alamo na anu nu bee'mo aijo', panyo i Elisa madi' ahi' mongala.

2 TOMU-TOMUNDO' 6:12

Sala' samian na suludadu anu aijo' i aha anu matangkas na pangkatnyo nontaami, “Mau pe'e ola samian i madi'an, kita Tomundo'. I Nabi Elisa na nompoto'i aijo'! Ia na saja' nompoto'i hi tomundo' Israel, apaa na anu nutaloakon i Tomundo', maumo aijo' ola o taloakon i salipi' kahoyotannyo.”

MAZMUR 63:11

Aha silakamo i uno nu pahampatean, ka' timbalimo kaanon nu binatang anu mahangas.

AMSAL 12:19

Baleko' ola sangkinihap nu sumbu'mo nu mian; panyo potatae anu totu'u tataap sampe toka sidu-sidutu'.

AMSAL 12:22

Tumpu mongka'ideki anu baleko'; panyo Ia sanang hi mian anu madi' tageo' na kinyonyoanyo.

YEREMIA 45:5

Kadaka' beleyum mongindimo da opopodaka'? Boli sumo aijo', Barukh! Iwi-iwi' na manusia Ku hukumo nu balaa', panyo beleyum na maumo ahi' pa' mosiamo tionyo ahi' opotumuu'. Maumo ahi' pa' moya na kalambanan nu beleyum, beleyum na tataap ahi' tumuu'. Aku, Tumpu notataemo.”

HAGAI 1:4

“O mian-Ku anu pinalesayamo pa' tinokamo na tempo'nyo belemiu jojoong i unonu laigan anu ma'ima' an ka' madodo, yo aijo' Laigan-Ku me susumo laigan anu na'idekmo?

MATIUS 10:8

Opa'alin na to mia-mian anu masakit; opo tumuu' na to mia-mian anu sinilakamo; opa'alin na to mia-mian anu ko panyakit kilit anu okabuhuk, ka' olaa' na to roh-roh ma'idek. Komiu nontalimamo iwi-iwi' aijo' ola ihalala akon. Jadi, mombee'i suele ola ohalala akon.

SISIKON NU TO RASUL-RASUL 20:33

Ma'isa toho' aku nongkamilui doi kabai pakean lengkat hi toto samian.

SISIKON NU TO RASUL-RASUL 20:35

I iwi-iwi' na han, aku nombee'imo sonto' hi komiu saba' kalana mokalaja totu-totu'u montulungimo to mia-mian anu madi' mahoson. Kalana tionyo ahi' o inau'to apaa na anu pinosi taloakonmo i Tumpu Yesus, ‘Lebe sanang na mombee'i ka' de mule' ola montalima.’ ”

SISIKON NU TO RASUL-RASUL 5:9

Lantas i Petrus notatae hi ia, “Kadaka' beleyum ka' langkai'um mosa'angu' monsobai Roh nu Tumpu? Hongo pe'e! To mia-mian anu nolamun langkai'um ninsusule'mo. Aha momboaje suele beleyum mosabat.”

1 KORINTUS 5:3

Butongku majo'on hi komiu, panyo kinyonyoangku itina' hi komiu. Jadi, aku mongka'oho' mongatun susumo au'aitu aku itina' hi komiu, “Tiba sanggo i Tumpu Yesus Kristus, kupoto'i saba' mian anu nombaumo bauon anu mahenyu aijo', tionyo o hukum!” De komiu mogombu, o anggap taalu' aku sumo-sumomo daagi' itina' hi komiu, kalana kuasa nu Tumpunto i Yesus,

KOLOSE 2:5

Kalana mau mule' aku to majo'onan tiba komiu, panyo o'anggapmo ahi', au'aitu aku sumo-sumomo daagi' itina' hi komiu. Ka' aku i lame'mo na montoa komiu nosa'angu'mo na kinyonyoa ka' nahosonmo na pinalesaya hi Kristus.