2 TOMU-TOMUNDO' 5:23 - KITAB NU TUMPU ALLA LELE MA'IMAI'

²³ “Yo ii'!” na koonyo i Naaman. Ka' ia sabole-bole sinale'an i Gehazi momboa 6.000 na doi salaka. I Naaman nolupi' mo doi aijo' pino'ohua'nyo na botutu ka' nongala baju' anu toto iama-ima' ohua' na paan. Iwi-iwi' aijo' binee'nyomo hi mian ua'aha na posaihonnyo anu pinokaunyo mamba pe'e momona i Gehazi mambaje i mihi.

2 TOMU-TOMUNDO' 5:23 ပူးပေါင်းရင်းမြစ်များ

KAJADIAN 33:11

Ku poita, talimamo na anu sinombahkonkumo, anu binoangkumo mae aiya. Kinanononganmo nu Tumpu Allah na aku ka' binee'an-Nyomo apa-apaa anu ku palalui.” I Yakub saja'mo nongkakase ahennyo i Esau nontalimamo anu binee'nyo aijo'.

1 TOMU-TOMUNDO' 20:7

Sahingga i Tomundo' Ahab nolagamo iwi-iwi' na polaya' nu Israel ka' pinoto'inyomo, “Belemiu nonsakisimo mian haha aiya, ia ko kahanda' mompatei kita. Aha sabole-bole montuntut da ku bee'mo na to bengke-bengkele'ku, ka' to ana-anaku tiba mosoni' ka' salakangku, ka' aku sabole-bolemo mombee' apaa na anu pinoto'inyomo mae aijo'.”

2 TOMU-TOMUNDO' 12:10

De doi i peti' ise-ise' aijo' manjoo'mo, julutulis i tomundo' tiba Imam Daka' tokamo mae molekeng doi aijo', ka' nulupi' mo nu aha.

2 TOMU-TOMUNDO' 2:17

Panyo sabole-bolemo sinale'an nu aha, sahingga sinitujuannyomo. Sahingga nambamo na nabi aha limampulu' aijo' nolio i Elia, tinolunsinaa na kinopinnyo, panyo' madi' i humpak nu aha.

2 TOMU-TOMUNDO' 5:16

Tinaaman i Elisa “I uno nu sanggo nu Tumpu anu tuumu', anu kuku hongo-hongo na palentah-Nyo, madi' aku mongala maumo pa'apaa na anu o bee'.” Sabole-bolemo sinesehakon i Naaman da o alamo na anu nu bee'mo aijo', panyo i Elisa madi' ahi' mongala.

2 TOMU-TOMUNDO' 5:5

Koonyo nu tomundo' “Timbali lako'mo hi tomundo' nu Israel ku tulisje na sulat toka hi ia.” Jadi nambamo na i Naaman nomboa doi salaka' 30.000, doi mosoni' 6.000 ka' baju' toto ima-ima' 10 na pan.

2 TOMU-TOMUNDO' 6:3

Daagi' ko samian anu aijo' hi aha nompakisa da i Elisa mombatuki ahi' aha. I Elisa situju na mombatuki.

YESAYA 30:6

Sumo uuka na potuunon nu Tumpu kona hi aha binatang-binatang anu jojoong i tano' sasu salatan, “Tomia-mian anu sinai aijo' nompaha posake'imo keledai tiba unta nu aha anu opalasenakon, lantas nololonga'mo daerah anu manjoo' hondo na anu okabuhuk kalana kajojoongan nu singa, ulo anu kobisa'nyo ka' mule' ulo anu kopolipiknyo. Palasen haha aijo' nu palasombahkon nu aha hi sa'angu' na bansa anu madi' moko ala montulungi aha.

LUKAS 11:54

Ka' hau-haunyo aijo', aha nondingangangmo Ia ima-ima', da mohongo apa-apaa na anu Nu taeakon.