2 TOMU-TOMUNDO' 5:20 - KITAB NU TUMPU ALLA LELE MA'IMAI'

²⁰ i Gehazi posaihon i Elisa, binapikinmo, “Ibeh kadaka' ia pinobee'mo namba madi' nombayan? Sabenannyo Tuan aku mongala ahi' anu pinombayan nu mian Siria aijo'. I uno nu sanggo nu Tumpu anu tumuu', tionyo ku loloi'mo na ia, da mohumpak apa-apaa mae hi ia!”

2 TOMU-TOMUNDO' 5:20 ပူးပေါင်းရင်းမြစ်များ

1 TOMU-TOMUNDO' 17:1

Daagi' ko samian na nabi, sanggonyo i Elia. Ia mian lengkat mae i Tisbe, sa'angu' na kota' i da'erah Gilead. Daagi' kino sansinaan ia tinokamo hi Tomundo' Ahab ka' notatae, “Jumo nu sanggo nu Tumpu anu tumuu' Tumpu Allah anu osombah nu mian Israel ka' anu kuku hongo na palentahnyo, ku poto'i hi belento Tuan, ohua' kabai totolu' na taun anu aiya mae i ahop madi'mo daagi' ko dondu'ok kabai ujan mau ola sangkiding, de ku poto'imo, yo atina' daagi'mo.”

2 TOMU-TOMUNDO' 13:19

I Elisa pinusamo ka' notatae, “Sabenannyo beleyum tionyo ahi' monsapahakon sampe piliman kabai pinganom da beleyum moko ala mompatei iwi-iwi' na bansa Siria. Panyo uuka beleyum mompatundu' aha ola pintolun.”

2 TOMU-TOMUNDO' 4:12

pinokaunyomo na i Gehazi posaihonnyo, mamba molaga boune aijo'. Salatan boune aijo tinokamo, notataemo na i Elisa hi Gehazi,

2 TOMU-TOMUNDO' 4:25

Sahingga nambamo na boune aijo' i Bungkutnyo nu Karmel kajojoongan i Elisa. Daagi majo'on tinoamo mae i Elisa na boune aijo' mamba mae. I Elisa notataemo hi Gehazi, “Soba toa pontina'on mian nu Sunem aijo' tinokamo mae!

2 TOMU-TOMUNDO' 4:31

I Gehazi nambamo momona nompotimpas tokon i Elisa hi butong nu anak aijo', panyo madi' pa' tinolo husa kabai ko tanda sangga'at pa' anak aijo' ugaat tumuu'mo. Lantas nambamo na i Gehazi nolalabot i Elisa ka' nompoto'i, “Anak aijo' madi' nobula.”

2 TOMU-TOMUNDO' 4:36

I Elisa nonsaimo i Gehazi nolaga tina nu anak aijo', ka' salatan tinanyo nu anak aijo' ninsoopmo, notataemo na i Elisa hi ia, “Aiya na anak nu belento Pontina'on.”

2 TOMU-TOMUNDO' 5:16

Tinaaman i Elisa “I uno nu sanggo nu Tumpu anu tuumu', anu kuku hongo-hongo na palentah-Nyo, madi' aku mongala maumo pa'apaa na anu o bee'.” Sabole-bolemo sinesehakon i Naaman da o alamo na anu nu bee'mo aijo', panyo i Elisa madi' ahi' mongala.

2 TOMU-TOMUNDO' 5:21

Lantas i Gehazi nololoi'mo i Naaman. Salatan tinoamo mae i Naaman daagi' ko mian anu tokamo mae, ia nintatau' mo i keretanyo ka' nompokilawa, “Mosia!”

2 TOMU-TOMUNDO' 6:31

I Tomundo' notataemo daka-daka', “Sinamo aiya na kapatean i Elisa. Pojohokmo da nupiboatimo nu Tumpu Allah na mohukum mae aku, panyo ku pateimo na i Elisa!”

2 TOMU-TOMUNDO' 8:4

Tempo'nyo aitu i Gehazi posaihon i Elisa pinoitamo i tomundo' da monsisikakon hahan anu okabangangi anu binaumo i Elisa.

2 TOMU-TOMUNDO' 8:7

Daagi' kino sa'angu' na tempo' i Elisa nambamo i Damsyik. Tempo'nyo aitu i tomundo' Benhadad hau-haunyo nasakitmo salatan i hongo i tomundo' na i Elisa kiijo' i Damsyik,

MAZMUR 10:3

Mian anu ma'idek na kinyonyoanyo sinombongmo nu tanga'annyo anu ma'i-ma'idek, miana nu mangoa nontotobi'akonmo ka' madi'mo nontalima Tumpu.

NOSABATMO 20:17

Boli mongkamilui anu nu mian sangga'at: laigannyo, bengekele'nyo, to posa-posaihonnyo, potuu'onnyo, keledainyo, kabai mau mule' pa' apaa na anunyo.”

NOSABATMO 20:7

Boli ola bau kasanggoan na sanggong-Ku, kalana Aku, Tumpu Allah nu belemiu, mohukum mau mule' pa' ihe na anu mombia-biangakon sanggong-Ku.

AMSAL 26:16

Anu moluluk monsangka butongnyo lebe ko kapandean bapikin; nu lingkudui na aha popitu' na mian anu montaami sahondo-hondonyo.

YESAYA 48:1

Potombihing mae o, belemiu lee' i Yakub, lee' mae i Yehuda anu nompakemo sanggo Israel, beleyum notatae, tukooyum beleyum nongakuimo Tumpu nu Israel, ka binasumpa'mo i uno nu sanggo nu Tumpu. Panyo potatae nu beleyum aijo' madi' sahondo-hondonyo.

YEREMIA 22:17

Panyo beleyum, Yoyakim, sangalasan. Beleyum ola molio posi ka untungan nu beleyum. Beleyum nompateimo mian anu madi' ko sala'nyo ka' talalo ahi' monsakisa mian da'isan nu beleyum ka' talalo ahi' singgi.

HABAKUK 2:9

Kinutukan na beleyum! Beleyum nompokayamo auan nu beleyum nu kauntungan anu i humpak nu beleyum kalana nompakisamo, da laigan nu beleyum amanmo ka' madi'mo ko kasusa'an ka' mule' balaa' anu montokai mae.

MATIUS 10:4

lantas imihinyo i Simon, si Patriot ka' i Yudas Iskariot anu nongkabisa'i Yesus.

MATIUS 26:9

“Minya-minya' manohong aijo' timbali opobaluk, olinyo mahan, ka' doinyo o bee' hi mian anu kasiasi!”

LUKAS 12:15

Lapas aijo', kona hi mian iwi-iwi' anu daagi' i kiijo', i Yesus notatae, “Obala'ingati ka' bajaga-jaga, boli sampe komiu mangoa. Kalana kantumuu'an nu mian madi' ola taha'iman i kakaya'annyo mau mule' halata'nyo molabi-labi.”

LUKAS 16:8

Saba' Tuan nu pongulus doi anu madi' hodi' aijo' nonpuji'mo pongulus aijo', kalana kapandean anu binaunyo aijo'; sabab to mia-mian i dunia aiya lebe pande mongatun ulusan nu aha molingkudui to mia-mian anu tumuu' i uno nu jingka.”

YOHANES 13:2

I Yesus tiba anu saja' mombatuki Ia hau-haunyo mongkaan malom. Ibilis nomposoopmo tanga'an i uno nu kinyonyoa i Yudas anak i Simon Iskariot da monguwesani Yesus.

YOHANES 6:70

I Yesus nontaami, “Te misa' Aku na nompile'i komiu sampulu' ohua' na mian aiya? Panyo samian anu aiya hi komiu te roh anu ma'idek!”

SISIKON NU TO RASUL-RASUL 5:2

Doi nu anu pinompobaluknyo aijo' sambagian tinahannyo bau posi anunyo ka' sangga'atannyo na binee'nyo hi to rasul-rasul. Ia nombau aijo' pinosumbu'nyo hi bengkele'nyo.

2 TIMOTIUS 4:10

sabab i Demas nompala'imo aku kalana mongka'ima'imo dunia aiya. Ia nambamo nokiijo' i Tesalonika. I Kreskes nambamo nokiijo' i Galatia, ka' i Titus nokiijo'mo i Dalmatia.

TITUS 1:7

Polaya' nu jama'at atina'mo mian anu mongatun pakalaja'an nu Tumpu, ia madi' timbali ko kasala'annyo. Ia madi' timbali kobubuun kabai saja' pusa, kabai saja' malangu, kabai mongka'ima'i mahantuda', kabai kinyonyoa saja' mompopikilakon doi.

1 PETRUS 5:2

da belemiu molaya' tompukan nu domba anu pinalesayakonmo nu Tumpu hi belemiu. Oposanang na kinyonyoa de molaya' aha susumo anu nukahanda'i nu Tumpu, ka' boli maboat na kinyonyoa. Boli mule' belemiu mokalaja kahanda' da mohumpak dale', panyo kalana komiu totu-totu'u mongka'oho' mongkalesang.

1 SAMUEL 14:39

Aku bajanji' tiba sanggo nu Tumpu anu tumuu', anu nombee'imo ka untungan nahampate hi aha mian nu Israel, saba' mian anu kosala'nyo tionyo ahi' ohukum mate, mau mule' ia i Yonatan anaku momo'ane.” Panyo mau pe'e samian madi' ko anu nontaami ia.