2 TOMU-TOMUNDO' 5:13 - KITAB NU TUMPU ALLA LELE MA'IMAI'

¹³ Panyo to posa-posaihonnyo nongohanimo ia ka' nompoto'i, “O Tuan, sadang belento Tuan opokau mombau anu mahan, han aijo' obaumo nu belento Tuan. Ka' mule' aiya ia ola monsai belento Tuan mamba mindi' da ma'alin!”

2 TOMU-TOMUNDO' 5:13 ပူးပေါင်းရင်းမြစ်များ

KAJADIAN 41:43

Lantas binee'nyomo hi Yusuf na kaleta nu kalaja'an anu ko ohua'nyo da bau kasake'annyo ka' anu saja' monsangalui salaku bau pongadati tomundo lumajang aita' imoona i kaleta aijo' ka' lewa' moloboo'akon “Jaga! Bee'i jalan! Bee'i jalan!” Sumo aijo' na i Yusuf i hangkatmo tinimbali gubernur i songko-songko na Mesir.

1 TOMU-TOMUNDO' 20:23

Suludadu i Tomundo' Benhadad anu toto tangka-tangkas na pangkatnyo nompoto'imo hi Benhadad, “To pilo-pilogot anu nu sombah nu bansa Israel balakuasa' aita' mae i bungkutnyo, mokonyo' aijo' kita pinatundu'mo nu bansa aijo'. Panyo' timbali opoko hungku'into na aha de kita mahampate i hatanyo.

1 TOMU-TOMUNDO' 20:31

To sulu-suludadu anu toto tangka-tangkas na pangkatnyo tinokamo hi ia ka' nompoto'i, “Koonyo nu mian, to tomu-tomundo' nu Israel, aha aijo' to tomu-tomundo' anu kokalibosan hi sangko mian. Kalana aijo', pobee' mae na kami mamba mangadap hi tomundo' Israel mompusok baju' kalung salaku tanda nompele-pele'mo ka' kahohon i gogohong salaku tanda nabuhukmo. O'amalakon da ia madi' mompatei belento Tomundo'.”

2 TOMU-TOMUNDO' 13:14

Daagi' kino sansinan tempo'nyo i Nabi Elisa nahanmo na sakit nyo ka' nambamo mae tinoa i Tomundo' Yoas na ia. Salatan tinoanyo malia'mo silaka na i Elisa, tomundo' aijo' i humangmo ka' pinoto'inyomo, “O tuumangku, O tuumangku, anu nontinjohakonmo Israel ka' anu talasanggo hondo!”

2 TOMU-TOMUNDO' 2:12

Tinoamo i Elisa lantas ia notataemo “O Elia, Tuumangku! Tuumangku! Anu nonjagaimo Israel ka' baani hondo! Belento Tuumangku madi'mo ko anu i aiya!” Ahennyo madi'mo tinoa i Elisa na i Elia. Kalana sinusa'mo na I Elisa, sahingga juba'nyo bineaknyomo ohua',

2 TOMU-TOMUNDO' 5:10

I Elisa nonsaimo samian na posaihonnyo da mompoto'i sumo uuka hi Naaman, “Lako' na belento Tuan mindi' pimpitun i kaunyo Yordan sahingga belento Tuan ma'alinmo totu-totu'u.”

2 TOMU-TOMUNDO' 5:3

Daagi' kino sansinaan notatae na posaihon aijo' hi kajojoongannyo, “O Pontina'on, de ituan mamba singkabot tiba nabi anu jojoong kiijo' mae i Samaria nabi aijo' mompo'alin panyakit i tuan;”

2 TOMU-TOMUNDO' 6:21

Salatan i tomundo' Israel nontoamo mian nu Siria haha aijo' pinokilawanyomo, “O Elisa, pa' ku pateimo na mian haha aiya?”

2 TOMU-TOMUNDO' 8:9

I Hazael nongalamo 40 na unta ka' pinaha posake'an apa-apaa na anu i humpak i kota Damsyik lantas nambamo hi Elisa. Salatan tinokamo i kajojoongan i Elisa, pinoto'imo i Hazael, “Posaihon nu belento i tomundo' Benhadad, nonsaimo mae aku da mompokilawakon pa' daagi' ia ma'alin kabai madi'mo.”

MAZMUR 51:2

salatan ia pinokinde'anmo i Nabi Natan kalana nasala'mo tiba i Batsyeba.

MAZMUR 51:7

Memang, ma'idek na kinyonyoangku salatanmo pe'e aku pinohampe, ka' binaladosa'mo salatanmo pe'e i uno nu ma'alum.

YESAYA 1:16

Baso'i na butong nu belemiu sampe belesi'. Iwi-iwi' na palabuatan ma'idek aijo' bolimo ahi' obau nu belemiu,

MALEAKHI 1:6

Tumpu Anu Daka' na kuasanyo notataemo hi to ima-imam, “Samian na anak mongadati tuumanyo, ka' mule' samian na posaihon mongadati tuannyo. Aku aiya Tuuma nu beleyum; kadaka' belemiu madi' mongadati Aku? Aku aiya tuan nu beleyum; kadaka' belemiu madi' mabuhuk hi beleng-Ku? Belemiu mongalu Aku, panyo belemiu mompokilawa, ‘Tiba jalan nosia na kami nongalumo Belento?’

MATIUS 23:9

Ka' boli komiu molaga, mau pe'e ola samian i dunia aiya, ‘Tuuma’, kalana Tuumaum ola samian, aijo'mo Tuuma anu Kiita' i Suluga'.

YOHANES 13:8

“Boli, Tumpu,” na koonyo i Petrus hi Yesus, “Boli hondo-hondo kita Tumpu mombaso'i tengkengku!” Panyo i Yesus nontaami, “De Aku madi' mombaso'i beleyum, beleyum madi' mompahasumbu' tiba Aku.”

YOHANES 9:7

“Lako'mo baso'i na ohupum i Talaga Siloam.” (Siloam alati'nyo, ‘Sinai’.) Sahingga mian aijo' inamba nompi ohupi ohupnyo. Salatan ia ninsusule'mo mae, ia noko alamo nontoa.

SISIKON NU TO RASUL-RASUL 22:16

Uuka bolimo daagi' montanda'i talalo pin. Pobulamo ka' bee'mo na butongum da opalamandikan. Poita hi Tumpu da beleyum nu ampuni na to dosa-dosa'um.’ ”

1 KORINTUS 1:21

Kalana mau mule' mosiamo na kapandean nu mian, ia madi' moko ala monsumbu' Tumpu de ola posi kapandeannyo. Panyo kalana Tumpu pande, sahingga Ia situjumo momposalamat to mia-mian anu palesaya hi Ia kalana lele anu opolele mami, anu kokoonyo nu dunia palasuma.

1 KORINTUS 1:27

Kalana memang tinotonggolakonmo nu Tumpu na nompile'i anu osangka ponga' nu dunia aiya, da to mia-mian pande timbali ma'ambang. Ka' Tumpu suele nompile'imo anu osangka' madi' moko ala nu dunia aiya, da to mia-mian anu mahoson timbali ma'ambang.

1 KORINTUS 4:15

Kalana akumo na timbali tuuma miu, mau mule' ugaat salaku mian Kristen, komiu kino gulu'mo sampulu' na madala. I uno nu kantumuu'an miu susumo to mia-mian anu nosa'angu'mo tiba i Kristus, aku na timbali tuuma miu, kalana aku na nomboa Lele Ma'ima' mongkona i Kristus hi komiu.

TITUS 3:5

Ia momposalamat kita, misa' kalana kita nombaumo anu ma'ima', panyo kalana Ia ahi' na nongkalibosimo kita. Ia momposalamat kita kalana pakalaja'an nu Roh nu Tumpu, anu nombee'imo kita kantumuu'an bu'ou susumo anu po'ule'mo i hampeakon, ka' kantumuu'an anu bu'ou, aijo'mo kita pinobelesimo.

IBRANI 10:22

Kalana aijo', imbo' da kita mongohanimo Tumpu ka' kinyonyoanto hodi'mo ka' palesayamo totu-totu'u; ka' kinyonyoanto anu pinosusi'mo ka' madi'mo ko kasala'an o oa'i, ka' butongto pinobelesi'mo nu uee anu molino.

1 PETRUS 3:21

Jadi, anu tinimbali aijo' susumo ibalatnyo palamandian anu tempo' uuka aiya momposalamat belemiu. Palamandian aijo' misa' sa'angu' na jalan mompolomas butong songko-songko anu kudulon, panyo salaku janji' miu hi Tumpu lengkat i kinyonyoa anu ma'ima'. Palamandian aijo' momposalamat belemiu kalana i Yesus Kristus sinilaka po'ule'mo pinotumuu',

ANU PINOTO'I HI YOHANES 7:14

“Aku madi' monsumbu', Tuan. Posi i Tuanmo na monsumbu',” tinaamanku. Sahingga ia notatae hi belengku, “Aiyamo na to mia-mian anu sinalamatmo anu noko lapasmo na nongoa'i kasansala'an anu daka' hondo. Aha nombaso'imo juba' nu aha nu baso' nu Anak nu Domba aijo' da mopute'.

1 SAMUEL 24:11

Uuka aiya posi belento Tomundo' nonsumbu'mo taalu' kiijo' i unonyo nu bolo' sabenannyo Tumpu nombee'mo belento Tomundo' hi belengku aiya. Aku sinale'anmo nu sala' samian da opateimo na belento Tomundo' panyo aku aiya madi' nontuluti. Tinaamanku tukoongku aku madi' mongka'oho' mombau anu ma'idek hi Tomundo'ku anu pinile'anmo nu Tumpu.

1 SAMUEL 28:23

I Saul madi' nontuluti ka' notatae tukoonyo, ia madi'mo mongka oho' mongkaan. Panyo salatan suele to mia-mian anu ko pangkatnyo sabole-bolemo nongkakaase ia; tinulutannyomo ahi'. Ia tinuminjomo ka' sinumuhangmo i sambale.