2 TOMU-TOMUNDO' 4:38 - KITAB NU TUMPU ALLA LELE MA'IMAI'

³⁸ Daagi' mule' kino sansinaan tinokamo na balaa i songko-songko na lipu' sinusa'mo i anu o kaan. Sahingga i Elisa ninsusule'mo nambamo i Gilgal. Tempo'nyo ia hau-haunyo mompogulu' to nabi-nabi pa' aha sangkuka, ia nonsaimo posaihonnyo nongala kuhon anu daka' ka' mongunjang anu o kaan nu aha.

2 TOMU-TOMUNDO' 4:38 ပူးပေါင်းရင်းမြစ်များ

KAJADIAN 25:29

Daagi' kino sansinaa tempo'nyo i Yakub hau-haunyo mongkola' utan bue momea', tinokamo na i Esau lengkat mae nombebas. Ia no'ohopmo.

2 SAMUEL 21:1

Tempo'nyo i Daud daagi' nompalentah tinokamo na balaa' kasusa'an i anu okaan tinotolu' na taun na kinopinnyo. Lantas i Daud nomoitamo pokinde' hi Tumpu pa' mosiamo na han anu sumo aijo', jadi pinoto'imo nu Tumpu, “Balaa kasusa'an i anu okaan atina' kalana kasala'an i Saul tibamo aha sa'anakan, aha nompateimo to mia-mian nu Gibeon.” (

1 TOMU-TOMUNDO' 17:1

Daagi' ko samian na nabi, sanggonyo i Elia. Ia mian lengkat mae i Tisbe, sa'angu' na kota' i da'erah Gilead. Daagi' kino sansinaan ia tinokamo hi Tomundo' Ahab ka' notatae, “Jumo nu sanggo nu Tumpu anu tumuu' Tumpu Allah anu osombah nu mian Israel ka' anu kuku hongo na palentahnyo, ku poto'i hi belento Tuan, ohua' kabai totolu' na taun anu aiya mae i ahop madi'mo daagi' ko dondu'ok kabai ujan mau ola sangkiding, de ku poto'imo, yo atina' daagi'mo.”

2 TOMU-TOMUNDO' 2:1

Tempo'nyo tinokamo, nuhangkatmo nu Tumpu na i Elia mambamo i Suluga' ia i hangkatmo nu mombun anu makansang hondo. Tempo'nyo aitu i Elia ka' i Elisa nambamo lengkat i Gilgal.

2 TOMU-TOMUNDO' 2:3

Pa' aha sangkuka na nabi anu jojoong i kiijo' nambamo nonsingkaboti i Elisa, ka' nompokilawa, “Pa' ma'isa sinumbu' nu beleyum na tuan nu beleyum, sinaa aiya mompala'imo beleyum kalana nu hangkatmo nu Tumpu?” “Memang sinumbu'kumo,” na koonyo i Elisa. “Panyo bakasmo bolimo kita mombisalakon han aijo'.”

2 TOMU-TOMUNDO' 4:1

Daagi' kino sansinaan balu nu samian na nabi nambamo hi Elisa ka' nompoto'i, “Kita Tuuma, langkai'ku sinilakamo! Ka' osumbu'mo nu belento Tuuma saba' ia suele mian anu tulu-tulutan hondo hi Tumpu Allah, panyo daagi' ko samaya'nyo hi mian. Sahingga mian aijo' tinokamo mae nongala anaku ua-ua'aha aha ka' nu baumo nu aha posaihon, salaku pombayan samaya' nu Tuuma nu aha aijo'mo langkai'ku sisinilakamo.”

2 TOMU-TOMUNDO' 4:39

Samian na nabi anu aijo' hi aha nosabatmo namba i ale' molio utan, lantas ia nonsahak anu susumo looboian anu tumuu' i kuhat. Tinipunyomo na bua'nyo aijo' manjoo' hondo ka' binoanyomo. Ia madi' nonsumbu' pa' bua' nu apaa na aijo', sinaya-saya'nyomo ka' ingunjangnyomo i kuhon aijo'.

2 TOMU-TOMUNDO' 8:1

Daagi' kino sa'angu' na tempo' Tumpu nonpotokamo mae balaa' kasusa'an i anu o kaan i lipu' nu Israel pinopitu' na taun na kinopinnyo. Ma'isa pe'e jinadi na aijo' pinoto'imo i Elisa hi boune anu lengkat mae i Sunem anu koko anaknyo po'ule' pinotumuu'nyo. I Elisa suele nonsaimo ia da molalinmo na aha iwi-iwi' salaigan da mamba i lipu' sangga'at.

AYUB 30:4

Aha lewa' monggauti hemputi tano' anu ewa, lantas nukaanmo nu aha na honnyo ka' mule' bakatnyo.

AMSAL 8:34

Mohumpak kasaangan i uno nu kantumuu'an na mian anu mompotombihing mae aku, anu toka sansina-sinaa sumuhang montanda'i isabatan nu laiganku, ka' balajaga-jaga isabatan daka'nu laigan kajo-kajojoonganku.

YEHEZKIEL 11:3

Kalana aijo' potokakon na potuunon-Ku aha obee'imo hukuman, o, manusia anu madi' tumuu' batu. Kalana aha nontaloakonmo, ‘Madi'mo daagi pin na laigan haha aiya po ule'mo obaunto. Kota'mo aiya na kuhon ka' kitamo na antok nu binatang i unonyo. Kita madi'mo nu poposia nu panas nu apu kalana kiijo' i unonyo nu kuhon.’ ”

YEHEZKIEL 11:7

Mokonyo aijo' Aku, Tumpu Anu Matangkas na Kuasanyo, mompoto'imo hi beleyum; memang, kota' aiya timbalimo kuhon panyo antok nu binatang misa' ahi' belemiu, bangke' ahi' nu to mia-mian anu pinateanmo nu belemiu! Ka' belemiu na Ku laa'mo ahi' da mosabatmo mompala'i kota'aiya!

YEHEZKIEL 14:13

de sa'angu' na lipu' baladosa'mo ka' madi'mo tulu-tulutan mae hi beleng-Ku, Ku hukumo na lipu' aijo'. Ku hansunimo na palasadia'an nu anu okaan nu aha, ka' mule' mompotokamo mae balaa' kasusa'anmo i anu okaan ka' mule' mompateimo manusia kabai binatang.

YEHEZKIEL 24:3

Aku, Tumpu daagi' ko sa'angu' na kantuangan da opoto'i hi aha mian anu palesayamo hi beleng-Ku anu mongka'oho'mo motomuhuk mae: Isii nu uee na kuhon ka' pokokomo i apu.

IMAMAT 26:26

Kaanon nu belemiu saidi' mae mingkotmo, sahingga aha sampulu' na to bou-boune ola sa'angu' na tampat bau pontunuan roti anu daagi' hi aha. Kaanon aijo' ola ogantangi, ka' de belemiu moko kaanmo, belemiu daagi' ahi' mongoa'i mo'ohop.

AMOS 7:14

I Amos nontaami, “Aku misa' nabi kalana pangkat. Sabenannyo aku ola mongkalesang potu'on ka' montipui bua'nyo nu ara.

MARKUS 6:37

Panyo i Yesus nontaami, “Komiumo na mombee'i mongkaan aha.” “Yoh, te kami tionyo mamba mongoli roti anu olinyo ua'atu na doi salaka bau pombee'i mongkaan to mia-mian aiya?” Sumo aijo' na koonyo nu anu saja' mombatuki Yesus aijo'.

LUKAS 10:39

I Marta ko utusnyo boune, sanggonyo i Maria. I Maria aiya sinumuhang koko hi Tumpu Yesus mohongo to poki-pokinde'-Nyo.

LUKAS 2:46

Kino itolunnyo na nolio, i humpakje nu aha na Ia i uno nu Laigan nu Tumpu. Ia hau-haunyo suha-suhang mohongo gulu-gulu' agama, ka' mompoki-pokilawa.

LUKAS 4:25

Panyo hongo: Tempo'nyo i Elia, tempo'nyo aitu madi' tinudun na ujan totolu' mintonga' na taun na kopinnyo, jinadimo na kapo'ohopan anu daka' i songko-songko na lipu'. Tempo'nyo aijo' manjoo' na to balu-balu i Israel.

LUKAS 8:35

Lantas to mia-mian nosabatmo ka' nontoa apaa na anu tinimbalimo. Aha tinoka hi Yesus, ka' i kiijo' aha nontokai mian anu pinala'ianmo nu to roh-roh ma'idek aijo' hau-haunyo suha-suhang koko tengke i Yesus. Ia nimbaju'mo ka' pikilannyo sininsumbu'mo. Aha haha aijo' nabuhukmo.

LUKAS 8:38

Mian anu pinala'ianmo nu roh-roh ma'idek aijo' nompoita hi Yesus da ia timbali mombatuki. Panyo i Yesus nonsai ia mamba, tukoo-Nyo,

LUKAS 9:13

Panyo i Yesus nontaami, “Komiumo ahi' na mombee'i aha mongkaan.” Anu saja' mombatuki Yesus notatae, “Kami ola ko roti olima', ka' uwambatu na ikan. Kabai kami tionyo mamba mongoli kaanon bau bagi nu iwi-iwi' na mian aiya?” (

YOHANES 21:5

I Yesus notatae hi aha, “Ana-anak, pa' komiu ko ikan?” “I madi',” na koonyo nu aha.

YOHANES 21:9

Salatan aha nilalobosmo mae lengkat i duangan, aha nontoa daagi' ko oba nu apu kiijo' mae ka' ikan aita' i bawonyo ka' roti.

SISIKON NU TO RASUL-RASUL 10:38

Komiu nonsumbu'mo saba' Tumpu nompile'imo i Yesus mian nu Nazaret aijo' ka' nombee' hi Ia Roh nu Tumpu ka' kuasa. Komiu mule' nonsumbu'mo saba' i Yesus namba iyaya mae da mombau anu ma'ima'; Ia nompa'alin iwi-iwi' mian anu kinuasanmo nu Ibilis, sabab Tumpu mongkalibosi Ia.

SISIKON NU TO RASUL-RASUL 15:36

Madi' pinin lapas aitu, i Paulus notataemo hi Barnabas, “Imbo' da kita po'ule' minsusule' mamba molenga to utu-utus anu pinalesayamo hi Yesus i songko-songko na kota anu pinompolelekantomo potatae nu Tumpu; da otoanto mosia na bau-baunyo nu aha.”

SISIKON NU TO RASUL-RASUL 22:3

“Aku mian nu Yahudi,” koonyo i Paulus, “aku i hampe i Tarsus i lipu' Kilikia, panyo aku pinodaka' i aiya i Yerusalem ka' ingajan ima-ima' nu gulu' daka' i Gamaliel i uno nu atulan anu binee'i Musa hi mompolee'to. Pokakana sumo to Utu-utus iwi-iwi' i aiya sinaa aiya, aku suele talalo mompalahatikan Tumpu Allah.

1 SAMUEL 19:20

Kalana aijo' i Saul nonsaimo tinopia-piangkuka na mian anu mamba mohakop i Daud. Panyo tinokan nu aha sanggombu na to nabi-nabi anu hau-haunyo lewa' monsalelei ka' lewa' molo ais hingga-hinggat, i Samuel na nongatun aha sumo aijo'. Lantas aha anu sinai mae i Saul aijo' kinuasanmo nu Roh nu Tumpu Allah, sahingga aha suele lewa'mo nonsalele ka' lewa'mo nolo ais.