2 TOMU-TOMUNDO' 4:29 - KITAB NU TUMPU ALLA LELE MA'IMAI'

²⁹ I Elisa nosiloimo nokiijo' hi Gehazi lantas notatae “Palia-lia'! Ala mae na tokonku ka' lako'mo mamba hi laigan nu Pontina'on aiya. Boli okolilimi na monsalando'i mian anu nu kabot i jalan maumo pa' ihe. De mian monsalando'i beleyum boli o tanda'i pipin obalosije na salando'anyo. De beleyum tokamo i kiijo', sampa lia-lia' potimpas na tokonku aijo' i butong nu anak aijo'.”

2 TOMU-TOMUNDO' 4:29 ပူးပေါင်းရင်းမြစ်များ

1 TOMU-TOMUNDO' 18:46

Tempo'nyo aijo' i Elia nohumpakmo kahosonan lengkat mae hi Tumpu. Kinekesnyomo na juba'nyo nokiita' i kompongnyo lantas ia nopadeka'mo so' i liu-liunyo na i Ahab tinoka-toka i sabatan daka' nu kota Yizreel.

2 TOMU-TOMUNDO' 2:14

lantas sinapahakonnyomo na juba' i Elia aijo' i uee ka' notatae, “Iyamo mae na Tumpu, Tumpu Allah i Elia aijo'?” Salatan sinapahakonnyomo na juba' aijo' i uee nu kaunyo aijo' ueenyo ai-aijo' nobagimo ohua' lantas ia i lumajangmo nokiijo' i santoanyo.

2 TOMU-TOMUNDO' 2:8

I Elia nongukatmo juba'nyo lantas kinumukumnnyomo ka' sinapahakonnyomo i kaunyo aijo'. Sahingga uee nu kaunyo aijo' nobagimo ohua', jadi ia tiba i Elisa jinumalanmo i lananyo anu no'otimo aijo'.

2 TOMU-TOMUNDO' 4:12

pinokaunyomo na i Gehazi posaihonnyo, mamba molaga boune aijo'. Salatan boune aijo tinokamo, notataemo na i Elisa hi Gehazi,

2 TOMU-TOMUNDO' 9:1

Tempo'nyo aitu i Nabi Elisa nolagamo samian na nabi anu pinogulu'nyomo anu aijo' hi aha nabi sangga'at. “Posadiamo da mambamo i Ramot i da'erah Gilead, ka' boa na boton anu ko isinyo lanya' nu zaitun aiya.

NOSABATMO 14:16

Hangkat na tokon nu beleyum ka' tangkakon mokiijo' i ambai. Da uee mobagimo ka' mian nu Israel timbalimo motulu i lananyo nu ambai anu noti-notiismo.

NOSABATMO 4:17

Boa na tokon atina' kalana tiba tokon atina' beleyum timbalimo mombau anu okabangangi aijo'.”

AMSAL 31:17

Pinosadianyomo na butongnyo; da mokalaja totu-totu'u.

LUKAS 10:4

Boli momboa dompet kabai botutu nu anu opoita, kabai sapatu. Boli milawe i totonga' nu jalan ka'oho' montabea'i mian mau pe'e ola samian.

SISIKON NU TO RASUL-RASUL 19:12

De lenso kabai hude pombutu' kompong anu toho'mo pinake i Paulus o boa hi to mia-mian masakit, panyakit nu aha ma'alin ka' roh nu setan pe'e mosabat lengkat hi aha.

SISIKON NU TO RASUL-RASUL 3:16

To utu-utus nontoamo ka' nonsakisimo apaa na anu jinadimo tiba mian kapi' aiya. Ia po'ule'mo nahoson ka' sinehat kalana ia palesaya hi Yesus ka' kuasa-Nyo. Kalana palesaya hi Yesus, sahingga mian aiya po'ule'mo sinehat i ahop nu to Utu-utus iwi-iwi'.

EFESUS 6:14

Tionyo ahi' komiu saja' balajaga-jaga. Tulu-tulutan hi Tumpu opake salaku bau pombutu' nu kompong, ka' kahondoan nu kinyonyoa salaku bau baju' besak nu belemiu.

1 PETRUS 1:13

Kalana aitu, tionyo ahi' komiu saja' mosadia. Bajaga-jaga ka' otaha'imani ahi' totu-totu'u na balakat anu obee'je mae hi beleyum de i Yesus Kristus po'ule'mo toka saidi' mae.