2 TOMU-TOMUNDO' 4:27 - KITAB NU TUMPU ALLA LELE MA'IMAI'

²⁷ Panyo salatan tinokamo i ahop hi Elisa, ia tinolodadupumo ka' nontanggogolimo tengke i Elisa. I Gehazi kahanda' mohela' ia da boli sumo aijo', panyo i Elisa notataemo, “Pojohokmo! Ia aijo' sinusa'mo hondo na kinyonyoanyo. Panyo Tumpu madi' nompoto'i apa-apaa hi belengku!”

2 TOMU-TOMUNDO' 4:27 ပူးပေါင်းရင်းမြစ်များ

KAJADIAN 18:17

Tumpu notataemo i uno nu kinyonyoanyo, “Madi' ku pohowini hi Abraham apaa na anu Ku baumo.

2 SAMUEL 7:3

Tinaaman i Natan, “Soba pa' apaa na anu nu kahanda'i nu belento Tomundo' baumo kalana Tumpu na montulungi mae belento Tomundo.”

2 TOMU-TOMUNDO' 4:25

Sahingga nambamo na boune aijo' i Bungkutnyo nu Karmel kajojoongan i Elisa. Daagi majo'on tinoamo mae i Elisa na boune aijo' mamba mae. I Elisa notataemo hi Gehazi, “Soba toa pontina'on mian nu Sunem aijo' tinokamo mae!

2 TOMU-TOMUNDO' 4:26

Lako' lia-lia' singkaboti na ia ka' pokilawa mosia na lele nua ha salaigan.” “Iwi-iwi' ma'ima',” na koonyo nu boune aijo' hi Gehazi.

2 TOMU-TOMUNDO' 6:12

Sala' samian na suludadu anu aijo' i aha anu matangkas na pangkatnyo nontaami, “Mau pe'e ola samian i madi'an, kita Tomundo'. I Nabi Elisa na nompoto'i aijo'! Ia na saja' nompoto'i hi tomundo' Israel, apaa na anu nutaloakon i Tomundo', maumo aijo' ola o taloakon i salipi' kahoyotannyo.”

AYUB 10:1

Na'osamo na aku ka' monguahimo na ku oa'i montutugi kantumuu'anku, sahingga ku taloakonmo iwi-iwi' na kasansala'an nu kinyonyoangku.

AMSAL 14:10

Lame' kabai susa' kiijo' una-una' i uno nu kinyonyoanyo; panyo mian sangga'at madi' moko ala mongoa'i.

AMSAL 18:14

Mongindi da tumuu', mian moko ala montanggung kasansala'an; imadi'mo moko ala mongindi apa-apaa, madi'mo mule' ko apa-apaa anu otaha'imani.

AMOS 3:7

Tumpu Anu Matangkas na kuasanyo madi' toho' mombau sa'angu' pe'e na apaa de madi' nu poto'i pe'e na tanga'an-Nyo hi aha to nabi-nabi ka' hi to posa-posaihon-Nyo.

MATIUS 15:23

I Yesus madi' nontaami mau pe'e apaa hi boune aijo'. Lantas anu saja' mombatuki Yesus tinoka hi Ia ka' nompoita, “Kita Tuuma, sai na boune aijo' mamba. Ia ola saja' hengge' i hikunto!”

MATIUS 20:31

Mian da'isan anu daagi' i kiijo' nontambuha'i aha, ka' nontewa'aha pomohokot. Panyo aha noloboo' nompaka pantiilan, “Kita Tuan, Anak i Daud, kalibosi mae na kami!”

MATIUS 28:9

Monti-montiik i Yesus tinokamo nonsingkaboti to bou-boune haha aijo' ka' notatae, “Tabea'!” Lantas aha tinoka nongohani Ia, lapas aitu nontanggogolimo tengke-Nyo ka' nonsombah Ia.

MARKUS 10:13

Daagi' ko to mia-mian anu nomboa to ana-anak hi Yesus da nu panya ka' nu balakati na aha. Panyo anu saja' mombatuki Yesus nontambuha'imo mian haha aijo.

MARKUS 14:6

Panyo i Yesus notatae, “Pojohokmo na ia! Kadaka' komiu monsusa'i ia? Ia mombau apa-apaa anu ma'ima', ka' anu o puji' hi beleng-Ku.

LUKAS 7:38

Ia tinuminjo i hiku i Yesus koko tengke-Nyo, ka' i humaang ka' nohumpisi tengke i Yesus nu lolu'nyo. Lapas aijo' tengke i Yesus ingambu'annyomo nu ubaknyo, lantas ingookannyo ka' dinudu'annyo nu minya-minya' manohong.

YOHANES 15:15

Komiu madi'mo Ku laga botuan, kalana botuan madi' monsumbu' apaa na anu hau-haunyo nubau nu tuannyo. Komiu Ku laga bela' kalana iwi-iwi' na anu i hongong-Ku lengkat mae hi Tuuma, pinoto'ingkumo hi komiu.

YOHANES 4:27

Tempo'nyo aitu anu saja' mombatuki Yesus ninsusule'mo. Aha binangang nontoa i Yesus basisik tiba samian na boune. Panyo madi' ko samian pe'e anu aijo' hi aha nompokilawa hi boune aijo', “Kita tina palalu apaa?” kabai anu nompokilawa hi Yesus, “Ka' kadaka' kita Tuuma basisik tiba boune aijo'?”