2 TOMU-TOMUNDO' 4:25 - KITAB NU TUMPU ALLA LELE MA'IMAI'

²⁵ Sahingga nambamo na boune aijo' i Bungkutnyo nu Karmel kajojoongan i Elisa. Daagi majo'on tinoamo mae i Elisa na boune aijo' mamba mae. I Elisa notataemo hi Gehazi, “Soba toa pontina'on mian nu Sunem aijo' tinokamo mae!

2 TOMU-TOMUNDO' 4:25 ပူးပေါင်းရင်းမြစ်များ

1 TOMU-TOMUNDO' 18:19

Uuka aiya palentahkonmo hi mian nu Israel iwi-iwi' da singkabot tiba aku i Bungkutnyo nu Karmel. Boa mae na nabi nu Baal anu itina' aha pato-pato'atu ka' limampulu' ka' mule' aha pato-pato'atu na nabi pilogot Boune Asyera, anu nunu ongkosi i Izebel bengkele' nu belento Tomundo'!”

1 TOMU-TOMUNDO' 18:42

Lantas i Ahab nambamo nongkaan ka' mule' i Elia nindakomo i Bungkutnyo nu Karmel. I kiita' mae ia tinolodadupumo, ohupnyo i hampot i tano' i olot nu bukunyo ohu-ohua'.

2 TOMU-TOMUNDO' 1:9

Lantas ia nonsaimo samian na suludadu anu matangkas na pangkatnyo ka' aha limampulu' na to sulu-suludadu da mamba mohakop i Elia. Suludadu anu matangkas na pangkatnyo aijo' nambamo lantas siningkabotmo i Elia hau-haunyo suha-suhang i sa'angu' na puge'nyo. “He, posaihon nu Tumpu Allah,” na koonyo nu suludadu anu ko pangkatnyo aijo', “beleyum pinalentahmo i tomundo' da mintudunmo mae!”

2 TOMU-TOMUNDO' 2:25

I Elisa lau-lausmo namba no kiita' i Bungkutnyo nu Karmel, lapas aijo' ia ninsusule'mo i Samaria.

2 TOMU-TOMUNDO' 4:24

Salatan pinokonanyomo na kasake'an i keledai aijo', pinoto'inyomo hi posaihonnyo, “Sabole-bole o polia' na kaledai aiya da ia mopadeka'; boli manyeeng de madi' ku poto'i…”

2 TOMU-TOMUNDO' 4:26

Lako' lia-lia' singkaboti na ia ka' pokilawa mosia na lele nua ha salaigan.” “Iwi-iwi' ma'ima',” na koonyo nu boune aijo' hi Gehazi.

2 TOMU-TOMUNDO' 4:27

Panyo salatan tinokamo i ahop hi Elisa, ia tinolodadupumo ka' nontanggogolimo tengke i Elisa. I Gehazi kahanda' mohela' ia da boli sumo aijo', panyo i Elisa notataemo, “Pojohokmo! Ia aijo' sinusa'mo hondo na kinyonyoanyo. Panyo Tumpu madi' nompoto'i apa-apaa hi belengku!”

2 TOMU-TOMUNDO' 5:20

i Gehazi posaihon i Elisa, binapikinmo, “Ibeh kadaka' ia pinobee'mo namba madi' nombayan? Sabenannyo Tuan aku mongala ahi' anu pinombayan nu mian Siria aijo'. I uno nu sanggo nu Tumpu anu tumuu', tionyo ku loloi'mo na ia, da mohumpak apa-apaa mae hi ia!”

2 TOMU-TOMUNDO' 8:4

Tempo'nyo aitu i Gehazi posaihon i Elisa pinoitamo i tomundo' da monsisikakon hahan anu okabangangi anu binaumo i Elisa.

YESAYA 35:2

Padang tampat anu mateges ko ewa-ewanyomo, ka' mongelokmo nu lagu anu mompolame'. Ia ma'ima' hondo sumomo ahi' bungkutnyo nu Libanon, sahayanyo sumomo ahi' bangka'nyo nu Karmel ka' Saron. Sahingga batu-batu mian timbali montoa kuasa nu Tumpu, ka' mule' kaholomatan nu Tumpunto.