2 TOMU-TOMUNDO' 4:1 - KITAB NU TUMPU ALLA LELE MA'IMAI'

¹ Daagi' kino sansinaan balu nu samian na nabi nambamo hi Elisa ka' nompoto'i, “Kita Tuuma, langkai'ku sinilakamo! Ka' osumbu'mo nu belento Tuuma saba' ia suele mian anu tulu-tulutan hondo hi Tumpu Allah, panyo daagi' ko samaya'nyo hi mian. Sahingga mian aijo' tinokamo mae nongala anaku ua-ua'aha aha ka' nu baumo nu aha posaihon, salaku pombayan samaya' nu Tuuma nu aha aijo'mo langkai'ku sisinilakamo.”

2 TOMU-TOMUNDO' 4:1 ပူးပေါင်းရင်းမြစ်များ

KAJADIAN 22:12

“Boli osakiti nu belento na anak aijo' kabai opoposia nu beleyum na ia”, sumo aijo' na potatae nu Tumpu anu pinoto'i nu malaekat. “Uuka aiya sinumbu'-Kumo taalu' beleyum mongadati ka' tulu-tulutan hi beleng-Ku, kalana beleyum madi' pinanggaga na nombee' anak nu beleyum anu sa'a-sa'angu'nyomo aijo' hi beleng-Ku.”

1 TOMU-TOMUNDO' 18:3

Kalana aijo' i lagamo i Ahab na i Obaja da toka mae mangadap. (I Obaja kapala nu anu mongulus kapalaluan nu auan, i uno nu laigan i Tomundo'. Ia totu-totu'u mian anu saja' hondo monsombah Tumpu.

1 TOMU-TOMUNDO' 20:35

Daagi' ko nabi pa' aha sangkuka na konjoo'nyo, samian na nabi pinalentahmo nu Tumpu da motatae hi sangko nabinyo, doke mae na ia sangalunyo aijo'. Panyo sangalunyo aijo' madi' ahi' mondoke sangko nabinyo aijo'.

2 TOMU-TOMUNDO' 2:15

Aha lima-limampulu' na nabi anu kiijo' i Yerikho nontoamo ka' notatae, “Kuasa' i Elia nolalinmo hi Elisa!” Aha tinokamo mae hi ia ka' tinolodadupumo i ahopnyo nonsombah ia,

2 TOMU-TOMUNDO' 2:3

Pa' aha sangkuka na nabi anu jojoong i kiijo' nambamo nonsingkaboti i Elisa, ka' nompokilawa, “Pa' ma'isa sinumbu' nu beleyum na tuan nu beleyum, sinaa aiya mompala'imo beleyum kalana nu hangkatmo nu Tumpu?” “Memang sinumbu'kumo,” na koonyo i Elisa. “Panyo bakasmo bolimo kita mombisalakon han aijo'.”

2 TOMU-TOMUNDO' 2:5

Pa' aha sangkuka na nabi anu jojoong i kiijo' nambamo mae nonsingkaboti i Elisa ka' nompokilawa, “Pa' ma'isa sinumbu' nu beleyum na tuan nu beleyum nu hangkatmo nu Tumpu Allah ka' mompala'imo beleyum?” “Memang sinumbu'kumo panyo bolimo kita mombisalakon han aijo'.”

2 TOMU-TOMUNDO' 2:7

ka' aha 50 na nabi haha aijo' nombatukimo aha. Lantas i Elia ka' i Elisa sinonso'mo i biwi nu kaunyo, ka' aha 50 na nabi haha aijo' suele tinuminjomo madi' majo'on lengkat i kiijo'.

2 TOMU-TOMUNDO' 4:38

Daagi' mule' kino sansinaan tinokamo na balaa i songko-songko na lipu' sinusa'mo i anu o kaan. Sahingga i Elisa ninsusule'mo nambamo i Gilgal. Tempo'nyo ia hau-haunyo mompogulu' to nabi-nabi pa' aha sangkuka, ia nonsaimo posaihonnyo nongala kuhon anu daka' ka' mongunjang anu o kaan nu aha.

2 TOMU-TOMUNDO' 6:9

Panyo i Elisa nompolelemo hi tomundo' Israel salaku nompokinde'i ia da boli mamba i tampat aijo' kalana mian nu Siria haha aijo' biasa montulu jalan i kiijo'.

NEHEMIA 10:31

De daagi' ko bansa anu i salipu'an mae mompobaluk gandum kabai pa' balang apaa hi kami i sinaa nu Sabat kabai pa' i sinaa anu susi' sangga'at kami madi'mo mongoli. De tokamo na taun anu kopopitu'nyomo kami madi'mo mongale kabai mompoita samaya' mami hi mian.

NEHEMIA 7:2

Anu mompalentah kota' Yerusalem binee'kumo hi utusku i Hanani ka' hi Hananya, anu montalenga'i benteng, kalana ia na molingkudui mian sangga'at, mabuhuk hi Tumpu Allah ka' timbali opalesaya.

MAZMUR 103:11

Panyo sumo kotangkasnyo nu langit anu aita' mae, i buan nu tano' aiya sumo aitumo na kalibosan-Nyo kona hi mian anu tulu-tulutan hi Ia.

MAZMUR 103:17

Panyo Tumpu sabole-boleh mongkalibosi mian anu tulu-tulutan hi Ia, kanonongan-Nyo saja' sabole-boleh sampe molundu-lundu na tulunan

MAZMUR 115:13

Nu balakati na to mia-mian anu tulu-tulutan, mau anu daagi' ise' mae anu daka'mo.

MAZMUR 147:11

Tumpu sanang hi mian anu tulu-tulutan, hi mian anu sabole-boleh montaha'imani kalibosan-Nyo mae.

AMSAL 22:7

Mian anu kasiasi nu kuasai nu mian anu kaya; mian anu monsabon nukuasai numian anu momposabonakon.

ANU MOMPOLELE POTATAE NU TUMPU 12:13

Salatan iwi-iwi' pinotutugakonkumo; aiyamo na kasingkatannyo nu anu ihumpaku. Kabuhuk na Tumpu ka' otuluti na palentah-Nyo iwi-iwi'. Kalana makisud aijo' sahingga manusia pinotimbali-Nyomo.

ANU MOMPOLELE POTATAE NU TUMPU 8:12

Mau sa'atumo na palabuatan ma'idek binau nu mian baladosa', ia tataap tumuu' ka' mantan na umunnyo. De ihe na tulu-tulutan hi Tumpu Allah tantu kantumuu'annyo madi' susa'.

YESAYA 50:1

Tumpu notataemo hi aha Israel, “O, mian anu palesayamo hi beleng-Ku, nu sangka nu beleyum Aku molaa'mo beleyum, susumo samian na langkai' nu mian molaa'mo bengkele'nyo? De sumo aijo' yo iya na sulat poga'atan? Nu sangka nu beleyum Aku mompobalukmo beleyum, susumo samian na tuuma mompobalukmo anaknyo hi mian anu nontagemo samaya? Misa' ahi' sumo aijo'! Beleyum ihakop ka' binoamo ilipu' nu mian, kalana dosa' ahi' tiba palabuatan ma'idek nu beleyum!

YEREMIA 34:14

Pinoto'ing-Kumo da iwi-iwi' na botuan te aha mian nu Ibrani anu lewa'mo nontuluti apaa na anu pinokauhakon nu belemiu inganom na taun na kinopinnyo tionyo ahi' opobebasmo ikamingkotanmo nu taun anu kopopitu'nyomo. Panyo mompolee' nu belemiu madi' ahi' nompalahatikan kabai nohongo-hongo apaa na anu pinoto'ing-Kumo aijo'.

IMAMAT 25:48

mian nu Israel aijo' tataap ko hak da ololo'i. Samian na utusnyo mo'ane,

MALEAKHI 3:16

Lantas aha to mia-mian anu mongkabuhuk Tumpu notatae hi samian ka' samian. Nu hongo nu Tumpu ka' mule' nu palahatikan apaa na anu nu taloakon nu aha. To mia-mian anu moholomati Ia ka' mule' mongkabuhuk Ia otulismo na sanggo-Nyo, i sa'angu' na kitab anu bau pontulisan anu kiita i ahop-Nyo.

MALEAKHI 4:2

Panyo kona hi belemiu anu tulu-tulutan hi beleng-Ku, kuasang-Ku na momposalamat anu bete'mo mae susumo batu nu sinaa ka' jingkanyo momboa mae kahosonan nu mian anu masakit. Belemiu bebasmo ka' mule' lame'mo susumo anak nu sapi' anu salaje' mosabat mae i pangkunnyo.

MATIUS 18:25

ka' anu madi'mo moko polunas. Jadi, tomundo aijo' mompalentahkon da posaihon aijo' opobaluk tiba anak, ka' bengkele'nyo, ka' iwi-iwi' na halata' nu aha bau pombayan samaya'nyo.

MATIUS 18:30

Panyo posaihon aijo' madi' nontalima. Panyo ola mule' ahi', pinosoopnyo na ia i uno nu talungku' sampe ia nombayan samaya'nyo.

MATIUS 18:35

I Yesus nompomingkot sisik-Nyo nu potatae sumo uuka, “Sumo aijo'mo na Tuumang-Ku i suluga' mombau komiu toto samian, de madi' sanang na komiu mongampuni utusum.”

SISIKON NU TO RASUL-RASUL 13:26

To Utu-utus lee' i Abraham, ka' iwi-iwi' to Utu-utus anu sangga'atannyo, i aiya anu mohongo hi Tumpu! Tumpu nompakatumo hi kita lele kasalamatan aijo';

YAKOBUS 2:13

Kalana Tumpu madi' mompotoa kalibosan-Nyo hi mian anu madi' monsumbu' kalibosan. Panyo kalibosan lebe mahoson molingkudui hukuman!

ANU PINOTO'I HI YOHANES 15:4

Ihe na anu madi' mabuhuk hi Kita Tumpu? Te ihe na madi' mongka'oho' mompolele katalasanggoan-To! Olamo Kita na anu susi'. Iwi-iwi' na bansa tokaje mae monsombah Belento kalana apa-apaa na anu binaumo nu Belento mian iwi-iwi' nontoamo.”

ANU PINOTO'I HI YOHANES 19:5

Lantas i hongo lengkat mae i kasuhangan aijo', potatae anu nontaloakon, “O puji' na Tumpu, o belemiu iwi-iwi' posaihon nu Tumpu, ka' iwi-iwi' mian – daka' ise' – anu nonsombah Tumpu!”

I RUT 1:3

Sahingga memo ahi' i Na'omi tiba anaknyo ua'aha.

1 SAMUEL 22:2

Tiba suele to mia-mian anu saja'mo osansala, ka' mian anu ko samaya'nyo anu pagalamo otage, ka' anu madi' sanang hi sangko manusia. Iwi-iwi' nosa'angu'mo hi Daud, ka' i Daudmo na binau polaya' nu aha. Konjoo'nyo nu aha mian anu nosangaja'mo tiba i Daud kila-kila aha 400 na mian.