2 TOMU-TOMUNDO' 3:4 - KITAB NU TUMPU ALLA LELE MA'IMAI'

⁴ I Tomundo' Mesa mian nu Moab ko potu'on domba. Salaku bau pombayan hasin hi tomundo' Israel, sataun toka sataun ia toka mombayan 100.000 na anak nu domba ka' mule' bulu nu domba lakinyo unggalannyo 100.000 na domba lakinyo.

2 TOMU-TOMUNDO' 3:4 ပူးပေါင်းရင်းမြစ်များ

KAJADIAN 13:2

I Abram kaya hondo; ia daagi' ko domba, mee', sapi' ka' mule' salaka tiba mosoni'.

2 SAMUEL 8:2

I Daud nompatundu' mule' aha mian nu Moab. Pinokaunyo na aha nale' nale' i tano' lantas salatan de totolu'mo na olanggai opateimo na ohua' na mian. Jadi aha mian nu Moab nongkabuhukmo hondo i Daud ka' nombayanmo hasin hi ia.

2 SAMUEL 8:6

Lapas aijo' i Daud nombaumo kemah da bau kajojoongan nu to sulu-suludadunyo i da'erah nu aha ka' aha mule' tinulutmo ka' nombayanmo hasin hi ia. I Daud saja'mo pino untung nu Tumpu na nahampate maumo pa' iyaya mae.

1 TAWARIKH 18:2

Ka' mule' i Daud nompatundu'mo mian nu Moab sahingga tinundu'mo na aha ka' nombayanmo hasin hi ia.

2 TAWARIKH 26:10

Ia mule' nompotinjomo laigan toto tangka-tangkas anu binentengan i da'erah padang, ka' nongkekemo manjoo' hondo na bubung kalana manjoo' na potuu'onnyo mau anu aita' mae i bungkutnyo kabai i hatanyo sasu kinsoban. Kalana ia nompalahatikan hondo anu mombau ale' sahingga ia nompokalajamo mian manjoo' hondo anu mombau ale' nu anggur i da'erah bungkutnyo, ka' mombau ale' i da'erah anu toto ma'o-ma'omuk.

AYUB 1:3

Ka' mule' ia ko to posa-posaihon manjoo' hondo, 7.000 na domba, 3.000 na unta, 1.000 na sapi', ka' 500 na keledai. Osanggomo pe'e na mian aijo', ia mian anu kaya hondo anu jojoong i da'erah sasu kabete'an.

AYUB 42:12

Tuha'nyo nu kantumuu'an i Ayub aijo', nolabi-labimo na Tumpu nombalakati, ilingkuduannyomo na u'utu mae ia ma'isa pe'e tinokan nu balaa'. I Ayub kino mee'mo ka' domba 14.000, unta 6.000, sapi' 2.000, ka'keledai 1.000.

MAZMUR 60:8

Lengkat mae kiita' i kajojoongan-Nyo anu susi' hondo Tumpu notataemo mae, “Aku montaligalaimo ka' mombagi-bagimo tano' nu aha Sikem; Bangka'nyo nu Sukot Ku buangakonmo onde.