2 TOMU-TOMUNDO' 3:25 - KITAB NU TUMPU ALLA LELE MA'IMAI'

²⁵ ka' nohobo'akonmo ka' nongideimo kota' nu aha haha aijo'. Ale' anu toto lumba-lumba' anu sinahakmo nu aha pinaha Lumbu'anmo nu aha nu batu. Ahennyo iwi-iwi' na ale' kahomo batu. To mia-ian nu Israel mule' nontabuhimo mata nu uee iwi-iwi' ka' lewa'mo nonta'i to kau-kau' anu okaan na bua'nyo. Anu daagi' pinotuha' ola kota' kir-Hareset, puso nu kota' nu Moab. Ahennyo kota' aijo' suele tinumbuhanmo ka' pinaha lumbu'anmo nu batu nu mian anu lewa' mombunu'akon nu salambeta.

2 TOMU-TOMUNDO' 3:25 ပူးပေါင်းရင်းမြစ်များ

KAJADIAN 26:15

Lantas pinaha tabuhanmo nu aha nu tano' iwi-iwi' na bubung anu kinekemo nu to posa-posaihon i Abraham tempo'nyo ia daagi' tutuu'.

KAJADIAN 26:18

Ia po'ule'mo nongkekei to bubu-bubung anu kinekemo tempo'nyo i Abraham ka' anu tinabuhanmo nu tano' nu mian Filistin salatan pinala'ianmo i Abraham. Bubung haha aijo' sinanggohannyomo pokakana susumo pinonsanggohi nu tuumanyo.

2 SAMUEL 8:2

I Daud nompatundu' mule' aha mian nu Moab. Pinokaunyo na aha nale' nale' i tano' lantas salatan de totolu'mo na olanggai opateimo na ohua' na mian. Jadi aha mian nu Moab nongkabuhukmo hondo i Daud ka' nombayanmo hasin hi ia.

2 TOMU-TOMUNDO' 3:19

Iwi-iwi' na kota' nu aha anu ko bentengnyo ka' to ima-ima' ohobo'akonmo nu belemiu; iwi-iwi' na kau' anu okaan na bua'nyo ota'imo nu belemiu, iwi-iwi' na kau' anu okaan na bua'nyo ota'imo nu belemiu, iwi-iwi' na mata nu uee nu tabuhimo nu belemiu, ka' iwi-iwi' na ale' anu toto lumba-lumba' opaha lumbu'imo nu belemiu nu batu sampe iwi-iwi' singkapmo ma'idek.”

2 TOMU-TOMUNDO' 3:24

Panyo salatan to mia-mian nu Moab tinokamo i kemah nu aha, aha labotmo tinumbuhan nu mian Israel ka' sabole-bolemo i loloi' nu aha ka' nompateimo aha,

2 TOMU-TOMUNDO' 3:26

Salatan ingoa'anmo i tomundo' Moab madi'mo moko ala na ia mongewa, ia nomboamo 700 na suludadu anu pande na montabasakon bajak, lantas nonsobamo nompinsoopi palatahanan nu suludadu i tomundo' Edom, panyo madi' pinoko ala nu aha.

YESAYA 15:1

Sumo uuka na potuunon nu Tumpu mongkona aha Moab. Kota' Ar tiba Kir ohansunimo ola oposampahu, ka' lipu' Moab timbalimo liing.

YESAYA 16:11

Kinyonyoangku nolokihismo ka' ihansunmo hondo-hondo montoa ka' ada'an nu aha Moab tiba Kir-Heres.

YESAYA 16:7

Kalana aijo' bakas da bansa Moab mompaha hahangimo. Bakas da aha tonginau' ikaanon anu to tami-tami bia-biasa nu kaan nu aha ikota' Kir-Hareset. Bakas da aha hentemo na montutugi apa-apaa ka' sola' nu bapisala.

YEREMIA 48:31

Mokonyo aijo' Ku haangimo hoso-hoson na belemiu iwi-iwi' ka' suele kona hi aha mian nu Kir-Heres, puso nu kota' nu belemiu.

YEREMIA 48:36

Iwi-iwi' na kakaya'an nu Kir-Heres tiba songko-songko na Moab imadi'anmo. Aku molibos hondo na montoa kantumuu'an nu aha aijo'; Aku sumomo ahi' mian anu montiop lagu anu otiop de ko anumo silaka isa'angu'na puloit.

PO'ULE' INGULIT 2:9

Tumpu notataemo hi belengku, ‘Mian nu aha Moab, lee' mae i Lot, madi' timbali opoposia nu belemiu. Ka' mule' boli montumbuhi aha. Lipu' Ar binee'-Kumo hi aha ka' tano' nu aha mau pe'e ola sangkiding madi Ku bee' hi belemiu.’ ” (

TO MIA-MIAN KOPIAN 9:45

I Abimelekh sinansinaa na saja' nahampate ka' nongkuasaimo kota aijo'; anu jojoong ikiijo' pinateanmo, lantas kota'nyo ingideanmo ka' mule' tinabuhanmo nu timuson.