2 TOMU-TOMUNDO' 3:18 - KITAB NU TUMPU ALLA LELE MA'IMAI'

¹⁸ Lantas notatae mule' na i Elisa, “Panyo aijo' ola sa'angu' na han anu dengke hi Tumpu. Ia suele mombee'ije ka'untungan hi belemiu de mahampatemo tiba mian nu Moab.

2 TOMU-TOMUNDO' 3:18 ပူးပေါင်းရင်းမြစ်များ

2 SAMUEL 7:19

Pakalaus nolabimo na anu binaumo nu belento Tumpu, O tumpu Anu Matangkas na kakuasa'an, belento Tumpu nonjanji'mo hi lee'ku mongkona tempo' anu aiya mae i ahop. Ka' han aijo' pinotoamo nu belento hi belengku maumo aku aiya ola ahi' mian biasa, o Tumpu Anu Matangkas na kakuasa'an.

1 TOMU-TOMUNDO' 16:31

Ma'isa na'osa na ia i kantumuu'annyo lewa' mombau dosa' susumo i Tomundo' Yerobeam, pakalaus ia nongosoai mule' i Izebel anak i Tomundo' Etbaal mian nu Sidon, ka' mule' ia nonsombahmo Baal.

1 TOMU-TOMUNDO' 20:13

Tempo'nyo aitu nambamo na nabi samian hi Tomundo' Ahab ka' pinoto'inyomo, “Koonyo nu Tumpu: 'Tinoamo nu belento na konjoo'nyo nu suludadu haha aijo'? Ku bee'imo kauntungan na Belento mahampate mongewa aha sinaa aiya. Atina'je ka' nu nusumbu' taalu' Akumo aiya na Tumpu.’ ”

1 TOMU-TOMUNDO' 20:21

I Tomundo' Ahab suele nambamo nahampate lantas nohansuni iwi-iwi' na kareta anu pinake nu sampo bali' nahampate ka' nompateimo kudanyo iwi-iwi'. Sinaa aitu mian nu Siria pinatundu'mo ka' manjoo' hondo na kalugia'an.

1 TOMU-TOMUNDO' 20:28

Lantas tinokamo na nabi samian hi Tomundo' Ahab ka' nompoto'i, “Sumo uuka na pinoto'i mae nu Tumpu: 'Kalana mian nu Siria haha aijo' monsangka tukoonyo Aku ola mongkuasai bungkutnyo panyo' hatanyo madi', jadi Ku po'untungmo na belemiu mahampate mongewa suludadu nu aha anu talalo hondo manjoo'. Beleyum ka' mian anu nu palentah monsumbu'je taalu' Akumo na Tumpu.’ ”

1 TOMU-TOMUNDO' 3:13

Ka' mule' anu madi' pinoita nu beleyum suele Ku bee'mo hi beleyum: i uno nu kantumuu'an nu beleyum kayamo ka' o angga'i molingkudui tomundo' sangga'at mau mule' iyaya mae.

2 TOMU-TOMUNDO' 20:10

I Hizkian notataemo, “De mombau lolung aijo' mideden su' mokiijo' 10 na gohitnyo na dengke ahi'. Kalana aijo' baumo, tolo ule' mo'uuka mae 10 na gohitnyo.”

YESAYA 49:6

Tumpu notataemo hi belengku, “Pakalaja'an anu lebe daka' hondo montanda'imo beleyum, o, posaihon-Ku; beleyum misa' ola monsule'akon mae tuha' nu lee' i Yakub, ka' mompo ule' mompojadi kaholomatan nu to tulu-tulunan nu bansa Israel, panyo Ku pojadimo mule' ahi' jingka nu to bansa-bansa, da songko-songko na dunia oposalamatmo.”

YESAYA 7:13

Lantas i Nabi Yesaya notataemo, “De sumo itina', potombihing mae lee' i Tomundo Daud! Ma'isa sukup na belemiu monguji' kasabanan nu manusia sahingga belemiu monguji mule' kasabanan nu Tumpu Allah?

YEREMIA 32:17

“Tumpu Anu Matangkas na Kuasanyo, Belentomo na anu nompotimbalimo langit tiba tano' nu kuasa tiba kamampuan nu Belento anu daka' hondo. Madi' ko anu madi' nu poko ala Nu bau.

YEREMIA 32:27

“Akumo na Tumpu, Tumpu Allah nu mian iwi-iwi'. Madi' ko anu mahan na montutugi de hi Belengku.

YEHEZKIEL 8:17

Tumpu notatae hi belengku, “O, manusia anu madi' tumuu' batu, tinoamo nu beleyum na aijo'? Aha mian nu Yehuda haha aiya madi' puas de ola mombau hahan anu okahegati haha aijo' ka' palabuatan-palabuatan anu misa'mo palabuatan nu manusia isongko-songko na lipu'. Panyo aha mombau mule' ahi' palabuatan haha aijo' i uno nu Laigan-Ku aiya ka' nonsaduakonmo Aku da nompaka potambuha' mule'. Soba toa mosia na aha mongambangimo mae Aku nu palabuatan anu mahumimi' hondo aiya!

MARKUS 10:27

I Yesus nontoa aha ka' nontaami, “De hi mian aijo' madi' opoko ala, panyo de hi Tumpu; iwi-iwi' opoko ala nubau nu Tumpu.”

LUKAS 1:37

Kalana hi Tumpu madi' ko sa'angu' na madi' tontimbali.”

EFESUS 3:20

Kalana kuasa nu Tumpu anu saja' mokalaja i uno nu butongto, Tumpu timbali mombau anu lebe manjoo' molingkudui apaa na anu opoitanto kabai anu opopikinakonto.