2 TOMU-TOMUNDO' 3:11 - KITAB NU TUMPU ALLA LELE MA'IMAI'

¹¹ Lantas pinokilawamo i tomundo' Yosafat, “Pa' i aiya mae na daagi' ko nabi nu Tumpu da pompokilawanto?” Daagi' ko samian na suludadu i Tomundo' Yoram anu matangkas na pangkatnyo nontaami, “Daagi' i Elisa anak i Safat! Ia u'utu mae lewa' nonsangalui i Elia.”

2 TOMU-TOMUNDO' 3:11 ပူးပေါင်းရင်းမြစ်များ

KAJADIAN 18:4

Da aku mongala pe'e uee bau pombaso'i tengke nu to Tuan-tuan. Imbo' pe'e Tuan-tuan da milawe i patu nu kau' aiya.

1 TOMU-TOMUNDO' 19:21

I Elisa po'ule'mo ninsusule' i ale'nyo lantas pinahangkolotakonnyomo na sapi'nyo iwi-iwi'. Kau' nu pajekonyo pinosunnyomo bau pinongunjang antoknyo nu sapi' haha aijo'. Lapas aijo' pinaha bagi-bagiakonnyomo na antoknyo haha aijo' hi to mia-mian anu mokalaja hi ia, ka' kinaanmo nu aha. Lapas aijo' i Elisa nambamo nombatuki i Elia ka' tinimbalimo sangalunyo anu saja' montulungi ia.

1 TOMU-TOMUNDO' 22:7

Panyo i Yosafat daagi' nompokilawa, “Pa' aiya mae madi' mo ko nabi sangga'at bau pompokilawanto?”

2 TOMU-TOMUNDO' 2:25

I Elisa lau-lausmo namba no kiita' i Bungkutnyo nu Karmel, lapas aijo' ia ninsusule'mo i Samaria.

2 TOMU-TOMUNDO' 3:10

“Silakamo na kita!” na koonyo i Tomundo' Yoram. “Kita totolu' aiya ingusahakonmo nu Tumpu da obee'mo hi Tomundo' Moab!”

2 TOMU-TOMUNDO' 3:12

“Totu'u! Tumpu memang lewa' notatae hi ia,” na koonyo i Tomundo' Yosafat. Sahingga aha totolu' na tomundo' ai aijo' nambamo i Elisa.

2 TOMU-TOMUNDO' 3:3

Panyo susumo i tomundo' Yerobeam anak i Nebot anu nompalentahmo ma'isa pe'e kino ianyo, suele nonsaduakonmo mian nu Israel binaladosa'mo ka' madi' mongka'oho' belenti na mombau han aijo'.

1 TAWARIKH 10:13

I Saul sinilakamo kalana ia madi' tinulu-tulutan hi Tumpu, ka' madi'mo nompajuli palentah nu Tumpu. Ia madi'mo nomoita pokinde' hi Tumpu, panyo ola mule' ahi' nomoita pokinde' hi to santu-santuu' nu mian anu sinilakamo. Kalana aijo' ia i hukummo nu Tumpu ka' binee'mo na pangkatnyo salaku Tomundo' hi Daud anak i Isai.

1 TAWARIKH 14:10

Nohongo lele nu aha aijo', pinokilawamo i Daud hi Tumpu Allah, “O Tumpu pa' ku tumbuhimo na mian Filistin haha aijo'? Pa' obee'i mae na aku ka'untungan de mahampate, Tumpu?” Tinaaman nu Tumpu, “Ii', tumbuhimo!” “Ku bee'imo ka'untungan na beleyum!”

1 TAWARIKH 14:14

Po'ule' mule' i Daud nomoita pokinde' hi Tumpu Allah, lantas tinaaman nu Tumpu Allah, “Boli montumbuhi aha lengkat i aiya, panyo mamba bangkualilit mae ka' tumbuhimo na aha lengkat mae aijo' i santoanyo, koko kau' murbei haha aijo'.

1 TAWARIKH 15:13

Tempo'nyo Peti' aijo' palatamanyo i lalin, belemiu madi' ko anu i kiijo' da nomboa. Kalana aijo' Tumpu Allah-nto nohukummo kita kalana monsombah ia panyo madi' mombatuki pongka'oho'nyo.”

2 TAWARIKH 18:6

Panyo po'ule' mule' pinokilawa i Yosafat, “Pa' aiya mae madi'mo ko nabi sangga'at anu timbali mompokilawakon kita hi Tumpu?”

MAZMUR 74:9

To nabi-nabi ka' tanda-tanda anu okabangangi madi'mo daagi' tinoa, ka' madi' ko anu monsumbu' pa' hipianje na anu susumo aiya belentimo.

YEREMIA 37:17

Lapas aijo' i Tomundo' Zedekia nompalentahmo mian da momboa aku mangadap hi ia ilaigan nu tomundo'. Ikiijo' pinohowininyo na ia nompokilawa mae hi belengku pa' daagi' ko potuunon lengkat mae hi Tumpu. “Daagi',” na koongku. Lantas po ule' mule' aku notatae, belento “Tomundo' obee'mo hi tomundo' Babel”.

AMOS 3:7

Tumpu Anu Matangkas na kuasanyo madi' toho' mombau sa'angu' pe'e na apaa de madi' nu poto'i pe'e na tanga'an-Nyo hi aha to nabi-nabi ka' hi to posa-posaihon-Nyo.

FILIPI 2:22

Posi komiu nontoamo bukuti'nyo taalu' i Timotius ko gunanyo. Ia nokalajamo juku-jukut tiba aku mompolele Lele Ma'ima' lengkat mae hi Tumpu. Kami ohua' sumomo ahi' anak tiba tuuma.

1 TIMOTIUS 5:10

talasanggo salaku boune anu saja' nombaumo hahan anu ma'ima', salaku sonto'nyo: nompidaka'imo to ana-anaknyo sampe na'ima', sanang na montalima to mia-mian sonso' male' i bonuanyo, montoa kapalaluan nu mian anu pinalesayamo, montulungi to mia-mian anu susa', ka' mombau totu-totu'u iwi-iwi' na ngahan nu kalaja anu ma'ima'.

YOSUA 1:1

Salatan i Musa sinilakamo, posaihon nu Tumpu aijo', Tumpu nompoto'imo hi wakin i Musa, aijo'mo i Yosua, anak i Nun.

YOSUA 9:14

Sahingga aha mian nu Israel nongalamo sangkiding anu okaan nu aha mian Gibeon aijo', ka' madi'mo nompokilawa hi Tumpu mongkona han aijo'.

TO MIA-MIAN KOPIAN 20:18

Suludadu nu mian Israel aijo' nambamo i tampat ponsomban nu aha Tumpu kiijo' mae i Betel, ka' nompokilawamo hi Tumpu Allah, “O Tumpu, tulunan nu bansa ile na aiya hi kami na momona mamba montumbuhi aha mian nu Benyamin?” Tumpu nontaami, “Tulunan nu bansa Yehuda.”